Tuesday, August 03, 2010

大人節目

私人節目

最近有位仁兄又liu 起我一段Alfred Adler既名言:We are not influenced by the facts, but by our interpretation of the facts. 佢問左我一堆問題,一堆好含糊但查實又毫不含糊既問題。

個問題係,查實乜野證明到我地依家處身響reality,而唔係響 dream? 好有 Inception 同Matric feel? 諗諗下應該有一套仲經典:《叮噹》。(查實我心目中仲有一套冷門更加深刻,但完全唔記得個戲名,要花時間搵下..... 弊!唔知會唔會係《The twilight zone》其中一集呢?!)

再講.... 不過下次講,唔會touch 到dream 或者reality。一定唔會。

大人節目 I

今年第一次去書展,起初以見識同碰運氣心態,睇下有冇合適書本比阿女阿仔睇,點知...too many trees too little time。

食飯果史阿邊個同我講,話書展人山人海,好多香港人都係趁墟心態囉。丫well,神經反射話唔同意,再細想都有可能既。不過我硬係覺得,最主要原因係香港人「窮」囉,買書等減價兼大手掃貨,仲唔係窮?.... 之又諗真d,窮未必最真,但書肯定係太「貴」囉。

同阿邊個講講下,覺得有d唔妥。佢話,如果書展繼續叫「展」,咁年年個話題都應該幾豐富囉。

大人節目 II

響書展淨係去左兒童天地,都未行曬,原想去睇成人書,搵番本《馮象譯本》都無機會,你話,係咪逆權侵佔reality 版丫。

大人節目 III

阿米真係明智,唔去逼,之前仲有兩手準備,去左航天城。咿,我對腳痛到死呀仲。

我又諗,如果想小朋友可以接觸下小動物,係咪應該試下買一隻羊或者龜番屋企私養做寵物,定係洗多少銀兩帶佢地去外國既野生動物園實際d呢?

大人節目 IV

午飯跟同事閒談,講起幾位朋友點為子女勞心勞力。同事講開佢另外兩三位朋友響子女教育上面有分歧,一個既宗旨係全方位,另一個就是是但但。佢覺得,各有各好,不過太計較結果就唔係太好。跟住唔知點樣扯到去我兩件化骨龍,話我是但得黎太計較... 總之百詞莫辨。

是但喇,總之我話咁就咁!

18 comments:

Justin said...

我覺得書好平就真喎。

如果你計埋睇本書既成本(姑且當係你時薪既五折,睇書既最大成本其實係時間)。

Anonymous said...

我覺得,養動物其實係好架。起碼,培養下責任心,學下照顧其他人/動物,係好事。

至於去外國,米獵完奇就冇咩囉。

話時話,養貓丫。除左女人外,我唔鐘意動物,但友人屋企有隻貓,又幾攪笑。

~goethe

早兩日係youtube見到,衣隻野都好攪笑﹕
http://www.youtube.com/watch#!v=urizHysauG0&feature=related

C.M. said...

Justin:

丫,that's intriguing (to me). 由於我只係響兒童部出沒,所以覺得貴,可能都係只係因為覺得兒童圖書貴。查實小朋友書一d都唔平,一本色彩斑斕硬皮名畫家故事書盛惠過百蚊,書展有折頭都可以賣三四十蚊以上,之但錢都係次要,最貴係呢種故事書只可以講到五分鐘,長則十分鐘。以小朋友專注力+倉存+各項因素都唔值,陰功,係我呢亭窮家父母既睇法。

大人書呢,千金難買心頭好。但我唔敢話貴,有d好書的確係平。而之所以話intriguing,因為睇書成本真係貴。如果咁睇,相對買書成本其實唔貴。但正因為睇書成本貴,所以唯有一次過平價買多幾本書,等自己可以減低揀書既機會+時間成本。

書展,無論係咪好似外間話一個散貨場,至少都幫助到普羅大眾減低執到好書既成本。

如果認為書展只係見到carnival, 墟, 周末去處而否定左買書人既經濟局限,就算真係買左書放響屋企十年都用唔著,我覺得又會忽略左香港人,想睇書但又無法滿足睇書慾念既悲哀。

C.M. said...

歌德:

不如養人丫。(查實我養過貓,仲好鍾意,高峰期一次過樣五隻... 定七隻?)

p.e.t.e.r. said...

