Sunday, January 28, 2007

你老頂好唔掂?

靚女B 快人一步,早前取得雙糧後不久,即已蟬過別枝。

新公司比舊公司更具規模,新崗位無論待遇、職稱等都較舊崗位理想。可是靚女B 上班沒多久,便到處訴苦。與其大半個小時對話中,沒有多少耐性的 CM 全程被逼接收到一個信息:「佢老頂好唔掂。」

與此靚女B 相識數載,對其為人略有認識,對於靚女的觀點,CM 並沒有採取 HR常用的「反省」方法(即保持中立,說服申訴者先要自行檢討過失,然後勉勵其接受對方短處,再給予建議使其能重新投入工作),今次反而袖手旁觀任佢發洩,節錄如下。括號內為小弟的回話。

「我見工個時,已經比佢從頭到腳啤勻曬,早知佢唔簡單格。」
(咁你又返工?)
「人工好嘛,又大公司。」

「我新返工第一日咋,佢就指指點點,叫我先睇下d filing,然後叫我去幫我個 clerk 做 report,喂,你請我返黎,係做Middle Mannnnnagement個喔,都唔知有冇搞錯!」
(喂,你新公司乜都唔識,比你睇下d filing,又做下report,咪即係想你快d上手。)
「但始終佢就忽略左我係做Middle Mannnnnagement呢點,你問邊個都講唔通啦下話。」

「叫我睇 filing,咪睇下先囉,之後我發現佢有日file錯左,佢話個clerk有時都會file錯,叫我幫佢執番。我心諗,filing咁基本都錯,你點睇住D細架。」
(file錯日子好正常遮,反正咪比個機會你同個clerk溝通下,不知幾好。)
「我話公司請我返黎要我坐佢個位就真!」

「跟住我咪好客氣咁問佢有冇其他野比我做囉。點知佢就串我咁係d filing 當中睇到d 乜野,我黎左半日咋!都唔知識唔識尊重下屬既,我忍你!」
(下!咁點樣先唔算串親你呢?你又有冇串番佢呀?)
「我冇,不過佢都醒水,即刻拎個 Org-chart比我睇,不過冇耐HR走過黎,搵我簽埋份約,我先至放過佢,佢都唔掂既!」

「個HR同我講,話佢地公司個文化,好重視Teamwork。好啦,你地講曬佢啦,意思即係要我以後聽聽話話遮。你話!係咪條氣頂到上心口!」
(哈哈,HR都係想個新人早d 適應工作環境遮,唔洗咁上心既。)
「鬼叫我新黎咩!大公司老臣子最鍾意蝦新人架啦!」

「呢d 都算,重有啊,我老頂原來連 Excel 都唔識架,成日要走黎問我」
(咁咪好囉,你老頂一定覺得你好幫手!)
你唔係嘛,請佢返黎係做野架,唔係學野架,我咪話我都唔識囉!」

「我當然醒目,d普通野,話咁快就搞掂啦,佢跟住就好過分咁將佢平時做既野 pass比我,咁佢唔洗做囉播。」
(咁請你返黎,咪就係幫佢家嘛。)
「梗係唔係啦,佢唔識做先 pass比我咋!你究竟幫邊個架。」

「重有啊,前幾日,佢見我開始上手,就周不時拉住我開會,開會時講野又冇point,都唔知佢點解做得我上司。」
(佢d睇法又點冇point法呢?咁你有冇出聲啊?)
「總之就冇point啦,個會又唔知up 乜,我出聲咪塞錢入佢袋,費事教精佢。」

.... 心諗,靚女,等你呢句好耐啦。

***********************************

CM 後記:僱主和僱員經常會有不同且拉鋸性(恕小弟直覺上不認同「對立」一詞)的期望。

對於僱主而言,要有效管理員工期望,很多時需要主動和先發制人。無風無浪不等於已經滿足了僱員或下屬的期望,反之,其實可能已經四面楚歌。解決方法不能單以「多點溝通」就可以,個人認為最直接有效的方法,是「真誠的關心」,而更有效但「表面上」比較冒險的方法,則可以考慮採用引發小型雪崩的方式:在預設的環境下,引發回響(不是巨響或地震),並緊記「治水不在堵,乃在導」。

(備註:當積雪過多並變得極為不穩定時,最輕微的震蕩會隨時引發雪崩;而為免雪崩造成傷亡,故先於積雪過多前,用炸藥等引發小型雪崩,減少積雪。)

對於人力資源從業員來說,引發小型雪崩不難,但不少管理層的態度一般都傾向可免則免,寧願眼不見為乾淨,所以以往CM 雖然曾主動引發小型雪崩,但一般都控制在自己的管轄範圍內。非老闆者宜加留意。

另一方面,對於僱員而言,則如何達到僱主的期望(或使僱主滿足自己的期望)或許只能靠自己的個人努力 —— 「恒常檢討、用心工作」。想上司引發小型雪崩?唔好喇卦!

