Tuesday, February 07, 2012

鬧情緒

呢間舖開左幾年,原先講下人治野,偶然拉埋講下有味gag,得閑炒粉牛雜雞蛋仔共冶一爐,心情起伏自我調節,好不愉快。

直至近年人大左,做埋人老豆舅父阿伯,開始日日受嘈喧巴閉既政治柚影響,EQ波幅十足過山車,難再以翩翩君子自居。

好似果班由「曾經好似」現升格叫「自以為」果堆終日「口不擇蝗」為樂既正義友,我已經頂唔順。

本以為大學之道,除左係培育一班有理想、熱愛自由既學子之外,就係俾個珍貴機會班學子去取長補短、他日貢獻社會,甚至為不平事伸張正義。

挑,仆佢個街!家陣仲響大學校園亂扣人蝗蟲,以為隨便貶低某某,搞到大學學生竟然受被政治取向排擠既恐懼,唔通咁就叫民主自由高人一等平等正義香港人?仆街la.

如果正係你製造誤會,而同時仲有些少責任感既話,唔該你自己搞番掂,小弟佩服你硬漢子真性情,仆夠街就好返屋企勒。


一樣米養百樣人,係硬漢子定係掛名天子門生,再諗清楚,回頭是岸啦施主。我都想做硬漢子,返璞歸真,不管政治無聊事,翻兜人治二三事咯。

8 comments:

the inner space said...

”挑,仆佢個街!家陣仲響大學校園亂扣人蝗蟲,以為隨便貶低某某,搞到大學學生竟然受被政治取向排擠既恐懼,唔通咁就叫民主自由高人一等平等正義香港人?仆街la.“

X2百萬

L L said...

我...都好想講 xXY@&#%$*)!~Z

selina said...

死我睇唔明...其實係講緊邊個?

雪山飛狐 said...

大学书贵,买不起,只能买屎片顶替。

不好意思,路过来搞搞烂gag.

魔術師 said...

我都睇唔明。

C.M. said...

Selina & Magician:

源於理大民主牆。

民主牆本來係自由發聲既空間,但當連大學生都以可以造成惡意傷害既方法去使用呢個民主牆,就實在太過分。

Space & Laulong & Desertfox:

真係扯火。如果咁樣踩低人,以為學人階級/人等/出生地鬥爭,可以幫到弱勢既話,呢個世界唔洗講道理,打仗就得啦。如果係純粹發洩,唔該適可而止,唔係細路呀。

the inner space said...

Side kick

理大做了場重慶「唱讀講傳」活動的文藝表演!

C.M. said...

紅歌兩個字其實令我幾唔自在,之不過google完呢個唱讀講傳,又好似幾有趣喎。之前我睇過CD版劉三姐,查實好愉快。