Sunday, October 28, 2007

Cleopatra 的男人簡史

我叫 Cleopatra。

渣估怒火眼睛前排寫情史,鼓勵左我寫番篇男人簡史留念。

先講下我自己。

我,外表麻麻。個名仲成日比人話太長,發音有難度。雖然都叫 Cleopatra,但就肯定我唔係可以傾國傾城果隻。

做開 Boutique Sales,日日都會見到唔同既客人。不過可能黎我地Boutique既都係女人,所以識既男人,都係"有根有據",絕對唔隨便。

不過我呢班男人,唔係全部都係情人,有d,係知心;又有d,算一刻霧水;大部分,其實只係我呢個簡史既路人甲。

Achilles,係我個首任男友,當年大家無啦啦走埋一齊。雖然佢屋企人都好鍾意我,而且大家有過一段開心既日子,但路途曲折,分手收場。

Belisarius,與 A 相識,我地兩個曾經有過一刻火花,但因為 A 既出現而安樂告終。

Caesar,倉務部主任,年輕(當年)靚仔(依然)。因為果時同 C 經常出雙入對,所以被其他同事一致看好。不過後來 Cecilia 主動出擊,我嘛,醒水退出。

Donitz,補習班同學,曾經有段時間同佢單獨去街,有日係牡丹樓問我,可唔可以講清楚我地兩個既關係,佢話好迷茫。

Elliott,新來行政部同事,又一個年輕靚仔。阿 C 同 Cecilia 係一齊之後,各同事大跌眼鏡,替小妹不值。又因為我無機心,所以周不時同 E 去街。再次引來其他同事誤會。

Florentine,物流部新星,見到我就口花花。單身,有學識,又靚仔,好男人一個。

Gardner,來歷不明新同事。因為 G,我同 A ... 必須了斷。但佢經常生活於上流,同我呢種鹹魚青菜既女仔,根本唔夾。自從佢同另一位來歷不明既女仔一齊之後,我往後幾年都放唔入其他男仔。

Harvey,進修班同學。唔... 唔知點解,我對佢有一種莫名既好感,但佢就若即若離。

Iverson,新公司會計部精英。都係我衰,講野無分串。有晚捉我出黎,問我承唔承認我講過既野,死喇,我係講過,但不過成班人搞下氣氛遮...

Jenkins,我第二任男朋友,同事。曾經一齊落 disco 比警察查牌,見我地兩個無乜可疑,於是淨係的左我地兩個出場。原本故仔到此為止,但後來比人唱話我地兩個落D fing頭,然後咁咁咁咁咁...

Kesselring,又係同事(好悶)。大時大節,竟然約左成棚女仔飛起我。我足足萌左幾個月。個仁兄仲話唔知點解我啦啦啦咁耐。

Lafayette,銀行職員。又係我衰多口,講咩話無男仔吼遮!我唔係 X 剩蔗!

Massena,絲絲入扣,不過我知道,佢對我好,非因男女之間,而係我倆心靈相通。

監考官: 各位,時間到。Times up, pens down. )

......

監考官: 喂,好停喇,如果唔係就......

Cleopatra: 係幾年前,我已經同自己講過永遠唔再聽、唔再唱呢首歌... 不過,今日,我實在無能為力...

Love will abide, take things in stride... And I never drew one response from you... Wait for the day, you go away. Knowing that you warned me of the price I had to pay...

Linda Rondstadt - Long Long Time


監考官: 喂,好停喇...

Monday, October 22, 2007

我喜歡

喜歡「真」的歷史

中午正在吃飯盒的時候,游走到 Leona 的其中一篇網誌

我很想說,我喜歡認識和理解歷史。

歷史從來對我就是「真」的代名詞。因為要真,才能了解歷史的意義。(後按:原來這個真,不是真相,是真誠。)

看到早陣子《都市日報》寫「滿洲國」、「滿洲銀行」,不爽,非常不爽。當年這個由日本扶植出來的政權叫自己做「」嗎?銀行又叫「」嗎?由汪精衛在淪陷區打理的政府又叫「汪政權」嗎?

縱使只是一個當年日本操縱下的傀儡政權,那就可以抹煞她曾幾何時作為一個「真」政府?

如果這叫作政治正確,我寧願選擇歷史正確。這也是我對鹿死暈鴿的態度。


喜歡HR

再有朋友問我對HR的觀感,猶疑之際,想起 Motivation Crowding Theory

友人說我扮清高。Errr... 係卦。但我是真的如此,歷來如是,所言非虛 ~ 每次上司老闆為我爭取到加薪升職,我都會覺得不高興。

原來這個理論也有一個現成的實例給我開眼界。

若你狠狠的說我錯

...... 我真的會很高興!因為我也會毫不留情地證實我沒有錯。

倘若我真的錯了,我或許會有點內疚(對那些相信我的人),但我一定會很舒暢,也會很感激你。

Prove me wrong, then.

**********

一個老闆總希望下屬認同,一個朋友也多希望老死支持。

如果我死命抓緊你不放,跟你打對台,你會快樂嗎?我寧願你快樂,還是寧願我自己快樂?

**********

你的目標明確,但弄清楚自己的信念沒有?

我要告訴你,縱使你的智慧超人、分析力非同凡響、學識豐富、理解深入... 但沒有信念的你,不過爾爾。你,比那些愚昧無知、盲目順從、無理取鬧,但堅守信念的人... 可憐。

不要問我信念的定義,既然沒有兩人的信念相同,你來回答自己這個問題吧。

Prove me wrong.

**********

因為你當刻的那一句話,我知道,那刻,你永遠勝不了我;那刻,你永遠比我可憐。(只是那刻,但願往後不會如此)

Tuesday, October 16, 2007

中國是否再毋須港燦?

