Monday, March 21, 2011

記昨日之後

雖然日本核災陰霾暫且褪去,不過心情依然沉重,吹水解下鬱。

前事

果日媽咪同事與仔女之母不約而同告知超市食鹽被搶購一空.... 還以為防輻射雨具已經是趁勢炒作的絕橋,如今終於證實大眾原來絕不平庸!食肆需求大,被搶購的食鹽、豉油.... 心諗慘咯,連豉油撈飯都食唔起咯。都好彩,到左琴日終於清醒番d 咯,阿邊個話如果呢個謊持續落去,可能就開始有報道,揭發有人用工業鹽扮食鹽,到時又無啦啦驚一餐咯。

荒。慌。謊

我覺得,唔係乜乜羊群反應or 類羊群反應,就可以叫做「慌」。

造「荒」的時候,「慌」係手段,「謊」則係工具。大部分羊群反應中的「慌」不是對政府或所謂主權管理者等的不信任,而是對其他subjects/citizens/neighbours 以及「環境」的不信任。所謂政府只是一個比較明顯的圖騰讓大眾宣洩自己的疑慮,甚至rationalize自己的愚昧。

因此不同意這個角度的評論:http://news.enorth.com.cn/system/2011/03/17/006163631.shtml

很多評論都「過分高估」 (1) 市民對政府的依賴程度 (2) 市民對政府功能的認知程度 (3) 市民對政府行政表現的期望。然則在實際情況評論者亦「需要」高估,否則不可能得出合理的「政治推理」,並推動市民或團體接受。

以上是對香港的情況說的,至於日本,不敢說。不過,如果作一種遙遠的猜測,我會採用institutions 而非政體來解釋香港、國內,以及日本在應對危機時的差異。(如果曉得經濟學我梗係會lik 呢套黎解釋啦)

沙士之後

有人話,香港人的所謂危機感,其實是過了火的危機感,或是驚弓之鳥的危機感,即驚死感。

其實,有冇聽過雙方交戰能引起最大恐慌的,其實係聽到第一響槍聲?人既心理stabilizing 機制可以用一條sine curve 黎描畫。Fight or Flight 呢個決定,其實係響槍聲第二刻先至會出現。而我係觀察日本人既反應(增派死士),而非中國人(扮弱勢輸打贏要)既反應所得。慣左 fight同樣既 foe,立架生自然快人一步,但面對唔同既foe,又要適應一下。

沙士,只係教曉香港人適應左一種危機:病從口入。如果人地對住你打乞嚏或咳兩聲,雖然仲會幾敏感,但早已見怪不怪。輪到新型危機,一樣可以走難咁。始終香港人自由慣,覺得自己做選擇就最好,所以... (OK,武斷咁講) ... 要香港人試下聽權威、問意見,不如自己憑所謂半桶水常識好過,反正唔洗死兼唔犯法,做左先講。

危機感,從來唔係單一既。傷風咳,都已經免疫喇。至於如果下次大亞灣有咩事既話反應會點,我諗... 我呢一輩可能會慢d,下一輩或者未嚐過呢次日本危機果一批,反應就唔止咯。

退鹽之理

如果大眾需求必須要考慮的話,如此不問情由讓民眾退鹽又是否合乎「民主」呢?

簡單回應 Kenka上次之評:「CM講的institution的全貌應該是:官的權責很大,沒有互相約束,也不容易受罰。在這點而言,是文官政治極容易滋生的毛病。」

不。從institutions的角度,我所指的教育的目的,「完全」沒有考慮「民官」之間或「官官」之間的約束,而是「民民」之間的約束。民民之間的約束並非由官所牽頭的所謂人民互相監視,而是對抗一種「集體壟斷」的傾向,即 Institutionalization。

而我下筆的焦點,是集體壟斷與反壟斷,是環境的局限與突破。官,只是一個太容易取得的目標。民,才是那難觸摸卻更重要的目標。

昨日今日明日(後補)

原來我係想講我阿嫲。

據聞佢已經九十有六咯,上星期腳軟仆親起唔到身入院,最初都話無野。後來我地探完佢,經姑娘話佢盆骨骨折。琴日仲話要做手術,今日先知原來唔做手術萬一有併發症就大件事。佢仔女知道之後,就咋咋林今朝開刀。好彩收工前消息係做完手術好好精神啫。嗯,咁大年紀做手術,唔擔心就假咯。


特別介紹:驚恐讓人瘋狂

9 comments:

p.e.t.e.r. said...