傻佬,去果啲地方搵馮象譯本?你啲蘿直喺咪有啲退化呢?想睇成人書你應該去o靚模部果邊搵。馮象譯本喺聖書部,喺相反方向。你口口聲聲話想搵馮象譯本其實個心就想去搵寫真集就真 ;)

嘻嘻,btw咁橋我啱今個星期日先睇過佢嘅5經譯本,馮譯嘅文句確實比較通順同有意境,重有註解雖然插喺正文度睇起嚟比較煩,不過就對了解原文寫作背景好有幫助。唔知佢嘅新約譯成点呢?我喺度諗緊買新果本好定舊果本好。
:)

我最憎同人逼,情願去跑歩一個鐘都唔願落樓下個書展度行一個圈囉。先唔講people mountain people sea呢個咁令人煩厭嘅因素,你仲要拖男帶女揹住大包細包...然後仲要好似逼地鐵咁踩死蟻咁行法喎,我喺你嘅話行完我會想去截肢囉。賺到果啲啲咁dur dur嘅discount都得不償失。

C.M. said...

唔係去果d地方,又可以去得邊呢?(我蘿直無退化,一路都係咁...低b)頭先我問人先知原來宗教書籍就響兒童部隔個hall!鬼知咩,家陣身體/心健康每況愈下,想搵肉模... 馮象譯本都沖喜下都身不由己,好攰。

最怕,係買左都無時間心力專注力去睇。有時我唔想面對自己(竟然)會出現厭煩既感覺。搵緊peace and tranquility.

我果日無同人逼呀又,一來我地有小朋友,所以走特快通道,唔洗排隊,二來兒童部係好多人,不過就唔係好墟冚,一般銅鑼灣feel咁囉。

之但,行完我都係要去截肢。星期六仲要去覆診。最弊買唔到好多野,三百幾蚊書都已經重到死,我同管數婆一致同意,下次去都係掉低兩隻野先得囉。又,些少discount,夠我地食足成個禮拜喇,點可以唔慳?唉,你地點會明白呢~

HHH said...

小朋友書,真係不用買太多。好似玩具咁,太多會變成過眼雲煙,hea 玩過就算,冇晒印象,不知珍惜。小小地幾本記得晒D字呀,明白晒D內容咪仲好。

公立圖書館D大人、小朋友書不少都幾新淨,免費應該好好利用。

C.M. said...

HHH:

完全同意呀!所以今次買既書... 都唔算係書,而係圖畫簿同寫字簿。除左因為阿女鍾意之外,仲因為畫/寫完好難番用,故事書就去圖書館借,又好彩屋企住近圖書館,所以家陣佢地想睇咩書都好方便。

(咦?查實我都可以借書播... 最奇唯獨係我未去過呢間圖書館囉)

p.e.t.e.r. said...

>又可以去得邊呢?
當然喺突破果啲喇。不過又唔喺間間有。所以最好打電話問咗先。

>係買左都無時間心力專注力去睇。有時我唔想面對自己(竟然)會出現厭煩既感覺。
咁你買咗我幫你睇囉;)又唔駛內咎,坦白講個個都會咁諗。唔喺人哋就唔駛重新譯過喇。

>三百幾蚊書都已經重到死
依家都未算,搬屋果陣你就知。

>唉,你地點會明白呢~
嘿,你以為。

C.M. said...

>>不過又唔喺間間有。
因為搶手?...頭先我買飯既時候又諗起馮象(無野勒)。

>>咁你買咗我幫你睇囉
你philo得咁緊要,好心留番d麵包碎比我地喇。

>>依家都未算,搬屋果陣你就知。
雖然我搬過好幾次屋(結婚後都起碼6,7次),不過呢,你次次細屋搬大屋,都應該清楚過我既,我明。我明丫。

>>嘿,你以為。
嘿,你以為... 不過諗諗下,我又好似真係未捱過苦播... 諗返先...


>>
>>

p.e.t.e.r. said...

搶你個頭。又唔係間間書局咩書都有。有書局冇好出奇咩?

>好心留番d麵包碎比我地喇
那有的要再多給他,没有的連那一点都要奪去 ;) sounds familiar?

C.M. said...

你唔係連響檯底搵食既狗仔都唔放過下化...

>>有書局冇好出奇咩?

咿?咁係咪就「印證」左我個「減低揀書既機會+時間成本」既推測?

p.e.t.e.r. said...

以前有個老豆比嘢個仔食個仔唔食,結果比隻狗仔食Q晒。你估吓同樣嘅嘢會唔會發生第二次吖嗱?

打個電話問駛你幾多成本吖?

C.M. said...

嘩,邊個做你條o靚真係會比你chur 爆。

打個電話唔洗幾多成本,昃有咩書局,然後打1083,呢間無,然後輪到第間,一路打一路打,然後知道一本書響邊庶買。跟住再有第二本第三本... 昃曬響邊度買之後,再編排行程,問人借架車周圍兜,點知去到先發現原來無貨(頂,電話入面又話有既...)跟住又發現原來同一個作者既書響另一間分店先有... 終於走勻港九買左四五本,個list另外仲有十本未買,或未有貨。

(唔好打面!)

p.e.t.e.r. said...