至於靚女B 後事如何.... 佢過倒 Probation 先算啦!

Special Reference: 《AM730》2007/02/06

40 comments:

Anonymous said...

C.M.兄,

ak果邊依排爆鑊頻頻...關鍵就係Execution team同Management team根本無扮發將雙方既利益建立係一個balance既基礎上面...

其實,Execution team同Management Team既利益本身就好難一致,甚至係相互矛盾,有時就只係要諗諗點去攞一個balance位...

我覺得,理想既解決唔係一次所謂既大和解,又或者一堆既Lip Service...有時係要大家一齊Share the pain同埋Happiness...同埋各盡本份咁係應付個客...

大家一齊企係戰場,對手就係果班unforgiving既client...

C.M. said...

ak兄:

係中午時分已經睇左ak兄既"感觸"comment。無奈工作纏身,不得已才能於此刻抽出時間,請諒。睇左你blog短短的日子,令小弟感觸良多,都知道你每一日都需要準備抵禦各式各樣的明槍暗箭。小弟佩服之餘,亦替你惋惜。

其實你的情況剛剛就是靚女B的相反:公司有心但靚女B無心;而你就有心,公司無心。

倘若公司無心manage expectation(其實正如你所說,公司沒有心share pain and happiness = 無心manage 員工期望),員工如何有心,亦只能默默等待奇跡。

(小弟拙文有一假設:雖然員工不能被controlled,但可被managed 的,因為責任方在管理者/上司身上。)

ak兄,感覺你可以是一遇風雲變化龍的人。雖然你仍呆在你的公司絕對有你的原因,但如果寄望公司會"主動" manage 你的expectation (i.e. 甘苦與共),sorry,I must say "Don't be naive"。

而且,大和解在職場中鮮有發生,除非曾經歷大危難,否則一般合作的培養都是從很多微小的小和解日積月累而成。如果你明白兔子和狼的一組sine waves 就更能體會小弟之言。

但你仍可以有所作為 - 反抗。小弟不敢鼓勵你貿然反抗。因為每個人對"反抗"都有不同領會。小弟這裡反抗的意思有點像洛克兄所講的"把自己放在一個能夠成功的位置"。只是,是否要在"你的公司裏"達到心目中的成功,你就要想清楚了。

C.M. said...

各位老闆們:

小弟此處現有有心有為青年一名,誠徵能夠甘苦與共的僱主。

如有興趣,請移玉步往http://alexiskong.wordpress.com/ 查詢。

(免運吉、免中介、免佣金)

gees said...

cm
真的不愧是當hr的好材料.. 每個決策行動也有著不同的管理理論...你是不是hr的mba?

by the way, 為什麼會這麼覺得ge..其實我不是做在外國長大或讀過書la.. 不過常常有人這樣誤會和以為我是mixed (尤其是小時候)..

Anonymous said...

CM,想請教你是點引發小型雪崩呢?同佢地做Appriasal?

至於靚女B究竟幾大呢?請到佢,都有d慘.

Anonymous said...

C.M.兄,

其實一路都好想覆,無奈今日極忙,只好留到依家...

其實,做Execution既,好明白對住個客,Management有陣時真係唔能夠bargain到d咩...但係如果真係要俾到所有人「一team人」既感覺,AK覺得透明度好緊要...at least俾大家睇到Bargain過...咁起碼就算死,大家都死得明白,心息...

AK唔後生啦,所以已經唔係青年啦...依家仲係「風雲際會淺水游」添...不過希望「終需有日龍穿鳳,唔使日日褲穿燶」啦...

C.M. said...

gees:

那你的Halo effect似乎是大多基於外表了。哎呀,絕不能告訴師父! gees,小弟還是建議你:Use it at will and at good will.

Anonymous said...

