Sunday, September 14, 2014

越對前景悲觀,就越反抗現實

響紙扎工廠新職做左一段日子嘞,蠢仔如我,雖然技術上仲有好多改善空間,但總算掌握到一d 獨特竅門。不過公司唔係咁諗。

我明既,向來唔係一個識得同人表達,繼而爭取既人,只係一廂情願期望公司會開眼,睇到自己既實際貢獻。唉,做人治做到咁白痴,唔怪得自己一直咁兜踎。

上年老闆同我講,人人都話我勤力,係一個優點。我蠢,唔識反駁。我攰,無心情同佢理論。做左咁耐都只睇到我夠勤力,坦白講,即係我做唔出成績俾你睇啦。OK,我明,咁唔好預我繼續幫你,後會有期啦。

雖則最後呢兩句,我未講開口。我只係話,若果我既工作量都係維持咁既水平既話,你唔好期望我能夠改善到我既表現。

我個人好易氹既遮,你講一句好聽既說話,我同你免費做一年都得。但家下咁既情況,係我再冇心情同你打工。唔似我性格,我竟然覺得唔甘心。事緣最近終於有機會睇番人地點樣話我勤力。

查實勤力根本唔係同事接受(先唔講叫欣賞)我既重點。每個同事對我都有個評價,但偏偏老闆睇唔到,不論刻意定無心,我有小小著燈。

對於前途,縱使我仲要開飯,但我對錢唔係咁著緊(...正白痴),我反而著重自己既滿足感 -- 呢個滿足感決定左我既能力去到邊,間接決定我既市場價值。而老闆如果你繼續咁睇我,我一係同你講你查實應該要點點點睇我先啱,一係,我以行動證明你睇我唔同意你既觀點。

後者,係蠢而缺乏勇氣既一步,而我,亦以呢一步為我傾向採用既一步。雖則我真係唔捨得我班同事。只係,機會來臨,唔係俾我,而係俾老闆 -- 我同人治部講左我好討厭老闆對於我勤力既睇法。中間發生咩唔講落去嘞,最後係老闆既開明令我動容,佢可以呢個高位,呢個attribute 絕對有關。唔理佢真開明定假惺惺,我信佢係前者。而起碼,佢採取左少少行動去打消左我它去既念頭,暫時。

工廠裏面,我只係希望盡本分,所得成績雖未話可以歸某一個人功勞,但全體功勞真係有目共睹,不能否定。勤力又好,努力又好,工廠冇合理回報,冇合理回應,響我字典,就係唔認同你。商業社會,你唔認同我,唔係留低爭取公司認同(以加人工作為商業社會所為認同既標準),就係離開去爭取其他公司認同。嗯... 我呢個諗法,應該唔會好偏激哦可~~

*********************

呢段日子我好懊惱,以前日日blog,家陣bi-annual 一獲。Miss左好多野。唔去判斷係咪大是大非,只係如果要過得人,就一定要過得自己,冇勇氣爭取,但又冇能力離開,咁要點揀?我既情況,咪硬食囉。

我算好彩,老闆開明,唔洗硬食,否則日日做到冇停手,又要自稱奴才前奴才後。

但對唔住,我對另一個現實就真係好反感,反感既唔係做奴才,如果你係康熙,我做奴才心甘情願。不過人地唔係呢,仲要當正你係奴才咁洗,講曬大話之餘,仲話你唔務實唔理性。你仆街啦。

我反抗現實。

*********************

又,唔通CK 嫌棄我(地)?所以落閘封鋪?

13 comments:

the inner space (from my tablet) said...

仔女細 老婆嫩 都去紙紮 又唔肯接受现實
人地十八廿二話罷課 老思俺 難道學罷工

家陣 bi-annual 扑一扑 好在還知道存在主議

take care

C.M. said...

我可以罷工,仲有能力轉工。但好多人冇能力離開香港。

xiao zhu said...

想知道除咗鬧仆街,你仲會點樣反抗現實法呀?教吓我吖。

the inner space (from my tablet) said...

有無能力離開香港?


非不能也 乃不為也

更有些人

非不為也 乃不行也

C.M. said...

小豬:

我未知點反抗最有效呀。有效者,對己亦對事。對己最有效,係先鬧左仆街先,然後唔夠再鬧或者escalate做其它野。始終工作太困身,根本冇時間思考究竟咩選擇對自己最好。

至於對事有效,則多管齊下。樣樣都做,樣樣做小小。我做唔到大事,都可以做小事,輕則了解他人,繼而影響他人,再可呢樣果樣。


心扉:

其他人既不能、不為、不行,自有佢地既背景同考慮。我只能盡量理解。

the inner space said...

閣下
仔女細 老婆嫩
最應該 攪移民
給他們 新路向

愚弟
孤單一人 接受现實
寧願無票 原地踏步

the inner space said...

有澳美加護照早去早著!

C.M. said...

唉,唔知係咪命中注定要同人鬥,仲下下要鬥長命?

有志氣,就自己搵路向,唔洗人地俾。

Anonymous said...

我都就死。

工作上又好,香港又好,我地呢班唯有保留實力,期望有一日世界大仆街既時候,佢地始㚵要一班有能力既人出泥做嘢,到時就係我地發揮既時候(望係咁望)

xiao zhu said...

哈哈,世界大仆街,呢個好!我中意!

the inner space said...

哈哈哈 等緊睇 拜仁vs曼城



唉 小男人冇志氣啊
唔會望有得畀咩
而只望我唔使倒轉要畀凸出黎
連小小養老金都冇埋
臨老要靠綜援甘折墯遮


世界大仆街都未輪到搵香港人喇 。。。
疵心妄想 係咪?

Anonymous said...

>世界大仆街都未輪到搵香港人喇

唔係香唔香港人既問題,係我地「自己」既問題

你去買嘢,都會揾個買開,信得過既sales

做嘢亦然,做得咁耐,自有其reputation;機會只會俾啲準備好既人

其實我地唔駛太過妄自菲薄,香港人呢個品牌,都仲係有啲價值既...至於第二時個價值仲係咪响度,就係睇吓我地點樣繼續做喇...

C.M. said...

心扉:

冇自由,真香港人就真仆街勒。


米:

如果個價值值得推廣,就應該推廣。除非,我地淨係想靠價值「差異」黎令自己得益。