個古仔重有下文㗎:個仔唔肯食嘢就比老豆罰佢出去剪草喇。自從隻狗仔食咗啲餅之後又見到老豆趕咗個仔出街,就以為個老豆錫晒佢,開始睇唔起個仔喇。當個仔喺出面嘅時候比隔離啲人蝦,隻狗見到唔幫個仔不特止,重幫外人蝦埋個仔一份添!咁兩父子邊有隔夜仇吖,最後個老豆都比個仔入番屋企。不過人狗之間就變得...你明㗎喇 ;)

我又冇會chur爆佢哋㗎喎。佢哋有興趣咪教囉。佢冇興趣我咪慳番啖氣囉。我好滋陰㗎。

乜你買嘢咁似女人㗎?跟住再有第二本第三本?乜男人唔喺買完要買果樣嘢就走㗎喇咩?冇?咁咪算囉! 命裏有時終需有,命裏無時莫強求呀! 你們要但得不着因為你們没有求...你們求也得不着因為你們網球;)

小寶 said...

買嘢重要問人借車?跟住喺咪欠咗人人情跟住又要請人食飯補數呢?咁今次你請完佢下次佢又請番你,你又再請番佢....跟住有一日,
地球同月亮講:呢排金星嘅軌道太近,我不由自主咁受到維納斯嘅吸引力影響鍾意咗佢......
月亮:(內裏大受打擊但表面不動聲色)點解會咁㗎?
地球:我都唔知吖,當初我淨喺同佢借架車去買書之嘛...跟住我咪請佢食飯補數囉,跟住佢又請番我食飯,跟住我又請番佢....

月亮:咁你依家想點吖?
地球:我都唔知,我.....

月亮:咁分開囉。不過啲人做衛星要跟我!
地球:唔得!!你要GPS衛星嚟做乜遮?唉~我唔喺咁嘅意思,我喺想話啲人做衛星喺需要我哋兩個嘅引力先唔會迷失喺太空...唔喺,我其實喺想話我唔可以冇咗你㗎!我哋喺埋一起咁耐咯,我地喺注定喺埋一齊㗎。

月亮:唔分開咁你打算同金星點吖?我唔會接受你有第二個衛星㗎!
地球:我....我喺一時糊塗遮~比啲時間我喇,好冇?等佢嘅軌跡離開啲之後,我就會正常返㗎喇!

月亮:哼~咁即喺點吖?下次如果火星呀,木星呀重有果個有個好鬼靚嘅光環嘅土星行埋啲,咁你又比佢地啲吸引力影響呀?重有啲流星呀,彗星呀個啲呢?
地球:(流晒冷汗)唔會喇,點會遮?我又唔搞基嘅,火星行埋啲我都自動彈開喇。至於木星...重我成300幾倍,點得吖?重有佢同埋土星果啲離我呢啲凡夫俗子咁遙遠,邊有可能吖?重有流星呀,彗星呀個啲,咁你喺我嘅衛星嚟㗎嘛!你喺度幫我擋晒喇,邊埋到我身遮?

月亮:哼~你喺至好講!今次就放過你一次,不過再有下次你就死!咪話我冇警告你吖,你再有行差踏錯,我唔理佢喺GPS定PPS,總之所有人做衛星都要跟我!
地球:(sap熟狗頭咁)唔敢喇,點會有下次吖?以後都唔買書喇。最衰都喺阿大帝喇,叫我去買書~唔買喇,以後都唔買書喇。

月亮:哼~今個月罰你瞓書房反省吓!然後寫篇一萬字嘅悔過書比我,等你以後警惕吓!重有,死罪可免,活罪難逃。呢排global warming,你一定喺錢多所以先至身痕。過啲水過嚟我度等我打扮吓。

從此月亮變咗藍色,好似一個小地球咁靚。地球亦因為月亮靚咗,從此專心一意再冇異心。

(哈哈,邊度都唔好打!)

C.M. said...

p.e.t.e.r.:

喎,明。之但衰狗係多遮,好狗仲未死曬嘛。

丫,查實我真身係女人黎架!著男裝容易識女仔嘛。

C.M. said...

小寶:

買好多野梗係要問人借車啦,仲要問個靚女添,如果唔係,點樣可以日復日沒完沒了咁同佢撐table leg呢?(你係咪借傢依向我取經呀?見你咁怕羞,唔收你又點話?)

哦,至於地球同月亮呢檀野呢... 咁熟口面既?