仲差一步

吃了四天葯，人有點迷糊。放了三天假，人有點迷失。唔，對得好對得好。

講真，我真係好怕死，但又似乎，我真係唔識死。

阿細原來只係「患」臍疝。吁，又一場虛驚。阿女點仆親，已經見怪不怪。佢墶剌... 算喇。

正在狐疑，究竟我猝死既機會有幾大，究竟我應唔應該同阿細買保險。觀乎小弟既個人記錄，買保險應該會穩陣 d。

最衰唔係中產階級，如果唔係呢，就一定搵危樓姐姐同我開個私人 Trust Fund。友情價丫唔該。

香港人來去匆匆好平常遮，趕呢樣趕果樣等閒事啦。不過今次趕去投胎冇比人問候，又冇比人咋型，好奇。

蝦，係咪意外一定係意料之外呢？可唔可以早有預謀呢？

我只係歸心似箭遮，最多下次小心d囉。隻手指仲係痹痹地都未好番，依家又黎肢體衝擊，嗯，可能好快就食糊勒... 等碰八筒。

點解我見唔到架 van仔既？係，我係心急，不過心急唔係罪播。好彩架車唔係好快，只係車頭撞心口咁大把，如果唔係一個唔覺意俾佢捲入車底我就真係哈哈哈勒。

依家隻右腳無拉拉令我諗起 Wounded Knee，好鬼痛呢。

都唔止一次喇。第一次年少無知，輕易放過架單車。第二次有人大叫 Watch Out! 險過剃頭。第三次咯，咪當做下好心，費事等人成世唔安樂啦。

唔通，呢d就係歷練？... 定係預告？呵呵呵。