家事數則

家事一

「媽，點呀？」
「係呀，我報左下午班勒。」
「係呀，收左勒。」
「佢地話得下午班有位，咁咪去報囉。」
「嗯。」
「咁我都覺得上午班可能會好d，但佢個生理時鐘未適應嘛。」
「又係一瞓瞓十二個鐘左右囉，同以前一樣。」
「佢琴晚已經比以前早瞓勒，十一點半左右囉....」
「當然喇。」
「佢依家大約十一點零先起身，返上午班咪盞一舊雲~」
「知道。」
「咁可以中班或者高班先轉上午既。」
「梗係得啦。」

家事二

「搞掂曬啦終於。」
「OK喇，無話唔適應既。」
「唔覺咩三保床喎，都係好似以前咁。」
「下？唔知播。」
「可以望到西九既。」
「果邊？都望到既。」
「算係咁卦。」
「係交通無咁方便囉，又無公園，學校又遠.... （下刪100字）」
「叉乜？錢囉。」

家事三

「謝。」
「好似比人跣左鑊囉....」
「真係要同你鬥慘。」
「由於我係家庭基金個經理兼發起人，所以.... 」
「我咪將前排輸得好甘果啪 write off左...」
「咪即係我用左自己份私己填住數囉。」
「鬼叫自己唔按 charter 做野咩....」
「無架查實，虛擬架咋。」
「咁你知我唔鍾意憑良心做野傢嘛....」
「我明，我意思係我唔會為滿足良心而做野。」
「哦。」
「係我自己唔爭氣遮....」
「得架勒，慢慢還囉，洗少d囉... 盡量。」

家事四

「明白。」
「再唔出得黎.... 知道。」
「哦....」
「2345知唔知？」
「咁我約埋佢地一齊去。」
「應該聽晚得。」
「咁各自去喇。」
「觀塘可以搭綠 van到嘛，知道。我同阿女都去過喇。」
「....」
「....」

家事五

「你知嘛....」
「我一見親魚，我就諗起表侄女....」
「我知....」
「我梗係.... 唉」
「兩歲喇就快，仲係食果碗南瓜糊仔....」
「你明唔明呀....」
「....真係搞錯呀....」

家事六

「搞緊喇，你唔係唔見我甩曬look咩」
「得得得。」
「之但你都見我死咁滯囉。」
「個 proposal 一搞掂會即刻 post 上 facebook 架勒。」
「今晚未得，我要睇下我姨丈點先。」
「唉，呢排真係好多野諗。」

家事七

「再搵日奢侈d 得唔得？」
「但真係好好味喎。」
「.... 總之我夠喇，咁即係去唔去遮？」
「但呢個叫愛琴海戀果甜蜜鍋喎。」
「唉，真係可以食得好開心架。」
「又唔熱氣，點會呢？」
「你睇，阿女見到幾開心？」