不請自寫的跋

遠方來鴻，喜不自禁。

唯有不請自寫一個跋（註），以表心跡。

於何年何日碰上魔術師早已不能考究。不能者，非無能，實不為也。 雖然與之認識不足兩年，但我所認識的魔術師，似乎在這兩年間，隱見改變。嘿，或許君不曾變，乃小弟無知罷。就讓我回敬魔術師哥哥的美意。

來了。


兩年前我所見既魔術師呢～

唉，不解不解風情，不解不解溫柔，咁囉（拿，意思係對女仔 jet，唔係對我）。好惡死架。

係辦公室呢，想食人咁款，總之你地身邊班友仔做野唔該醒醒定定，好似機械人咁你就死梗勒（雖則機械人又真係好鬼難頂）。

去街？唔好講笑喇。佢一係睇書，一係聽音樂，總之肯定悶到你地班港女抽筋兼無癮。若果你地淨係識飲飲食食落 D 唱 K 開 P 行 MK 既話，識趣就唔好痴埋去勒，唔好話我唔單聲。

仲有，你唔好用英文呀學歷呀咩咩經驗撻佢添呀，佢周身刀隨時可以叫你無地自容呀。（妖，唔怪得冇靚女埋我身喇。）


兩年後既今日呢～

總之，睇完本書，你就知道魔術師依家變成點勒。


題內話，有邊位女士正在尋覓心目中既理想男士呢？

請到伊謝爾倫報到。

（魔術哥哥，題外話......你能夠比我用一個新角度睇返自己，真係一種好特別既體驗，多謝哂！）

肉搏身邊事

無獎競猜遊戲 2 - 答案

1. 咪因為終於斷左擔挑囉。（你地真係醒目）

2. 究竟做人 specialized 好d定generalized 好d，你話邊可以分得咁清楚呢？梗係各有各好啦。（查實... 有得揀咩？我呢，條路就走左去generalized果邊囉。）

**********************

中產福利少？

嗯，好勒，首先你話究竟「應唔應該」「交稅」先？若果你話唔應該，咁就無野好講勒。

又，若果你話應該交，但係唔應該交咁多。好勒，咁你究竟認為「應唔應該」「能者多付先」。若果你話唔應該，咁又就無野好講勒。

又，若果你話應該能者多付，好，我想問，作為納稅人，咁你認為「成個香港」左幾多比你呢？

1. 享受高薪工作機會
2. 享受低薪外籍僱傭服務
3. 子女入讀貴族學校的機會
4. 完全享受免稅額、低階累進稅基
5. 買靚車、用貴油
6. 住靚屋、免稅傢俬
7. 食靚野，連豪華裝修
8. 出入境比其他人更自由、更公平
9. 乜稅物稅寬免（紅酒、消費、住屋利息、買賣股票印花稅）
10. 仲有其他，唔該其他同志們駁落去。

納稅人，你試下去第二度睇下搵唔搵到？

嗯，不如問下其他人丫，例如... 共鳴、錢從何來、第一千九百五十八天：好無聊記 （係呀，我係偏袒呀，點呃？）

又，可以睇下冰冰 及（一）、（二）同危樓姐姐以及狼校長點睇。

**********************

情緒叉輪廚

正如阿米爸話齋，真係好多叉輪廚，其中一樣就係情緒。

曾經講過，DaDa出世果屎，我已經撐唔住。要死，全身散曬，久久不能回復狀態。雖然慢慢復原，但仍有後遺症。而呢種後遺症，就係阿細（Errr.... 仲未知叫乜名）出世無耐又蠢蠢欲動勒。同阿邊個來往左兩句之後，覺得好攰，發軟蹄，想大覺瞓，連打遊戲機都唔想（喂，風頭火勢，想死咩）。

但就係呢一個「唔想」，令我諗起，點解我打機就通宵都可以打死老虎，但竟然應付阿細就唔得？

...... 分別只係因為我覺得「開心」定「唔開心」。

我諗，道理同各位阿姐行街買衫、阿哥逛電腦商場、阿嬸去十間超市格價、阿叔去買馬一樣。

就此，我呢幾日就突然一d都唔覺得攰，仲生猛曬。嗯，似乎我好有機會擺脫個抑鬱症。真係，多謝曬。而我亦開始明白到，咩叫做「壓力」，咩叫做「動力」勒。（嘿，睇我幾時有機會搵下屬做實驗品先！）

**********************

Backlog...

