Tuesday, September 04, 2007

大大老闆

你都離 Q 哂譜!

明明一個簡單既問題,都唔會答!
明明可以行個方便,都唔會伸出援手!
明明可以側側膊,都要渣正黎做!
明明早響大家好,係要搞到一鑊泡!
明明出句聲就可以擺平,硬係扮高竇!
明明個個都咁高咁大,點都要扮大牌!
明明可以相安無事,係要搞到血流成河!
明明係你落閘放狗,仲死唔認!
明明頭先應承左,依家竟然想反悔!
明明係你問題,點解係要賴人?

你咪行開呀,我仲有成九十個 point 要數你呀!

面,點解係要丟。仲係要丟比我?!......

大大老闆原來係啞既,原來係跛既,原來懶正義,原來懶到出汁,原來面子最巴閉,原來淨係識得作大,原來我死我事,原來面子要緊,原來仲要等 ...

原來一切 ... 都係呃人既 ...

我要見到神跡呀!!

...... Baba Yetu ......



不過...呢條路,唔係人地塞比我既,係我自己揀既。至於個答案,唔係辛苦計出黎既,而係我隨手執番黎。我死我事,自己攞黎。

15 comments:

Anonymous said...

嘩! 要唔要幫拖?

一於亞昆買水, 頂到(佢)膽汁都出埋!(又黎?)

Anonymous said...

除直接上司*可能*比較關心下屬外, 一般大公司的大大老闆都只當D細係工具, 不理他們死活. 唔好期望有任何奇蹟出現.

Samsara said...

死啦,今次我明明地添。

人治部,就係成日要出面做d大老板自己唔好意思直接講既衰野嫁啦。

死要面?係呀,好多人都寧要面子,不要裡子嫁。

真係好on居,不過我依家老闆都係咁既人,我可以私下同佢講,但係千祈唔好落佢面,佢一定偠威。我上一位既Ben哥哥,就係因為兩個男人硬碰硬,互不相讓,結果不歡而散。

英倫肥龍 said...

c.m.兄,

睇完情況好嚴峻喎, 你見點呀?

Anonymous said...

C.M.兄,

正所謂「受人錢財,替人消災」,又或者係「食君之祿,擔君之周」...呀,打錯,係「憂」...有好多野...都係無得揀既...

有咩要幫手就出聲...做兄弟既...(Mark哥既遺言...)

Anonymous said...

AK兄:

「食君之祿,擔君之周」, 做兄弟既, 呢樣野...要幫手...就出聲......啦!

學 霖 山 莊 said...

要幫手又信得過D無著鞋嘅professional, 就唔好callla!

Gideon said...

哇... 乜搞成咁架..

Clay said...

Take care..大石砸死蟹,唉!

C.M. said...

有時我覺得自己好把炮,你話勒,有咩會令我tun軚,縮沙,投訴+埋怨得咁勁!

(I'm waging a war!蝦,唔知邊個肯陪我癲呢?我都係等睇好戲囉。呵呵。)

C.M. said...

On兄:

拿,我出聲係咪真係會幫手先...

阿二:

嘩,係度見到你真好,見唔到真人都見到虛擬,你話幾好呀。

BTW,你講得啱播,仲中左今期Jackpot question 添!點解會有咁既情況呢?係大大老闆真係咁樣,定係做細既唔了解實情呢?地方細,人少少日日見,或者都知道大大老闆係點,但人多多,日日坐係隔籬都唔知佢叫咩名,咁又會點呢?

香水姐姐:

呵呵,你明就得勒今次。咁究竟我地呢d做細既,係大大老闆底下個角色又係咩呢?(拿,你話你都“明明地”架。)

肥龍兄:

真係好嚴峻,似乎比大大老闆發現左我個陰謀。

AK兄:

係呀,我“得閑”都擔君之憂架。(至於擔野,你不如搵On兄幫你啦。)

學兄:

Ennn... 等小弟睇完醫生先。

鐵鎚兄:

有d野,積積埋埋等一次過爆。所以小雪崩係無錯既!

若虛兄:

人有天生抗拒大石既本能,亦有一對走得郁既腳比佢去閃... 點睇,都應該係好事。

K said...

"係大大老闆真係咁樣,定係做細既唔了解實情呢?地方細,人少少日日見,或者都知道大大老闆係點,但人多多,日日坐係隔籬都唔知佢叫咩名,咁又會點呢?"

你同老闆都係人, 咁講啦, 換轉老闆係你, 你又會像他咁做呢(當你知道他的看法時)?

老闆當員工係一隻棋子, 是不爭的事實, 最重要的係你要以行動證明俾你老闆知----你係一隻由現在到將來都是employability的棋子。

"大大老闆原來係啞既,原來係跛既,原來懶正義,原來懶到出汁,原來面子最巴閉,原來淨係識得作大,原來我死我事,原來面子要緊,原來仲要等 ..., 原來一切 ... 都係呃人既 ..."

既然知道真相, 你......等甚麼呢?

C.M. said...

>>換轉老闆係你

呢個問題好深... 答唔到。

>>老闆當員工係一隻棋子, 是不爭的事實

同意。又若果我地做棋子既時候,我地又會唔會達到自己既目的呢?We are "used" to serve a purpose. Is this purpose justified?

>>等甚麼呢?

神跡。(Well... )

Anonymous said...

baba yetu? civ 4?
baba yetu 咩解?

C.M. said...

阿五:

你都認得?我之前已經好鍾意呢首輕快既歌。

Baba Yetu 乃東非 Swahili族的土語(屬於其中一個班圖語),意思是“我的父親”。全首歌都是用此土語演繹。歌詞內容大約等於一篇主禱文。(呢d我都係呢個零月先知。)