Monday, August 31, 2009

求其一卜

唏,米暫亂歌柄先喇。

雖然我寫野好似好求其,但我每次真係比左好多心血寫架。唯獨係今次,真係想求其寫勒。

嘿,一個唔好彩睇到呢庶,你就知你人生寶貴既三秒鐘,就從此灰.飛.煙.滅。

為左唔洗等你果幾秒鐘蝕底左比我,所以我就好認真咁求其繼續寫落去。

不如等我講下學人故仔。

我講古唔係好得,因為我份人老實,唔曉轉彎抹角,又唔曉含沙射影,所以呢,好多人尤其女仔都覺得我真,好願意同我做朋友。

不過咁,我唔係一個隨便既人。我愛恨分明。

好似我家陣呢份工。若果我將佢拆成一百份,咁我就可以好快咁話比你聽,邊幾份我愛,邊幾份我恨,另外邊幾份我鍾意,邊幾份我又唔滿意,再再可以話你聽邊幾份改動少少我又會好鍾意,邊幾份加邊幾份減邊幾份乘邊幾份除邊幾份又會變左邊份打邊份。

據聞我呢亭係 Visual Mathematician 喎。

好似果年我見個 HR post,個高級嬸嬸經理問我對國內文化點睇。正喇,我早就準備好佢有此一問。

即時就撻個解放前 Guerilla Warfare 同法治文化既關係,然後用羅馬時代出曬名既 Fabian Strategy 去解釋統治權同 Power of power 既互動,跟手再拎 Byzantium 既興衰黎為國內管理者既生死作比喻式總結。

佢聽到耳水都流埋,就問我去瓦魯瓦圖好唔好。我話,梗係好喇,去到大西北開荒,直頭正中我下懷。

不過,我冇興趣。然後互片。

查實我平時好斯文有禮架,之不過,我都幾感情用事。講開又講,今次係我第二次同 Interviewer 開片。

第一次係響幾年前,會考完,盲頭烏蠅得幾分,就學人去第間學校面試。個嬸嬸面試官問我對於報考男女校有咩感覺,我咪話佢知,唔知呀,應該幾好玩卦。

頂,點知原來個標準答案係:總之唔會搞出人命就得喇。聽講加多句:你理得我丫。仲會加分喎。

所以自此衰左一次,以後做咩都一定準備好,唔會求求其其架勒,一.定.唔.會。

8 comments:

安諾勿斯 said...

幾年前會考?!唔好玩啦…

p.e.t.e.r. said...

>幾年前會考?!唔好玩啦…

哈哈!所見略同,所見略同。
嘻嘻!
佢可能打少左個草字 ;)

bittermelon said...

Guerilla Warfare...Fabian Strategy...Power of power...Byzantium. 哈哈,好想知道最後嗰位高級嬸嬸敢唔敢請你?

篤篤篤撐 said...

幾年前會考?!>>>????????kakakakaka

Ebenezer said...

你對住通識科嘅題目唔走去答標準答案,睇怕你幾年後仲要再考過會考!

C.M. said...

安仔:

>>車,你四十大限將至,咁我米二十下限剛去囉。


p.e.t.e.r.仔:

>>無押,無漏字喎。我已經好求其咁寫架啦。


苦瓜仔:

>>仲請?剷到我飛起啦,而我又不甘示弱...

篤撐爸:

>>無奶油,我應該無記錯。

Ebenezer爸:

>>我睇你講完笑到麓地!真係俾你講中曬,我剛剛放榜,通識科肥左呀陰功。

Clay said...

幾年前會考...但個嬸嬸而家應該變左婆婆喇。

C.M. said...

Errr.... 大嬸啫大嬸啫。