當年,暗黑兵法的啟蒙老師告訴我這尚未成狼的小羔羊,他在80年左右國家開放之初獲香港公司邀請擔任駐廠顧問,工資約為二萬元。

然而到了二千年,他的薪金平均每年下調五百,尚餘一萬。雖然暗黑老師未能語英乃此根本原因,但他對於國情、官情、人情皆堪當現今眾港燦之師祖輩也。

兩年多三年前起,小弟已經對於自香港派駐內地的職位失去信心:一為待遇,二為機會。

當我的心還躺開去嘗試與這個極受尋常大眾厭惡,但有受色鬼港燦歡迎的大地交流工作方式的時候,待遇和機會開始在我面前變得模糊。

回到這邊全職工作已經三年,雖然略有機會與國內同事交流,但實屬運氣+本身經驗。


若有天我想再以港人身份與國內的十八銅人交手......


我的勝算會有多少?

我又會否來個每年五百(就算上調都死喇)?

國內是否已經再無處讓我們一眾港燦容身?

若仍然堅定地認為二十年內國內任何一個城市都不能追上香港,我會否即時被人事經理叮出門外?

Friday, October 12, 2007

你們近來好嗎?

您,今天還是打了一通電話給您。那通電話雖方32分24秒,我的心應可以安多個32小時24分鐘。您,不要讓人憂心。

F,還記得你的舊同事嗎?在公司裏我們雖只曾共事數月,但我和你在公司外,已經相遇無數次。你近來好嗎?同事們今天又提起你,我們甚念,尤其我們三四五。

G,是你來的嗎?為何我知道?還不是你告訴我的嗎?祝你更進一步。

Monday, October 08, 2007

又R (今勻R到股市)

股市1

收到朋友 A 來電,佢自己一向都無參與過大染缸,但因為呢排個股市大升,見到同事朋友都有斬獲,搞到心郁郁。佢d朋友仲同佢講話,搵得幾多得幾多,蘇州過後無艇搭。心煩之餘問我呢位燈神應唔應該入市。

大佬,我呢位燈神黎架,玩咩。

股市2

收到朋友 B 來電,佢自己一路都有玩股票,呢排市況變得波動,雖然前排斬獲甚豐,但依家都有d驚。(話驚賺少左幾個巴先... 追唔上樓下班師奶個回報率... )

頂,係咪乘機串我呀...

股市3

收到行家 C 來電,話佢老闆見到個個同事成日捕住個股市,“好似”會影響 Performance,問有冇計仔分享下。

呵呵,呢個問題就似樣勒... 不過講真,查實我自己都無認真諗過要點搞。Well,行家問到唔識好似好瘀,於是咪亂噏掟出最普遍果幾種方法比佢:

1. 拿,若果你地唔玩股票,我就加你地人工,升你地職啦。(務求高薪養廉。)

2. 又或者咁,拍爛檔,遲一陣先落盤,同我睇睇呢個project先。(打友情牌。)

3. 不過咁,若果你仲闊佬爛理,仲係辦公時間玩股票,我就出警告信,減你人工,Cut 你 Bonus,甚至炒埋你地!(睇你仲敢唔敢。)

4. 若果你覺得我太惡死兼無人性,咁我可以先日日監察你個玩股情況,然後叫主管日日督住你做野,等你唔敢亂黎。(米話我唔先小人後君子。)

5. 下?主管話d友仔太惡,唔敢閙?都得,唔比上網囉。最多set 番幾部任上網既 public terminal 係全世界前面,有需要,咪隨便用囉。(夠pok 可以試下既)

6. 哎呀。連唔比上網都唔得,班友仔真係幾惡。你不如出分 survey 比全公司,問下佢地想點仲好啦。(我係一個有社會責任既老闆。)

7. 太民主唔掂?你不如塞d工作比班友做,做到有氣無訂抖,等佢地無時間上網得唔得呀?(就斷你米路!)

8. 唉。若果公司真係咁悠閒,就米鬼理佢咁多啦。(Err... 又好似唔多妥播)

老老實實,查實你老闆想點?


借問各位高人又有冇其他方法呢?例如可唔可以叫香港休市一年呢又?(講咁多不如比幾個 lum把小弟先喇)

小懵 BB



小懵 Da Da 每逢見到左顧右盼的紫色頭,都會笑著哀求,要我抱起來,讓她一睹那芳容(咳咳)。


到今天這樣被逮到:





然後我把罪證擺在面前,厲聲要她招供的時候 ... 唉,她默默哀求,要我抱起來,緊捉著我,不讓我放下,不發一言。Da Da 似乎一點都不懵。


你說,為人老豆是否甚艱難?(Well,似乎記者的第一職責是紀錄,還竟花時間找相機...)

Tuesday, October 02, 2007

R 爆頭(我係都鍾意鑽牛角尖)

(多得肥龍兄,如果唔係我就一定... )

各位好友請諒小弟連日失蹤,因為呢幾日R 爆頭,係度諗,Peter Drucker 曾經講過,企業既首要功能/目標就係:

「創造顧客。」

O, I luv Drucker.

咁,若果係 NGO,佢地個首要目標又係咪「消滅顧客」呢?

又,如果係「消滅顧客」,咁佢地去爭取更多funding 又會唔會代表佢地個「消滅顧客既方法/策略」有問題呢?

又又,如果佢地個「消滅顧客既策略」冇問題,咁點解要爭取更多 funding 呢?

又又又,佢地其實係咪需要進入建制,或者參與政治,先至可以真正能達到佢地個「消滅顧客既策略」呢?

又又又又,NGO 其實係咪算在野政黨呢?

又又又又又,NGO 個首要目標又可唔可以「創造顧客」呢?


(查實我都係無野搵野黎講,醒目既就當我無到)