自圓其說、辦公室政治、貪污、誠實與科學及言論自由、IQ題、偉明的單戀故事... （蝦，仲有冇漏呢... 查實漏左：Strategy - Indirect Approach）

無獎競猜遊戲 2

問題1：

點解我咁忙呢？

問題2：

究竟做人 specialized 好d，定係 generalized 好d呢？

ME (1) - Warm me up

http://dilbert.com/strips/comic/2008-04-08/

雖然厚黑老師曾經跟小弟說過，人力資源管理（以下簡單點：人事管理）的核心價值在於 Motivation。

以厚黑老師經常要下屬跟著跑的性格，難怪 motivation 會成為他管理的重心。而我，比較喜歡面對普羅大眾，應付大小事故，所以會較側重 Managing Expectation。雖說側重，但不代表此為個人強項。

小弟最近被問及如何處理一件事故。

事緣靚女行家 Maggie 負責制定來月一次特別加薪的預算。

靚女行家瑪姬的公司因為業績不理想，上年年底的分紅強差人意。與此同時，某位一向深受一眾員工愛戴的部門主管，在分紅之後不久的某天即日離職，因此觸發了一波波的震蕩。傳言四起，有說老闆妒忌他受人擁戴，所以故意削減他的分紅；又有傳言指該主管因受愛戴有恃無恐，所以經常頂撞老闆，表面雖為自願離職，實際被老闆逼走。不少員工替該主管不值而紛紛辭工。

事件持續發展至六月初，老闆終於發現事態嚴重，認為要避免人員過分流失以及減低怨氣，於是指示瑪姬的上司，籌劃一份特別加薪的計劃書，希望六月底公佈，七月開始實行。

原先老闆希望給員工一個驚喜，不過，天要下雨，娘要嫁人，公司加薪的意向竟然被涉露了出去。原本此非大事，可是，這所機構似乎以造謠著稱，更言之鑿鑿指公司為補償上年度分紅之薄，於是今次來個大幅度加薪：輕則 8%，重則兩成；還有傳言指，這些加薪幅度乃天經地義，否則老闆不仁不義也，必消極怠工應之。老闆大驚，與某些關注事件的高層一同商討對策，認為殺一儆百已經錯失時機，高層們各自辟謠又不見成效，更反而火上加油。碰巧瑪姬的上司突然需病假入院，直接令公司成為多事者樂園。

瑪姬於是被指示按照公司之前的意思完成上司負責的計劃書，按照上年底表現評核結果，加薪3-6%。並劃一額外分紅 2K，並美名特別津貼。根據老闆與財務及高層等商議，此乃加薪上限，否則將令公司陷入困難。

平時素來與員工有講有笑的同事，都因這一連串事件與瑪姬疏遠。而瑪姬亦從各種渠道得知，這份方案，必定會引致不少員工反感。其中一個消息渠道指，原來之前那位深受愛戴的主管因為老闆的偏見和妒忌心把他轟走，此主管或會借今次事件挖走公司中的精英。

於是，瑪姬唯有四出求救。

Luck Look 工人

Luck Look，當然係講工作喇。

前幾日準備 luck look 之前，見到三位靚女，提及小弟份工。

嗯，簡單黎講，咪乏善足陳囉。

呢個老闆識左我好多年喇（總之好多年），對我真係好好，小弟真係非常感激。老闆佢呢，好有同情心，所以收留我。嗯，小弟真係無以為報。呢個亦係我呢位做細既，一直唔希望自己會有大動作既原因。係呀，請我唔洗好多錢，皆因我係好講心既。

