Thursday, May 21, 2009

Actioneering: Project K

Dream is not about dreaming. It's about achieving.

Project K 是個人計劃淋淋種種 social projects 其中比較簡單一個。簡單在於,理念簡單、目標簡單、執行簡單(此話實可圈可點)、工具簡單、評估簡單.... 。也因為各式各樣的簡單,所以被我 archived,容 K2 (if any,即 Project K 之 extension) 出台時再取出整理。下一步,不再是think,而是action了。

What Project K is about...

觸發點一: 雖不斷見證孩子的成長,但從舊照才發現孩子的變化。舊照越多,回憶越多,甚至回想自己的父母,然後再往竉底發掘童時與雙親的片斷,組成一冊悲喜交集,但又零落破碎的歷史書。這本書的回憶,讓自己發現更多自己。

觸發點二: 在土瓜灣某教會的壁佈欄上,見到有社會服務機構張貼上「徵物告示」,都是代一些家庭向社會請求「相贈」二手 BB車、傢俬、電器等。

兩點雙加等於: 家庭舊照可以維繫家庭價值,因為可以容許家庭成員反省、 honor the past 和重新檢視前路。由於很多家庭並沒有能力擁有自己的照片,連家庭合照也許亦甚稀罕,因而衍生此計劃,以促進普及「家庭歷史」。

基本目標: 低收入家庭、年老孤寡,以及服務他們的機構、領隊等

執行方式: 具體方式由個別機構釐定,但以「普及」為目標。

執行例子:

由社會人士給機構捐贈數碼相機,毋須新款式,以免引起各方不便。然後機構以借用(例如限期兩天)或租用(例如$5一天),使用後由機構檢查有否損壞,如有則按照使用條件處理(建議盡量由捐贈人士自行訂立,或採用由機構設立的「公約」)。另設上網電腦若干部(至少為一部),供借用或租用人士下載相片(必須制定合理使用守則)。機構另可考慮開辦相關簡單電腦課程,例如介紹如何上網、使用 email/facebook、下載上載照片、與人分享照片等。建議有關課程毋須收費,由義工講授。(我家小女現得三歲都曉,我相信任何成年人只需有「興趣」便一定學會。)另有舊 USB drive 供短暫借用,讓借用或租用相機的人士自費往沖曬相片。

下一階段工作: 本人將整理好以上提議,然後以電郵寄發有關機構,讓機構負責人參詳考慮。

(同日補按)

缺點一: 理念雖然簡單,但未必人人認同有此重要性。

缺點二: 構思、執行皆簡單,從爭取 funding 角度沒有貢獻。

**********

嗯,各位,這樣做,值得嗎?

17 comments:

Marshmallow said...

咁啱, 小女子啱啱買咗架dslr, 有架digital喎, CM兄你要唔要?

篤篤篤撐 said...

難得cm兄高見,
可以諗下

xiao zhu said...

其實你心目中嘅有關機構,係咩機構呀? 有冇已經諗到一啲對象呀?

(我唔係唔知,我唔係唔明,所以更加要認真。你知我架喇。)

C.M. said...

綿綿:

送既唔區呀。我讓返部1M pixel既俾你又點話丫。

C.M. said...

篤撐兄:

多謝認同!!

其實我幾「擔心」社會服務機構會認為此計劃未屬急需,或完全無重要性。但個人經驗所得,家庭照片所帶來的貢獻,實際上「可以」比各種免費家庭活動更能鞏固家庭...

嗯,篤撐兄,借問有冇相關研究可以讓小弟參考?

C.M. said...

小珠:

有呀。我心目中(提供是項服務)既有關機構呢,當然以低收入家庭或老人為服務對象啦。可能包括教會、社區中心等等。你有咩其他提議呢?定係你有contact info 可以相贈呢?

預先多謝!

請電郵: cm.inhr@gmail.com

篤篤篤撐 said...

CM,
我手上冇呢方面既資料, 我估在社聯層面都未必有。
以我既工作經驗, 因為要搵出有需要既targert (唔係個個貧困戶都需要),呢個program要用細既scale推行, 工作人員先可以approach到佢地,所以社聯層面唔會有呢d料 (佢地喜歡大program)。如果要搵, 真係要睇下shamshui po, /天水圍/hung hom等區既intergrated family service center

C.M. said...

篤撐兄:

唔該曬!尤其你個keyword: Integrated Family Service Centre,幫助我搵到好多contact,多謝曬!

呢個細埃programme,我諗住唔需要咩大promotion,淨係貼兩三張poster 響社區中心外面及裏面就得勒。

005 said...

哈. 對於沒有BB相的我, 到成三十歲都梗梗於懷呢.....
001 到 004都有架麻... 係005無...

so... good cause... 十卜.

Marshmallow said...

送你又點話呀... 最簡單既做法, 就係攞幾架機去一個target既慈善機構, 講明你既用途, 佢地會幫你做"廣告", 做啲活動既.

005 said...

Added a facebook group for this matter, can discuss there & invite more people to join this cause.

http://www.facebook.com/groups.php?ref=sb#/group.php?gid=95829397291

C.M. said...

005:

哎!你唔講真係唔知你連BB相都冇添!乜其他都有齊咩?無留意喎。

BTW,多謝你個fb group,我真係完全無諗過可以咁用架。真係活到老學到老。

C.M. said...

綿綿:

>>攞幾架機去一個target既慈善機構, 講明你既用途, 佢地會幫你做"廣告", 做啲活動既.

咁犀利?但我冇機響手播(好遺憾我一直都係借屋企果部用),你係咪有好多舊機?

新機就唔好勒,若果個scheme係open to public (or members),咁部機越新,比其他負擔得起既人用既誘因就越大,相對削弱左無咁負擔得起既人借用既機會。

VC said...

good idea,
but K stands for?

Marshmallow said...

尋晚同小馬哥講開你個大計, 佢都有架舊機係手, 我地兩個人兩架, 睇下你點, 盡力配合.

又, 我join咗你個facebook group啦, 不過你唔會知我係邊個, 騎騎騎!

C.M. said...

VC,

Good question. The codename "Project C" is in use; K is loosely for Kamera.

C.M. said...

綿綿:

感激!感激!配合... 不是不是。我想,是大家善用剩餘價值吧。

嗯,屆時若有機構告訴我已經實行了的話,我當即告訴你們。

(個group 依家一眼睇曬,都唔難short list你出黎喇... 睇下先...)