今晚係大陸酒店慢速上internet, "你老頂好唔掂?" 其實係你自己既心理問題,

對於引發小型雪崩, 似乎是HR top level technique, 有冇多D野share下?

How to judge 小型 or 大型?

gees said...

當然不能告之(只是想說明情況).. 再者.. 她也是新來.. 不太知運作[情況 很多事也要別人提點下.. hmm 不過其實我們hr dpt要理埋另外幾間sub si.. 好像計payroll.. comission等都是我們那邊負責..(所以ac dpt. 真係好忙哩) d comisison都好麻煩下.. 好像是跟著棋子股市波動般...其實那個ac人也有小小hr & admin的成份.. (不過..到目前為止.. 她也幾好人..都有時會幫下我咁)今天本來她也想shift小小admin野給我.. 但我阿姐也推了一推.. 我就冇出聲.. (我都知ac姐姐好忙..要兼顧好多野.. 不過呢.. 如果我唔保護下自己..我怕..會學不到hr的東西la..

gees said...

這麼多東西要理..所以要把握多點機會學hr野..今日知道了一些整working visa的step..

嘿嘿..今日當聽到某ac同事仔同middle office講tt等等.. 報價既野時..特然很有親切感..很明白她在說什麼..(雖然那middle office人好像有點不明所以..)

我跟同事仔說.. 以前我也要報價哩..尤其是金價是最急的..因變化很大..有時一報還要報幾種貨幣和back day的ratesssss~

Gideon said...

係囉,麻煩 CM ,有時間可唔可以黎個引發小型雪崩既例子?萬一估計錯誤,黎左個大雪崩咪大鑊?

C.M. said...

香水姐姐:

真高興在這裡見到你。你寫:「不管多小眾,多麼不討喜,多富爭議性,對其他人來講多戇居」,小弟佩服。

而終於有人觸發了那Jackpot雪崩!如何引發小型雪崩,小弟只認識其中兩種:

第一種:問對方你心中「最怕問」的問題。

當然這個「最怕問」的問題因人而異,之所以怕,就是因為「怕」引起雪崩,亦知道只不過是「怕」而已,但同時因為自己清楚知道「問」之後的後果,所以已經早已計劃了最壞的打算,最多亦只是補鑊罷了,加上相信不會引起長遠而無法彌補的影響。所以一旦真的引起雪崩,相信仍可自行控制。

這個方法有利之處是:自己可以選擇合適的戰場。

但若果未能清楚判斷現有情況或不知道小弟剛才說了什麼,可以採取...

第二種:做錯事

做錯事相對無法預知後果,亦無法隨意地選擇自己認為合適的戰場。所以,雪崩嘛...可大可小。(除非自己故意做錯,並選擇性地做錯。)

但做錯事這個方法也並非一無是處。倘若下屬做錯,作為上司的你就是爭取「主動」manage expectation的時機;而假若你這個下屬做錯,就是給你上司同樣的時機。

例子嘛,香水姐姐應該可以找到不少吧。

至於你說appraisal,當然是個合適時機讓你引發雪崩,但要控制炸藥量哦...

********
對於HR,一個「妥當」的employee survey 亦可取得同樣而廣泛的效果,但管理層之所以懼怕survey,其一就是因為怕雪崩,其二就是更本沒有誠意或沒有方法去manage expectation。

「妥當」的意思是眼不要太高,手不能很低;而且時機要適當。

C.M. said...

嘩!Post完比香水姐姐先發覺突然出左幾個問題... 咁夜訓...小妹會唔會大雪崩呢?

C.M. said...

靚女B 尚有幾年至夠30,未結婚,但未知有否男朋友,至於居住地點...(唔好話請著佢,做佢朋友都...)

樓上個3位後生仔,就算有興趣都唔好問小弟詳情... 概因小弟都頂佢唔得幾耐...

C.M. said...

ak兄:

你講得好o岩(重係好L o岩...這種男人的相處方式,女士們請諒)。

知道依家你正在lead 住一條team(從閣下的blog中理解到,希望沒有理解錯),雖然條team 或者細細地,但始終係management。所以明/後天,我會post多一個靚女B的續集(查實是另一位靚女的故事,不過容小弟今次炒埋一碟),因這個post可能多少有你的影子,所以到時得閑比d 意見小弟?

On-dog兄:

依家在大陸酒店?難道你正開始你的輕狂歲月乎?千祁唔好飲醉酒...

