Sunday, March 31, 2013

語言仍無味

查實一直都有寫,只係冇貼,亦冇長篇大論,只係碎碎唸。

女友人K話,當我啟動冷眼旁觀 mode 既時候,講野最流暢,最有決斷力。言下之意,我既力量來自「做就有心無力」。亦所以我鍾意睇,多過做。鍾意評論,多過實踐。

忙到癲左,做人就缺乏左方向。做野既時候,就只係記得d client要乜,同事要乜。到得閑既時候,都仲只係記得公司要乜,老闆要乜......至於家人要乜,朋友要乜,自己要乜......線把啦,再得閑d 先諗。

但我又唔係想呻咩喎。我係想話,做宅男真係唔容易。日日匿入自己個空間,見到高登友點評論高皓正,高生絕對比高登高,高主教之名當之無愧。只係想勉勵高生一句,同凡人講道,唔好用方言。凡人唔理解既,就算你道理再響,都只係掃羅旁邊既人聽到既雷響。WWJD,唔係齋得 interventionism。雖則我唔排除,你可能係先知。

老實講,我完全唔想去承認人世有幾醜惡。寧願奢望上帝繼續忍受我地,比機會我地。亦但願我唔係試探佢。

那邊廂,普選已經開始捲起議論,無論係梁文道講既「敵人.權力」論,定係喬曉陽講既「不能對抗」論,抑或真普聯講既「談判」論,對一介宅男亦即準備轉行 jar 的士既我,都太理論化啦。係人都知我份人最L 憎理論,對於我地能唔能夠普選到一位正正常常既特首出黎,擔心呢樣影響大局,擔心果樣令國內風雲變色,都只不過係企響自以為國人好脆弱既角度去諗。一國兩制咁叉多年,固然有國人仍然好脆弱,但唔該佢地仲比你地呢班憂國憂民既強,起碼唔係淨靠把口搵食呀。

如果一個政府,一個機構,一個authority淨係靠把口,捉字蚤,玩斷章取義呢套既話,結果係點,查實同做人交友做老闆當下屬無分別。

後知後覺,逢星期日既蘋果副刊,向來都係一堆文學作者既天下。我唔知佢地算唔算文學家丫,不過以一個宅男角度,佢地寫既野係文學......嗯,大概係有種若即若離既感覺。好多時寫既似文學傳記,講下某某生平點點正氣,某某邊件事值得令人回味反思,某某對住邊個名人(or vice versa)可以暗喻點樣雞蛋高牆。成個感覺令我覺得,係咪就係專寫「人」既,就係文人呢?將人性人格人行勾畫到淋漓盡致,以一個理科人既角度,絕對係嘆為觀止,幾乎將humanitarian 與文人等同。亦難怪我等理科人或理性治國者,對文者輕之鄙之侮之。明,我明。

又查實我係偽君子。所以唔返教會,免受批判,所以有意無意比公事纏繞,免受良心譴責。我想安靜一下,掉走一d 垃圾。

等陣,會返公司,覆下依喵。

6 comments:

the inner space said...

哎喲!還在公司覆緊貓!

At least knowing you are still alive, happy easter 唔返教會嘅教友!



信教但不傳教的 sPace

Ebenezer said...

我都跟你一樣冇up好耐。Anyway, 大家still alive, 在此問聲好。

你篇文要反白先睇到,唔係只係意外呀嘛?

C.M. said...

Space:

Happy to see we both are alive.

I hate working on holiday. 講開又講,傳唔傳,查實在乎你信唔信。

以便:

哈哈哈, you good me good!!

Errrrr.... 翻白眼。可以係意外,亦可以係大意。咁耐冇寫,點記得html有咁多麻煩野喎。

the inner space said...

信!當然信教,不過不傳教!

費事嗮氣 。。。。。。。!

C.M. said...

成事在天啊

魔術師 said...

魔術師歌劇系列之單戀同人誌外傳之《語言無味》經已公演。