Wednesday, December 28, 2011

投訴無線電視新聞大播金正日喪禮

無數名人及有貢獻政治家去世都未曾大播其喪禮,甚至Vaclav Havel喪禮都未佔去那麼多篇幅。

金正日喪禮關香港鳥事?金正恩哭如淚人又如何?這樣的喪禮真的這麼有新聞價值?

無線新聞你正表達的是什麼角度?!

(自梁家榮離職後連月未接觸亞視新聞)

********** 投訴表格內容 **********

播放時間:午間新聞,13:10

《投訴無線電視新聞大播金正日喪禮》

無數名人及有貢獻政治家去世都未曾大播其喪禮,甚至Vaclav Havel這位對歐洲影響深遠的政治家的喪禮都未佔去那麼多篇幅。

金正日喪禮關香港什麼事?金正恩哭如淚人又如何?本人認為這樣的喪禮對於香港人毫無新聞價值。本人認為香港人只關心北韓在金正日去世後對世界的影響,但對一位惡名昭彰,令北韓人民水深火熱的所謂領袖毫無惋惜!絕對不值得花過量新聞篇幅放在金正日喪禮的過程上!

強烈質疑無線新聞正表達的是什麼新聞角度!強烈質疑無線新聞部取材的原則!

15 comments:

Terence Yun said...

現場報導實在無需要,節錄就正常。

可能新聞角度認為他日對整個亞太地區有影響。不論好與壞。

C.M. said...

無錯,一兩分鐘節錄,拉埋其他吊唁團及兩韓民眾反應完全ok。之但今次到國慶巡游佄長,仔细程度簡直離譜。

唔知晚間新聞有冇佄誇張

seikomatic said...

咩呀,俺要投訴播得小 : 每次俺睇到正正眼角淚珠快要滾下時就無左,典樣可以索番留到下次新聞 ;正想跟住痛苦既蕉鮮人民一齊做扣頭瑜珈,做唔到幾下又無左,典得架?


索番眼淚同運動不足,醫生話對身體傷害好大架。

the inner space said...

捷克Vaclav Havel在香港未必很多人識,只是止於一班高級嚮往民主知識份子。 金正日的死已經可以寫一個宮廷闘爭逼宮軾父奪位的師奶劇,若加埋金正男更可以加插奪嫡的程節。

C.M. said...

哎呀,我地偉大既金正日領袖既桑禮如斯動容,我竟大不敬投訴,哀哉呜呼。

C.M. said...

space,

咦?佄睇落c9劇唔多arm 我胃口喎

Karen said...

哈哈,今次同你的意見完全相反----我真係嫌少喇!

或者本小姐心理變態,佢歸西的時候影住d北韓人喊到如喪考妣(但實情係背著鏡頭就木無表情),做戲咁做,唔做係會俾國家罰的,加上對國民教育方面,一直灌輸金日成和金正日係佢地的父親和神,咁就出現呢個畫面啦(以上係變節的北韓人講番出o黎)!

但在香港,諷刺的係唔少網民包括本小姐都覺得係一條笑片(我認呢件事都幾冷血),而且唔少人最想睇李春姬姐姐終於出場,搞到在YouTube唔少人播完又播佢喊的畫面; 當然,Vaclav Havel的喪禮亦嫌播得少,cut了唔少(我講的係對Vaclav Havel致悼詞、民眾的反應和之後的靈車如何行)。

而且,我地都想知,金正男會否為了佢老豆而返北韓奔喪,然後變成弟(金正恩)弒兄的「玄武門之變」定係...,最後無得食花生睇好戲喇!

the inner space said...

CM:咦?佄睇落c9劇唔多arm 我胃口喎!
space: 這也不是我杯茶,所以我只可以解釋為C9劇。並同意兄台無線新聞一點 OVER-coverage 的意見。

無線新聞部是否超越了一般新聞報導,不知癫狗有冇權調查?投桃報李。

C.M. said...

wa, karen,

原來你地一個二個都鍾意睇爭產(權)劇架?

space,

嚴肅d既猜測,就係電視台受到第三方鼓励或建議,甚至要求,而播放呢段肥皂劇。

所以我先有此質疑新聞部既取材原則。

Karen said...

>>原來你地一個二個都鍾意睇爭產(權)劇架?

我咩都睇,喪禮其實係做俾人睇,唔係做俾上面那位睇,身後的事可能更精彩。

有部份C9劇係好睇,但一些偏門劇我都會睇----當屋企人唔睇天與地,我偏偏睇,因為好少有劇集令到一些人(包括我)對人性的反思。

C.M. said...

Karen, 真係幾羡慕你有咁多時間睇劇集啊

Karen said...

我係用電話睇網上TV咋,仲要係乘車時先睇!

C.M. said...

呢亭仲犀利,你唔暈車浪既咩?(我實嘔到反肚)

篤篤篤撐 said...

冇睇tvb news近十年了...

C.M. said...

阿篤,

新年快樂!恭喜你有個黃金十年!