當你睇完小弟比香水姐姐既回覆後,相信絕對唔係high level野,不過,係咪你筆誤,寫錯「容易high野」呢?

就這樣說吧,小弟對於「小雪崩」的定義是「能夠製造和解或促進合作的機會」。所謂危機危機,危中見機,引發雪崩,就是刻意製造危險,實質從中尋找/爭取機會。

而「大雪崩」嘛,一發不可收拾...

鐵鎚兄:

見你和危樓姐姐冰釋,小弟深感幸焉。

小型雪崩的例子,查實很容易找到,但要掌握得好,小弟認為必須要靠「經驗」,錯得多,經驗自然多。如想要100%掌握,請恕小弟認為不符現實/小弟不才,未能提供可行方法。留意多點身邊事,也未嘗不是學習的途徑(例如當自己或同事做錯野時)

所以你記得小弟某處曾經跟你說過:「上 management!」嗎?那裏有很多野都好好玩(相信精明的CK兄,正如沐春風...)

至於大型雪崩,以鐵鎚兄之才...咪玩小弟啦!

C.M. said...

gees:

「如果我唔保護下自己..我怕..會學不到hr的東西la..」。你這樣說,小弟有喜亦有憂。

喜者,就是見到都找到一點點目標了(請不要認為小弟刻薄,因為覺得對於小G 而言,老實說,目標仍然是天上繁星般多。)

憂者,建議你不要太分清楚什麼是HR、什麼是Admin,在現時的機構工作,你會漸漸留意到 HR Dept 於Financial Insitution或iBank的功用。(例子:work visa)

爭取機會學習吧。

Gideon said...

>>見你和危樓姐姐冰釋,小弟深感幸焉。

多謝,我都一額汗。

>>所以你記得小弟某處曾經跟你說過:「上 management!」嗎?

我都想,但時晨未到。做細工司,對上就老闆,邊有咩 management 。大公司呢,六七年先升做 senior eng,十年以上,公司有空缺先考慮升 management 。

我反而諗如果有幸幫倒老闆手將呢間細公司搞得起,希望到時我老闆大人唔會寧願空降 D management 返黎都唔升我咋。

Anonymous said...

CM兄, 輕狂歲月乎?未曾有, 不會是.

今次冇俾人隊, 感覺良好!

小9有次同下屬做雙向appraisal, 叫佢地同我自己打分, 同數自己不是...

引發小型雪崩乎....

C.M. said...

前晚收9:30,今日想早d抖下,OK! 填完timesheet,準時收工!

鐵鎚兄:

雖然係細公司,而且好似好大競爭,不過 Management依家野,相信你都知道唔只係代表一個title咁簡單。如果你有心為左依家個老闆付出,你就要更加了解你所從事行業和貴公司的各種商業情況,例如需求,出路,競爭辦法,營運方式等等。了解之後,就算不向老闆提出建議,相信你仍會對自己的工作目標更明確(或許覺得更灰都未定)。(當自己了解多一點,向老闆提出,如果老闆執行成功,公司自然壯大,而你,將會成為進入management的第二個。)

走上management第一步,就是了解多一點management需要知道的事。先做,然後才有人看見,亦同時自然地有籌碼爭取回報。對於“如何把自己放在一個能夠成功的位置”,其實也可以如此執行。

就算現在不是時機,將來總會有。要知道:下一個空降人地公司個management可能會是你。

C.M. said...

On-dog兄:

萬事小心... (想起當時在長駐國內工作,真的自由自在。)

對!小型雪崩也。但你記得雙方最後的關係是改善,還是更有衝突?無論是改善還是惡化,最重要緊記/消化以往你的方法/態度等,是如何導致這個後果。這樣,自己便可增進經驗了。

祝你將來能得心應手。

無名 said...

I know many people think like this girl in their heart because their subtle behaviour will betray their thoughts and attitude. My thinking would be similar to your hidden voice as well. Really funny.

K said...

唔好意思, 呢期事忙, 但有問題想問:

靚女B做甚麼post(middle management)?做甚麼?report to 1位上司?

"我老頂原來連 Excel 都唔識架,成日要走黎問我"若然您係老闆, 咁公司請靚女B回來做甚麼呢?

「叫我睇 filing,咪睇下先囉,之後我發現佢有日file錯左,佢話個clerk有時都會file錯,叫我幫佢執番。我心諗,filing咁基本都錯,你點睇住D細架。」靚女B有冇權管個clerk做o野或者supervise呢?