呢間紙扎工廠，日常工作都係入下原材料，然後我呢亭工人就依照果d 眯埋眼都搞得掂既工序，扎起一個個連個客都未必會望多兩眼既紙扎公仔，昃下有冇甩頭甩尾，然後 call 車送貨。最近一個國內客就訂左批新貨，係咁，就搞到我求生不得。

*************

查實我唔係唔想自圓其說，但係，我要先搵返隻look。而且，我仲有好多廢話想講。

*************

鎚哥哥提到 Propaganda。

我睇到之後覺得，好多字原本係中性既，但無啦啦可以比人一個幾負面既感覺。尤其係呢個開放社會，某d字眼其實日常用開，只係環境唔同，所用術語亦因此變得唔同左之外，呢d 字眼個背後意思同性質，其實好相近。

好似 Propaganda 呢個字，係企業管理層面，就會叫 alignment，負面咁睇叫統戰。

Marketing方面，幾乎就包含係promotion之內。精明客戶就叫玩弄文字。

學校叫標語。曳學生叫多Q餘。

工廠叫... 哎呀，唔記得。雖則為工廠一員，但我一向時運高。

其實，你可以叫洗腦。正面定係負面，只在乎立場，不在乎對錯。

所以你小心，我係洗緊你腦。

季度清貨

《前文》

唉，On兄、Derek兄，小弟心情不佳，失誤連連，恕罪恕罪。

《深圳河套發展咨詢》

原本寫了五百餘字提及此事.... 但還是刪除了。

簡單來說，由於河套地區受污染，一切發展的前提是治理好該地的污染。

然而，我一直想起波老闆的耆英港。倘若在河套地區建立低密度老人住宅專區，相比工業或密集商業活動，污染物排放少（空氣、噪音、水土等）、對於周遭生態影響較少，另外，由於附近環境污染少、往返深圳消費便利，可以間接提高老人家的生活質素。倘若以工業或高科技駐區，除了大大影響當地生態價值之外，對於香港和深圳的技術交流相信不會有太大幫助，因為高質素的交流，需要技術人員作非常密集的接觸，河套地區只能提供土地或因特權所造成的交流機會，但缺乏日常接觸所提供的技術交流。而後者所提供的機會，乃更能推動創意發展。咨詢截止日期為7月12日，請問各位有何想法？

《書展》

借問幾時有書展？入場費幾多？平均一本書幾錢？限量版有冇內部認購？

《年紀》

我這樣的年紀，覺得「定義」（Definitions）是又有趣又實用的，但總讓我記不起。

解剖故事

既然有人講起，小弟也不妨直說。

先拿一隻白老鼠出來吧。

背向你，你見到可愛的白身軀，楚楚可憐的捲伏一旁。還在遲疑之際，它突然面向你，那可怕的門牙和血紅的眼睛通知你，你再不下手，就會後悔。

人來了，把它連鼠帶籠掉進放了迷香哥羅芳的膠桶內。一會兒的浪漫就令它昏睡過去。幸運的話，打開它的胸膛之後，你還可以見到它的心在跳。

班中的同學們反應不一。

有的極度惶恐，退避三舍。

有的兵來將擋，鼠來開飯。

有的初試啼聲，清酌淺嚐。

有的仔細推敲，反覆驗證。

有的we嘩鬼叫，剪尾嚇人。

有的心大心細，欲拒還迎。

有的悔不當初，伏案啕哭。

有的積鼠成疾， 噩夢連連。

當天退堂的同學們，不計其數。

一次兩次三次，如是者不下十次之後，再問問同學們，誰還有嘔吐的，還是退堂好了。今天退堂鼓聲不再，只聽到噓聲四起：「阿Sir，你驚既自己走先啦！」

當白老鼠只是求知識的媒介，當身體毫無掩飾，當血肉肌理分明，當血紅的眼睛已經失去焦點，當越來越熟悉那身體血肉肌理，那心靈便擺脫了情感。便不能不釋懷了。

It's the decision I made.

碧海藍天

各位家長注意。

請勿讓你的學前子女單獨流放海外，否則他們會學懂何謂樂而忘返。