Tuesday, January 25, 2011

今天的工作,是為了明日爆鑊

阿朋友,

乜你唔知你今日做既野,就係為左聽日爆大鑊既咩?唔止你,每個打工仔都要承受呢個過得一日得一日既命運架啦。

你睇,你爆左鑊咁多次,點解死極都死唔去既?咪就係因為你生存既原因,唔係就為左第日死得好慘咩?

我知人人都話你靚仔,但都唔可以打橫黎,當無事發生過固喎。既然呢隻鑊同搞大人個肚都差唔幾,咪咬實牙關咕聲吞左佢囉。

往日掛響嘴邊 Who wants to live forever! 跟住打死罷就,至死方休既豪情氣概去左邊?!你有冇試過做野前已經預左今次出錯機會率係百分百?未咧,咁咪代表你仲唔化囉。繼續做庵春喇你!


篤背脊

紙上我係偽君子,人前我係真小人。響老頂放假期間篤佢背脊都夠膽死,嘿,嘿嘿。

道理響我呢邊我怕乜!嘿,我篤背脊成個過程一早就 jar 住呢隻中指喇,梗係臉不紅耳不赤喇,做 whistleblower 喎,威!儲定彈藥孖叉人,擺正鋪士捉人黃腳雞,餓狗搶屎扮比人跣低有幾難?

之但,阿老細,又唔洗去到咁盡,比次機會佢喇。(你話呢份虛假人情味係咪又可以令自己立於不敗呢?)


小肥羊

AK綿綿嘉倫妹一齊烚下烚下。剛出城既我都係第一次去小肥羊,抵食就唔算架勒,不過地方就確係幾適合聚舊囉。

呢排幾位既近況,各有各精彩。個個都已經磨拳擦掌有曬計劃(滿肚密圈),唯獨得我見步行步(如履薄冰)。Well,鬼叫我多女吼咩,做人真係幾煩。


中年男人最唔曉反應既說話

- 你係咪男人黎架?
- 今晚做咩唔得既?
- 我已經係你既人咯。
- 不如送條呔比你丫?
- 等陣陪我買衫!
- 你有幾多條o靚呀?

(by 另一位中年)

20 comments:

魔術師 said...

好多野都係有理說不清架喇!

C.M. said...

點止有理說不清,篤人背脊如我亦唔係完全清白。

said...

>阿朋友

你個friend冇諗過到今日都未轉到工丫嘛!

Ebenezer said...

中年男人最唔曉反應既說話,點解你可以寫到咁到嘅啫,絕!!

005 said...

RE: 阿朋友
Who wants to live forever!! 見過鬼會怕黑都係人之常情丫.

RE: 中年男人最唔曉反應既說話
都係一個答案: 哦.
若然下一個問題係: 哦咩阿哦?
答案可以用同一個.

xiao zhu said...

哈哈,咁轎嘅!我好中意呔固喎,見到啲呔靚我會買架,睇吓有冇人啱,咁即係唔使考慮你啦!

不敗的魔術師 said...

點解D FONTS 唔岩架?

且看魔術師神技:

魔術師歌劇系列之單戀同人誌外傳之今天的快樂,就是為了明日爆鑊

C.M. said...

米:

撞鬼你咯,真係么心么肺。

以便:

嘿,果條茂利再唔醒水,真係遲早爆鑊呀。

005:

人之常情當然當然。之但呢條友心口個勇字源自對自我既過度膨脹,未免衰比人睇,所以(下刪百餘字)... 咁囉。

哦... 完,都係時候瞓覺...

C.M. said...

小蛛:

扯,我根本就唔入倒你本簿,講乜唔使考慮我嘖。咩簿?Err.... (喂,仲有冇呔買左未送架?)

魔術師:

哈哈,就係呢個“搞到你今晚唔得咯。(終於輪到你聽呢句咯... 呵呵呵呵...)

魔術師 said...

「不如你試吓我地公司啲中藥湯底吖,包你晚晚『法法聲』架!」

C.M. said...

