Wednesday, December 22, 2010

如果... 有日要走難

查實邊有諗住有續集架,之但歐洲大雪學生滯留港府話去打救,令我感受到彼方此方方方恍如隔世。

好耐之前我一直有個天真到傻既想法,就係如果有日真係打到黎,雖然會見到現實殘酷屍橫遍野,但仍然都會見到人性光輝互相守望:「你走先,我仲頂得住!」你推我讓之聲此起彼落。

誰知有人傳話,話爭先恐後既見得仲多。

講真,官員該煨香港都未至於淪落,家長已亂心煩自求多福亦人之常情,新一代未見過世面可以慢慢耳濡目染,但牛龜咁大個法寶盡出**踩住人**上/走/飛,先至最眼冤。

如果我對仔女夠膽死懶醒咁同我講點樣扭盡六壬快人一步理想達到,我就一頭坎落個死仔/女包個頭度睇下個天收邊個先。

22 comments:

數奇門 said...

噫 ? 原來你有入黎我度架 ?

失敬失敬

魔術師 said...

如果你對仔女同人話死左老豆來呃機票你會有乜感想?

馬沙 said...

為o左返香港, 就咒老竇死, 呢o的忤逆仔唔死都冇用......

C.M. said...

數奇門:

呵呵,多得側田囉。

魔術師:

最大感想係,咁急想返黎係想見老豆最後一面定係急住返黎同條女依泣?

馬沙兄:

咒唔咒我個人無咩感覺,洗橫手踩住人上先最衰。

Anonymous said...

還是那一句:但他們的父母好似比我們生活過得好...起碼他們有錢送個仔/女留學?

如果說子女的價值觀由父母而來,那麼,我們在condamn的,可能正正是我們所欠缺的。

C.M. said...

有錢都唔一定有呢種價值觀下化...

如果唔能夠兩者兼得,又有錢又顧得人,咪友佢囉,呢d 野叫佢爭埋我份喇。

錢,多過我,又點?

Anonymous said...

拿拿拿,阿邊個早兩個月係良仔自白度提過,港孩同內地孩既分別係,內地孩好多時十幾歲就會自遊大江南北(IF NOT離鄉讀書打工)。港孩就,有D十歲先識縛鞋帶。

不過,作為一個社會學家(!!!),我會認為好多野「都係社會既錯」。

爭先恐後﹖資本主義,適者生存係咁架喇,香港係資本主義社會,法律冇話唔得既,就可以做架喇。「踩住人**上/走/飛**」﹖有邊個唔係﹖

好多人如是說。

~goethe

篤篤篤撐 said...

我都唔明, 上唔到飛機有乜大不了 !

C.M. said...

靚仔:

適者生存,響邊個層面都係。如果響資本主義社會層面,咪比你贏曬囉;之但響另一d 精神上/道德上既層面,雖則可能超虛無,不過就.... 算把喇。

篤撐:

都係怒眼妹講得好:番黎夠佢地吹一世, 抵到爛啦。

魔術師 said...

今日電視有影個中剷阿媽攬住個仔話:「掛死媽咪咯!」

上唔到機(應該話係架機起唔到飛)之馬,使唔使「掛死」呀?讀書讀咁耐都唔掛,放隻返來遲幾日就「掛死」?大不了咪打道回府!

又有一個家長話俾人CUT線,響度投訴,又話自己個女有病(佢係病人唔係壞人),好似成個地球都要繞住佢地轉咁,真係巴Q閉。

CowCow said...

死仔CM:
Merry Christmas!!!

Love you,
CowCow

p.e.t.e.r. said...

超~你咪話我大你呀~你肯大力啲打已經偷笑喇,坎落去?聽住先喇!

講真,返唔到香港咪返宿舍/去朋友度囉。出外靠朋友呢啲咁簡單嘅道理都唔識,班友仔去英國讀屎片咩?果班去得讀書嘅死仔包,十個有九個都有信用卡㗎喇,我又真喺唔信佢哋會凍死冇地方住呀,分分鐘住住總統套房等機位都重得喇。

死仔包,咩你畸屎乜屎呀!

xiao zhu said...

超~你咪話我大你呀~你肯大力啲打已經偷笑喇,坎落去?聽住先喇! x2

Holly牛 said...

小珠,大佢洗擇日呀!

C.M. said...

(諗住做多陣先覆,點知... 嘿)

阿魔術老弟,今個聖誕同新年呢,祈望你會感受到我所感受既:兩個人既深厚關係同感情,需要長期建立同維繫,中間既經歷外人只能知其一卻不知其二。緊密既connection,就自然特別緊張。試下睇下係咪?祝聖誕溫暖。

衰牛!Merry Christmas!! 我啊,想死你了!(嘿,竟然孖埋衰朱黎蝦我!?)聖誕快樂!

p.e.t.e.r. 仔!!嘿,你米以為,我扯起火上黎唔係人咁品!何況呢種家門不幸,鬧佢都sai氣!聖誕安寧啊。

衰朱!嘿,我當然會醒啦,點會比呢d事發生?!聖誕... 識得笑就好咯。

xiao zhu said...

你見到我笑咩?你聽到我笑咩?邊笑得出吖,仲黎刺激我,冇啲同情心!

C.M. said...

理得佢丫,總之走難都要識得笑!

xiao zhu said...

咁你叻囉,走難都識得笑!

Ebenezer said...

從另一角度諗,死老豆呢招都出得,証明現今D港孩真係食PhD奶粉大,腦部發展比我地果代強好多!

By the way, Merry Christmas^^

richmapoorma said...

Merry X'mas!

Haricot 微豆 said...

執輸行頭,慘過敗家
自私自利,損人利己
排隊打尖,爭先恐後
有利必圖,道德何價?

好呀!!三鹿集團被人槍斃個d後繼有人啦!!!!

I am pleased to learn many of us still hold dear to our values and principles.

Peace on earth !!!

C.M. said...

笑朱:

要人如其名,有幾難?

以便:

新年進步啊,死老豆呢招隨時都係in situ一傳十既遮,係我就唔會咁快比credits佢地勒。

富媽:

別來無恙,新年快樂也!

微豆兄:

May peace be with you. (人不斷響度變,有時曲變直,有時直變曲,會犯罪會悔改,values呢傢野... 都係自求多福咯... 哈哈哈)