大大老闆
你都離 Q 哂譜！
明明一個簡單既問題，都唔會答！
明明可以行個方便，都唔會伸出援手！
明明可以側側膊，都要渣正黎做！
明明早響大家好，係要搞到一鑊泡！
明明出句聲就可以擺平，硬係扮高竇！
明明個個都咁高咁大，點都要扮大牌！
明明可以相安無事，係要搞到血流成河！
明明係你落閘放狗，仲死唔認！
明明頭先應承左，依家竟然想反悔！
明明係你問題，點解係要賴人？
你咪行開呀，我仲有成九十個 point 要數你呀！
面，點解係要丟。仲係要丟比我？！......
大大老闆原來係啞既，原來係跛既，原來懶正義，原來懶到出汁，原來面子最巴閉，原來淨係識得作大，原來我死我事，原來面子要緊，原來仲要等 ...
原來一切 ... 都係呃人既 ...
我要見到神跡呀！！
...... Baba Yetu ......
不過...呢條路，唔係人地塞比我既，係我自己揀既。至於個答案，唔係辛苦計出黎既，而係我隨手執番黎。我死我事，自己攞黎。
15 comments:
嘩! 要唔要幫拖?
一於亞昆買水, 頂到(佢)膽汁都出埋!(又黎?)
除直接上司*可能*比較關心下屬外, 一般大公司的大大老闆都只當D細係工具, 不理他們死活. 唔好期望有任何奇蹟出現.
死啦，今次我明明地添。
人治部，就係成日要出面做ｄ大老板自己唔好意思直接講既衰野嫁啦。
死要面？係呀，好多人都寧要面子，不要裡子嫁。
真係好on居，不過我依家老闆都係咁既人，我可以私下同佢講，但係千祈唔好落佢面，佢一定偠威。我上一位既Ben哥哥，就係因為兩個男人硬碰硬，互不相讓，結果不歡而散。
c.m.兄,
睇完情況好嚴峻喎, 你見點呀?
C.M.兄，
正所謂「受人錢財，替人消災」，又或者係「食君之祿，擔君之周」...呀，打錯，係「憂」...有好多野...都係無得揀既...
有咩要幫手就出聲...做兄弟既...(Mark哥既遺言...)
AK兄:
「食君之祿，擔君之周」, 做兄弟既, 呢樣野...要幫手...就出聲......啦!
要幫手又信得過D無著鞋嘅professional, 就唔好call佢la!
哇... 乜搞成咁架..
Take care..大石砸死蟹,唉!
有時我覺得自己好把炮，你話勒，有咩會令我tun軚，縮沙，投訴+埋怨得咁勁！
（I'm waging a war！蝦，唔知邊個肯陪我癲呢？我都係等睇好戲囉。呵呵。）
On兄：
拿，我出聲係咪真係會幫手先...
阿二：
嘩，係度見到你真好，見唔到真人都見到虛擬，你話幾好呀。
BTW，你講得啱播，仲中左今期Jackpot question 添！點解會有咁既情況呢？係大大老闆真係咁樣，定係做細既唔了解實情呢？地方細，人少少日日見，或者都知道大大老闆係點，但人多多，日日坐係隔籬都唔知佢叫咩名，咁又會點呢？
香水姐姐：
呵呵，你明就得勒今次。咁究竟我地呢d做細既，係大大老闆底下個角色又係咩呢？（拿，你話你都“明明地”架。）
肥龍兄：
真係好嚴峻，似乎比大大老闆發現左我個陰謀。
AK兄：
係呀，我“得閑”都擔君之憂架。（至於擔野，你不如搵On兄幫你啦。）
學兄：
Ennn... 等小弟睇完醫生先。
鐵鎚兄：
有d野，積積埋埋等一次過爆。所以小雪崩係無錯既！
若虛兄：
人有天生抗拒大石既本能，亦有一對走得郁既腳比佢去閃... 點睇，都應該係好事。
"係大大老闆真係咁樣，定係做細既唔了解實情呢？地方細，人少少日日見，或者都知道大大老闆係點，但人多多，日日坐係隔籬都唔知佢叫咩名，咁又會點呢？"
你同老闆都係人, 咁講啦, 換轉老闆係你, 你又會像他咁做呢(當你知道他的看法時)?
老闆當員工係一隻棋子, 是不爭的事實, 最重要的係你要以行動證明俾你老闆知----你係一隻由現在到將來都是employability的棋子。
"大大老闆原來係啞既，原來係跛既，原來懶正義，原來懶到出汁，原來面子最巴閉，原來淨係識得作大，原來我死我事，原來面子要緊，原來仲要等 ..., 原來一切 ... 都係呃人既 ..."
既然知道真相, 你......等甚麼呢?
>>換轉老闆係你
呢個問題好深... 答唔到。
>>老闆當員工係一隻棋子, 是不爭的事實
同意。又若果我地做棋子既時候，我地又會唔會達到自己既目的呢？We are "used" to serve a purpose. Is this purpose justified?
>>等甚麼呢？
神跡。(Well... )
baba yetu? civ 4?
baba yetu 咩解?
阿五：
你都認得？我之前已經好鍾意呢首輕快既歌。
Baba Yetu 乃東非 Swahili族的土語（屬於其中一個班圖語），意思是“我的父親”。全首歌都是用此土語演繹。歌詞內容大約等於一篇主禱文。（呢d我都係呢個零月先知。）
Post a Comment