Tuesday, February 21, 2012

小巴車廂桃花劫

司機大佬正耐心地等候最後一位乘客。

雖草木皆兵,環顧四周老弱婦孺絕無厲色斜視,瘦身毒男於是徐徐上車。

毒男佔去司機正後方的座位後,立時發覺靠窗的套裙獨女,往外看得出神。

獨女瞟了毒男一眼,嘴角絲毫沒有含春。唯毒男總隱約覺得,血光之災後,必迎來桃花之劫。

大佬尚未等待毒股坐暖,已即時手起腳落,一個大拐彎,越過雙白線,連超三巴士,欲駟馬難追,五十尺止步。

煞車太急,毒男有餘悸,眉頭一皺,咒大佬放浪,獨女留餘地,梨窩淺笑,笑獨男有型有款有個性,前座傳餘韻,大氣傳電波,訪問那位以過去勇績為榮的女將葉劉氏,一槍挑三英。

恕毒男宅而無當,不知江湖實三英缺一,大相公有之,小相公亦有知,好牌難打,更莫問壁上觀之捨身仁似另有所圖,於是急取隨身聽以止塵俗荼毒,正襟危坐。亦恕獨女絲襪太黑,碎花斜紋令人目不暇給,gup 少一眼都會有損失。再恕大佬太狂妄,對寒冬薄衣的葉劉氏毫無憐香惜玉之意,急欲一窺全豹。

電台住持雙雄也,一太極九段,一散打無敵手。葉劉氏終於要用電波 wee wung wung 的在陣前擎槍吶喊,可是由於車廂太嘈雜,聽者無心,gup者有意,該知情人士依稀憶述:

「我有好多支持...(匙絲啥啥)...同政府好多部門合作過...(匙絲啥啥)... 好多人支持我... 」獨女拉低套裙,獨男大呼無癮,忽見大佬竊笑。

「我又同好多部門合作過... (匙絲啥啥)...同幾萬警務人員關係又好...(匙絲啥啥)... 我過去做過乜佢地真係有目共睹...(雖電波繼續匙絲啥啥,唯成語最鏗鏘入耳)...」全車該聞大佬含笑狗全,小巴雖左穿右插,卻無損毒男耳聞目睹之雅興。

「我同地產商無關係... (匙絲啥啥)...但前排又同幾個富豪見過面... (匙絲啥啥)... 佢地都好... (匙絲啥啥)... 支持我參選 ... 」挑~~~ 呢條腸粉做乜L咁 X埋黎呀!稍一分神,電波中斷,到站落車。

隨身聽仍往耳內塞,心思卻不知因何飄到九霄雲外,下車後朝車尾方向走,若有所失又不敢回望獨女黑絲花襪,以應桃花,或預言、或詛咒、或痴迷。。。芳澤何去解寂寥?

失魂。

落魄。

什麼是得?

什麼是失?

獨女?

葉劉?

小弟?

大佬?

大佬?

大佬。。。?

大佬?!

落車唔記得俾錢!!

不出十步,車蹤渺然。

大佬,你何故忍心我命犯桃花,要欠你一世區區十蚊小巴錢呢~~~~

6 comments:

laulong said...

哇,七國咁亂,真係頭都暈!

C.M. said...
This comment has been removed by the author.
C.M. said...

oops , 懇請看官白無禁忌,言者無意也。

Anonymous said...

沒有車毀人亡是屬萬幸了!




sPace

魔術師 said...

魔術師歌劇系列之《單戀同人誌外傳之小巴車廂桃花劫》經已公演。

C.M. said...

space,

但足以毀我清譽呀!

魔:

hey , 阿靚女幾號電話?我唔記得左添。