「開會時講野又冇point,都唔知佢點解做得我上司。」靚女B何以見得呢? 做得靚女B的上司係咪真係無過人之處?

講起小型雪崩, 若然做management和supervision的人唔留意一些小節(例如員工糾紛), 小心會有雪球效應, 然後變成小型雪崩。 但好多時佢以為糾紛完結, 就無事發生。

至於空降management同其他事項, 容我稍後時間回覆(可能4-5日時間, 怕您唔等得噃)。

C.M. said...

Bravo! Welcome! It seems your eyes and ears are always wide open!

The poetic twists of her fingers and her unbelieveably easy and delicate gesture fabricate into this Bimbo Bee.

Guys, Achtung!

Gideon said...

>>至於空降management同其他事項, 容我稍後時間回覆(可能4-5日時間, 怕您唔等得噃)。

放心放心,七十妹前陣子先讚我有耐性。
嘻嘻嘻

C.M. said...

靚女B做甚麼post(middle management)?做甚麼?report to 1位上司?
>> 唔好問啦,再問小弟會有生命危險架啦...

若然您係老闆, 咁公司請靚女B回來做甚麼呢?
>> 花瓶

靚女B有冇權管個clerk做o野或者supervise呢?
>> 若果我係靚女B,就算個clerk唔係under 我,我一定將會令佢under 我!(有心人留意)

靚女B何以見得呢? 做得靚女B的上司係咪真係無過人之處?
>>咁你又認為靚女B點解會咁諗?

Karen,小弟一路都會等你。就算出左其他post,都會知道你post左黎呢度。(你都可以留係其他post道,相信其他人都知道你講緊乜)

C.M. said...

鐵鎚兄:我係你忠實番屎,一定等!

不過小弟尚欠ak 兄另一個靚女post,又欠鶴兄一個動物post...

而你又同Karen咁o岩,最多我到時開個新post 大大隻寫住:“回應鐵錘及Karen姐”又點話?

C.M. said...

鐵鎚兄:漏了一句,咁我祝你水到渠成(不過呢排,你好似多左d勁敵咁播...)

無名 said...

Thanks for your recommended readings in PK_blog (seen in 70/F comment section), otherwise I won't aware that there are many goodies under Mgt categories. Yours is excellent as well.

Gideon said...

哈哈仲要 bold 個兄字,服左你呀。

>>鐵鎚兄:我係你忠實番屎,一定等!

唔係等我呀,我等緊 Karen 個 post 咋。空降呢家野,正正就係「放自己係一個會令自己成功既位置」呢句野既精要。不過呢 D 位罝,係唔係你預先可以見倒既呢?呢個就係問題。

你有冇睇到香水姐姐講 Steve Jobs 個 post? 裏面有關於 connecting dots 呢個問題。

“我再說一次,你無法預先把點點滴滴串連起來;只有在未來回顧時,你才會明白那些點點滴滴是如何串在一起的。所以你得相信,眼前你經歷的種種,將來多少會連結在一起。”

所以我只能相信我既方向正確,至於位置,命也。所以我想聽下你同 Karen 既意見如何。

C.M. said...

Bravo:

You're much welcome.

鐵鎚兄:

哎呀呀!鎖你,今次小弟懶醒咁誤會曬(不過小弟真係你忠實番屎黎架)。醜死鬼。睇完個post,Jobs講到:

1. "你無法預先把點點滴滴串連起來;只有在未來回顧時,你才會明白那些點點滴滴是如何串在一起的。"

2. "所以你得相信,眼前你經歷的種種,將來多少會連結在一起。"

3. "所以,在你找到之前,繼續找,別停頓。"

4. "擁有追隨自己內心與直覺的勇氣,你的內心與直覺多少已經知道你真正想要成為什麼樣的人,任何其他事物都是次要的"

5. "Stay Hungry, Stay Foolish"

鐵鎚兄,你自己覺得以上那個才是你對未來的看法呢?

又又(學了危樓姐姐),那個才是你對成功的看法呢?

Samsara said...

我再睇返Steve Jobs文章的中譯版,發現有d地方譯得不好,甚至譯得有d錯,主要是第三個故仔,我將主要的改動變了紅色,有時間可以睇睇.

不怪之我最感動的第三個故仔冇人有反應啦.

