Thursday, February 21, 2008

無獎競猜遊戲 - 答案

成兩個月前搞左個無獎競猜遊戲,個答案係時候揭曉勒。

問題一: 果個賊仔全名叫咩?

答案係: 阿里Da Da (請鼓掌)

********************************

事緣呢,個賊仔(即係阿Da 啦),當係我地一齊去街食飯既時候,自己一個走左出去玩。

[再講之前先插兩句嘴:其實小朋友食飽飯要落地玩好正常,我一向都唔會制止佢,因為係時候比佢出去學獨立(係呀,點丫!)。好彩係女咋,仔既話仲走得遠呀。若果佢聽聽話話坐定我仲驚,一d 好奇心都無或者比你(係呀,你呀!)嚇到言聽計從,我諗絕對唔係好事。]

好勒,繼續。

果屎阿Da 見到一坡有好多吊飾既聖誕樹,係咁就停低左,然後手指指,指住一個二個吊飾,然後加上一連串外星文。似乎佢好有興趣,開心到歌以言志。

[又插嘴:唔知點解好多人都覺得d 小朋友呢個「手指指」動作好有問題,周不時有人問我點解阿 Da 咁鍾意手指指,覺得呢個手勢好無禮貌云云。下?哦。有時我覺得成年人既世界,真係未必容納到小朋友既天真,下下都要d 小朋友遷就大人,唉。]

好勒,又繼續。

雖然佢離開我地張食飯檯唔係好遠,十米左右啦(係呀,算近喇!),不過仲處於我視線範圍,所以我都好放心(重覆:唔係掉以輕心!)。跟住有個餐廳姐姐走黎同佢玩。我可以肯定,阿Da 真係人見人愛架,我估,至少可以維持到兩歲。

玩玩下,個姐姐就拆左其中一個聖誕吊飾送比阿 Da。不過唔知係我家教唔夠嚴,定係佢自己唔怕羞,一手就接左個吊飾,然後笑眯眯咁就走(跑)出餐廳門口,似乎想逃之夭夭!好彩個姐姐醒目捉佢番黎,然後我又絲絲然咁繼續食飯(我咁既處理手法當時幾乎受盡千夫所指)。

[再插嘴:各位家長父母,其實好多餐廳酒樓都有免費託兒服務架,自己親身體驗下喇。]

個姐姐捉佢番黎之後,仲再送多樣野比佢。係呢個時候,我就覺得唔係太好勒,無功不受祿嘛。於是我決定介入,好彩當時講左一句個女就即刻還番曬d 公仔比人喞。(屋企已經成堆垃圾,佢已經唔再左顧右盼,而係左支右絀,你地好心既話就唔好再送比我個女勒,多謝曬)

以上就係成件事既經過勒。

********************************

至於問題二: 你睇完呢個故仔有冇咩啟發?

答案係: 斷擔挑

全部都估中既朋友,多謝與小弟分享呢個故仔既苦與樂。感激感激。

18 comments:

Gideon said...

咩係斷擔挑?

C.M. said...

「斷擔挑」咪就係問題二個答案囉。

英倫肥龍 said...

唉, 兩條我都估唔中添! @_@"

擔挑通常兩邊都有野固喎...

(其實我仲關心)唔知會唔會有第二次競猜遊戲呢? 不過呢次會唔會有獎既呢...(拿,我唔係咁市僧既, 即係口頭鼓勵我都ok架 ^^)

C.M. said...

估唔中唔緊要,最緊要係分享左小弟苦與樂,多謝曬,辛苦曬!

哎喲,呢條擔挑(ref.)重到呢~ 一邊揹“頭家”,另一邊揹“曬飛”,今勻要嗌救命。

哈哈,查實真係仲可以有第二次競猜遊戲架,你真係聰明!(你囉喎,早就攞足一百分喇)

Samsara said...

路過...演技唔好...noble silence.

怒火眼睛 said...

你係咪又想嚇鬼米搞呀, 唔好咁殘忍啦

Derek said...

玩人地個bb既時候真係會覺得佢地好可愛

辛苦喇

Clay said...

哈,個bb好得意。

我好鐘意你講個個手指指既問題,細路仔知鬼咩,佢指指下邊有意思架。

seikomatic said...

so sweet

K said...

言下之意係一個夠晒數哩!

K said...

謝謝您的ice-cream coupon! 遺憾的是, 我只好forward俾朋友, 我永遠無福消受, 因為身體問題, 所有雪糕雪條冷飲一律戒絕。也許係小時候吃得太多, quota一早爆了。

所以, dada都係少吃呢d野為妙!

C.M. said...

香妹: 你真係叻,我就忍唔到口勒。

怒眼媽: 咩嚇佢呀,鼓勵佢咋!

Derek: 嗚嗚嗚。你仲講風涼話...

如虛兄: 嗯,我所接觸果d覺得小朋友手指指唔禮貌既,多數都未為人父母,或者,佢地怕小朋友卦。(若果你生番個佢都一樣會咁得意!)

精工: (你個表情又一次夾曬你句so sweet)

Karen: 言下之意其實係... 斷擔挑啦今次。

你個勸諭於我,Err... 恕難從命... 莫說永遠,因為我會延續你既童年夢想,我會努力,代你食多d 架!

Anonymous said...

咩jer...一日估中啦...嘻嘻...無穿你煲,算係咁上下啦...

GK said...

唔知點解好多人都覺得d 小朋友呢個「手指指」動作好有問題

其實年紀細手指指好正常,代表佢有求知慾,有D大朋友(例如我)行街見到好多靚嘢、或入到好多嘢睇嘅展覽都會手指指,不過當然唔會做到咁誇張啦。

C.M. said...

AK兄: 真厲害,至醒係你啦!(你呢排忙成點呀?空閒d未呀?)

江兄: 明白明白。

Gideon said...

>>你係咪又想嚇鬼米搞呀, 唔好咁殘忍啦

其實最嚇鬼嗰個,
一直都係怒火媽....

said...

>>你係咪又想嚇鬼米搞呀, 唔好咁殘忍啦

已經嚇死左

好,我決定將個女攞泥俾你湊。嚇我丫嗱~

C.M. said...

鐵鎚兄:

哈哈哈...佢依家母愛澎湃,應該唔會嚇死。

阿米爸:

咁大鑊!麻煩你每個月存十萬九千七入落我身痕銀行個戶口... (先再慢慢傾)