喂,太513問:你呢期鹹唔鹹呀?

怒火眼睛 said...

我又覺得enorth個評論, 以內地嘅情況而言係啱喎。好似米搞話齋, 政府或所謂主權管理者越叫你信, 就等於越不可信, 而且內地主權管理者的誠信早已崩盤, 一味靠嚇而己. 今次搶鹽既然不涉政治, 民眾搶鹽自保真係理直氣壯呀, 斷估都唔會被捕卦?

至於香港, 確係有對其他subjects/ citizens/neighbours 以及「環境」的不信任嘅, 不過又, 要否幫班羊做個composition analysis 先。well, 以"香港精神"呢個高度嚟睇, 高價賣鹽嘅先係香港人囉 (賣果個幾有信心賣晒佢呀, 一d都唔驚), 買鹽嘅, 梗係xxx水魚啦。

C.M. said...

p.e.t.e.r.:

扯,我期期鹹黎鹹去都係得一個味架啦:淡

阿妹:

欸,如果你講內地既話,又係咪更需要睇composition呢?

又查實對於enorth既評論我會咁講,於內地,前者=唔信任主權管理者(部分同意),後者=... 因而慌亂(部分同意)。兩者夾埋,好似講得無錯,但前者同後者建立唔到好大correlation囉(響我個脆弱框架)。

講番香港,不信任他人既另一個角度,就係絕對自信,盲目相信自己既決定。雖則呢個講法又唔可以解釋一切行為,尤其你講果d囤積畸屎 or 買保險求安心畸屎(迷信係太容易信人定係太容易信自己),不過如果話佢地係盲目信人,咁,就證明左呢種香港精神真係唔多體現響呢班人身上咯(陰功)。

C.M. said...

http://sohuzhangming.blog.sohu.com/169327062.html

...在国人眼里,公共的事,就是官家的事。...

...缺乏公共性的国民,本质上,是缺乏自主性的人。所谓的自主性,其实跟个人权利有关。没有权利的个人和家庭,对于公共事务就必然缺乏权利意识,也就不会操心。...

如果覺得對,那至少不會是“不信任”主權管理者吧?又或者說,真的可以用“對政府的信任”來解釋民眾的行為?

C.M. said...

關於這個連結結語所說的:

想要走出这个困境,唯一的可能,是还国民以自觉,还国民以权利,让他们变成具有公共性的公民。

於我,其實該是:還國民以“承擔”,才可讓他們變成具有公共性的公民。

怒火 said...

>>公共的事,就是官家的事。...
各家自掃門前雪, 家門以外已經係政府。 正心修身齊家, 尚可; 治國平天下? 你最好唔好諗。

>>缺乏權利意識, 不操心...
我相信內地大部份人會服從政府, 服從同唔同信任? 又唔同喎, 政策無一貫/一致性, 欲信無從, 欲操心亦無從操起, 只係今日你講a我做a, 聽日你講b我做b囉.

還民以承擔, 要好大醒覺架喎, 還唔還得起先?

C.M. said...

阿妹:

服從都未必喎,君不聞你講a我話做a實際做b咩?

至於點還還成點,都係未來歷史長河既前世懸案咯,有命... 都想等見到既。慢慢醒覺喇,突然撐大雙眼好似僵屍復活咁想嚇死人咩。

Chika said...

多謝推介喎,難得有人睇我發up phone. XDDD

C.M. said...

Hehe, 你唔怪我順手牽羊就得咯 :)