Gideon said...

CM, 其實個幾個 point 某程度都係同一個意思。不過我會覺得我最岩 No.3: "所以,在你找到之前,繼續找,別停頓。"

Samsara,

你講真定講假,你自己譯架?唉.. sorry 呀。。我仲走去睇英文添。。因為我好怕睇譯本,如果可以既話我都會睇返原文架。

Gideon said...

呀,唔好意思,我唔留心,你問左兩條問題,但係我唔都唔係好分倒個分別。

>>你自己覺得以上那個才是你對未來的看法呢?

我會揀第二點。你見我寫好多 post 都會用好多 analogy , 因為我覺得好多野都好類似。一理通百理明。現在我既經歷或者我唔會明白有咩用(寫 blog 為例),但我相信有一日我會明白。

>>那個才是你對成功的看法呢?

第三點。因為我認為一個人既失敗,就係因為佢放棄在先。但係尋找既過程,就係需要第四同第五點。(嘻嘻我覺得我好奸)

C.M. said...

(Steve Jobs 演詞若為會考題目,小弟實肥佬。)從Jobs 的演講,或可總匯成一個主題:如何達到成功。

Jobs 先為自己的成功作一個謙虛的解釋(即Q1. Q2. -- 他自己對過去的理解);

然後提出何謂成功(即 Q3. Q4. -- 自己的成功乃自己的定義,不為外界定義所影響);

最後告訴聽衆達至此種成功的途徑(即 Q5. -- 他自己的做人態度)

所以就這樣說:既然 "管理" 的工作範圍廣泛,建議應如 杜B 講,於適當時機走一條 Generalized的路(即橫向發展)。而這個時機,客觀來說,應該是隨時都可以,對於小弟主觀地認為,則應該是儘快。IT的專業知識日日新鮮,又隨手可得。你話係咪?

(哈哈,睇番自己之前的回應,發覺實屬過慮,請諒請諒。)

Steve Jobs的演詞與拙文就碰巧有同一個潛台詞 > 成功取決於態度。觀乎鐵鎚兄你,掂呀!

香水姐姐:

咁長咁仔細,好厲害!

Gideon said...

>>成功取決於態度。

;) 呢司非常之勵志喎﹗又或者其實如果態度正確->成功乃自己的定義,咁態度正確就己經成功了。(嘻,自我安慰)

C.M. said...

>> 成功乃自己的定義,咁態度正確就己經成功了

hmmm...

雖然估計鐵鎚兄年紀應該比小弟少,但從你身上總是獲益不少,謝謝!

Anonymous said...

CM兄, thanks a lot for your wishes!

"無論是改善還是惡化,最重要緊記/消化以往你的方法/態度等,是如何導致這個後果。這樣,自己便可增進經驗了。"
--->這是真的最重要!!!

Unexpectedly 係大陸"搞"咗幾日, 尋晚重通埋......頂, 下午就可以坐船船返香港....係大陸上唔到Wordpress, 冇得出野!

Anonymous said...

Steve Jobs篇文不是我譯的,是在網上Search返來.不過我改了少少野.要譯大篇文,我就不知要搞幾耐.

我最鍾的是佢講到最緊要揾到自己真真正正鍾意的野來做,咁就一定開心同成功.

我覺得如果d工作是真正鍾意的,就會激發自己的潛能,就會做得好,就會成功.

Tommy said...

CM 兄

謝過 CM 兄路過小弟的日記

亦謝過留言 - 我其實係一個好 Q 膚淺的死「o靚」仔 only...



但因為小弟的思想無大家咁成熟

亦無大家咁隱蔽 (我發現個個 blogger 都隱藏自己真身架喎...) 我係玩現真身的...

所以亦略回一 post 算了

Blog 數眾多﹐未必能每日回 Inhuman Resources 拜讀 CM 兄帖子

但有空必回來

就此別過﹐有緣再聚

C.M. said...

Tommy:

多謝探訪。

真身嘛,真係無法。其實小弟自問已經相對其他blogger開放,幾乎句句都有跡可尋,部分行家或朋友已經都有少少懷疑。但因為小弟工作性質要避嫌關係,坦白表明身份就真係幾乎乜都唔講得,到時就只能做一個旁觀者,比唔到機會自己同其他人有咁多辯證既機會。小弟真係好珍惜有人插我眼既時刻。

有緣再聚,請請!祝你生活愉快。