發發聲咁緊要?!會唔會中風架... (...之又,鴛鴦湯底可唔可以有一半功效?)

005 said...

鴛鴦湯底烚出黎既係.....鴛鴦"肉".......

小寶 said...

>re:爆鑊
隻鑊會唔會愈整愈大,泱及豺狼㗎?

>紙上我係偽君子,人前我係真小人
咁網上呢?

>小肥羊
你又唔預我!哼~我同小豬食,唔搵你!

>- 你係咪男人黎架? 妳試吓咪知囉!
- 今晚做咩唔得既? 好悶呀!不如轉吓花式呀?
- 我已經係你既人咯。 咁以後就要聽話㗎喇!
- 不如送條呔比你丫? 好呀!我鍾意...
- 等陣陪我買衫! 啊邊個邊個十幾年冇返過香港,尋晚返咗嚟,我一陣要同佢飲野。
- 你有幾多條o靚呀? 你想要幾多條啫?

K said...

哥, 我呢個時候唔現身就會對您篇文唔住啦!

先講您朋友單野, 所謂出得泥行就預o左要還, 好彩的就大步檻過, 唔好彩就真係爆鑊, 甚至背鑊。

不過, 佢死唔去係佢好彩, 無得怨。

*******

對於中年男人最唔曉反應既說話, 呢d回應可能有效:-

你係咪男人黎架?
>>咁您係女人黎架?

今晚做咩唔得既?
>>咁尋晚您都...(自己寫喇)

我已經係你既人咯。
>>咁就唔好駛晒我d錢啦!分番您o個d俾我好噃!

不如送條呔比你丫?
>>不如您送套suit俾我丫!

等陣陪我買衫!
>>我陪您買完衫, 跟住我要您陪我買鐵甲萬能俠!

你有幾多條o靚呀?
>>咁您有幾多條煙呀?

******

最後係講小肥羊。

嘿! 我幾乎同人斷晒六親, 又超耐無烚下烚下(俾思媽知那日由中午烚到夜晚唔哦都有之), 又第一時間想見的係您地, 所以就玉成此事。

我係第一次去小肥羊, 都幾同意您的看法, 下次可以去牛陣, 因為豬牛都唔錯(雖然無食牛, 但色澤和味道很好, 同樣適合聚舊)。

下次幾時又要搵個藉口先(例如話我畢業啦...等, 但未係)。

又, 您話個個都已經磨拳擦掌有曬計劃(滿肚密圈), 其實我同您一樣都係見步行步, 轉職係首要做的事(對我而言, 除了工作還有些事情更重要的), 但轉到與否除了個人努力和臨場表現, 天時地利人和亦是因素: 我亦有向上天禱告, 給予一個新安排, 不過上天似乎唔多理會我呢位中女的祈禱囉!

C.M. said...

005:

咁都係整番個天鵝肉湯底至夠補咯。

小寶:

>>泱及豺狼
世事既野,講唔埋架

>>咁網上呢?
嗯... 扮君子既大人卦

>>你又唔預我
我呢... 咁呢... 總之呢... 扯,你仲唔得閑過我,把鬼!

>>?
可見得你有排都未到中年... 呢d危機真係令人唏噓。。。

C.M. said...

Karen:

唔洗咁嚴重下話... 又好明顯,女人真係金星人黎架,尤其係你仲後生,點會明白班佬呢?(雖則,有d橋又真係偷得過喎)

至於計劃既野,有心就得咯,目標keep住唔變,總有一日會實現既。

魔術師 said...

>鴛鴦湯底可唔可以有一半功效?

謎面:
鴛鴦湯底打邊爐
(猜情侶活動)






















謎底:
鴛鴦戲水

安諾勿斯 said...

有網聚都唔預我…

C.M. said...

哎也... 阿靚仔... Errrr... 下次,下次一定預埋你

C.M. said...

魔術師:

你不如親身體驗下然後整個歌舞劇丫!