Thursday, January 11, 2007

不談人事,只談女事

小女近日小病初愈,一家連日勞累,至今方能隨心而行。而今日小弟希望談談小女。

小女至今未足周歲,在父母眼中,絕對是世界小姐級可人兒。現在喜歡在家中到處摸索,爬上爬落,經常抓起地上軟墊的一角以一嘗其真味。沒有特別為她買什麼啟發性玩具,對她而言,凡是觸手可及、垂手可得之物,皆可列入其玩具清單之中。(其中之前阿gees 為她選的一個史迪仔咕o臣已經被她棄之如敝履,可惜可惜。)

但碰巧於新年前,小女可能因為出牙的關係,發燒、肚瀉、吃什麼都嘔出來,以致要入院吊吊鹽水補充水分。小弟小妹當然困苦莫名,小弟雖然擔心,但都知道小兒肚瀉,只要補充水分,一般沒有什麼大不了。然則小妹不盡同意,甚表懷疑。

小妹覺得,小女不能吃,又肚瀉(輕則一天5次,最高紀錄8次),吸收不到營養,又會喪失養分,所以應止瀉為上。

小弟則認為,只要補充到水分,就讓小女辛苦一點,讓她自由排毒,好處有三:

  1. 減下磅。小女越來越重,小弟每次抱起她久了都手軟;(每次提出此論點都被籐條侍候)
  2. 排下毒。讓腸胃中的細菌自行調節,清理廢物。身體廢物減少,益菌增多,將來吸收可能更好。(有D大人都強逼自己排毒啦,便秘另計)
  3. 應下景。新年新開始,廢o既唔去,好o既唔o黎。(一家人就如此這般一起慶祝新年來臨)
可幸,醫生亦沒有開了一些抗生素葯給她殺殺菌.... 終於抗戰十日,事過境遷。

今晚準備回家,想起可以再次見到小女沉魚落雁的笑容,只好說:今晚不談政事、只談風月。請請!

11 comments:

Anonymous said...

幾驚你係啲咩車輪功既人,你個女病左都深信無為而治添。好彩睇到後尾都見倒你有帶佢睇醫生。見倒佢笑返就好囉,加埋啲甩啲唔甩啲既牙,哈哈,一定好得意。

K said...

想講的是:

1. 抗生素好似好好, 但係愈來愈多個案是醫生係唔係都開抗生素, 當有隻超級病菌入侵人類而又未有藥物醫治時, 多多抗生素都無用。

2. 飲水是一個好方法, 不過BB都會餓的時候, 待情況好轉, 可以嘗試煲粥水俾BB吃, 但不建議吃BB Food----因為大多數勁甜。

祝您的小女兒早日康復!

Anonymous said...

我有個朋友個女又是就足一歲,真是天使一樣,可愛到不得了.

其實,可以考慮買個小玩具琴同電子書比佢.如果個小朋友鍾意音樂同睇書,咁就非常好啦.

鐵鎚大哥,未夠一歳應該未出牙掛.

Anonymous said...

cm
嘻嘻,小B女定必係靚女一名,有冇諗過要佢讀女校..以防太多狂風浪蝶.. =P

我搵到HR工了,這些日子都in了好幾間公司,發現原來hr部門通常人數不多,workload甚大.但奇怪的是..是否因為hr要擔當promote公司的角色,所以很小會harsh interviewee呢. 因為in了幾間的阿姐大多都很nice.很好彩我有2個offer,2間都是in了一次(連written 和typing test...我想由於人手少,所以簡化了2次的interview為一次以節省workload)..

第一個給我offer的公司.. title是hr & admin. assistant, 而另一間(算是sizeable的公司)則因為我的經驗不夠,故由hra被降為hr clerk. 但是我選了後者,因為是一個c&b和計payroll的部門.. 好像多點東西學和c&b的market value高點 (看留言版得知的).其實起初都擔心過如果個title是clerk,會否對轉工或前途不太好的..

星期一返工了.. 但是有點驚..因為從小便是一名數學pak che @ excel 初階也,(小時候己很想drop了這科)誰不知致今依然如影隨形..唯有與之駁"dull"..衝呀 ~~~ 但真的擔心會應付不來..

不過.. 我發現了一件事,原來記都是一個受人尊重的行業..因為我也當個part time記者(濫竽充數和呃飯食也..嘿嘿).. 我懷疑可能因為咁..所以d interviewer都對我好nice (怕我做返記者時會寫衰其公司乎? xp) anyways..可以搵到hr工,我真的覺得記者經驗助了我一大把..

Anonymous said...

CM 兄, 多謝到訪及支持!

If really O9, I am still proud of it!

祝您的小女兒早日康復!

C.M. said...

鐵鎚兄:

乜我又講無為而治咩?唔係fa... 小第一向對於急病都會有為D,搵西醫。小女嘛,佢D牙仔出D唔出D,不只得意,簡直萬人迷!

小思:

咁o岩個西醫都有叫小弟開粥水/米水比小女飲,話對個肚仔好D,唔知依家D西醫係米要識少少傳統醫學o既呢?我屋企重有好多BB food存倉,自己都試過,但係嫌唔夠甜,要加D糖先食倒。唔會係我味覺有問題卦...

香水姐姐:

小女有如仙女下凡(大個會否變頂心杉則後話),出街比人撩到飛起,重話:“嘩,好靚仔播!”

至於鋼琴仔嘛,小弟朋友都送了一部,但有次小女好開心o既時候,突然“喵”一聲,即時嚇到喊左出黎。都係大個D,先再比佢玩。其實都出牙啦,如果唔係都唔會肚瀉啦。佢7個幾月大已經出牙仔啦!依家重周不時咬到我鬼死咁痛。

gees:

無錯!一定要讀女校,但D街坊成日話我個女“靚仔”,又擔心個女會....

至於你份HR工,恭喜你!C&B係一個好開始,概因小弟也是自C&B出身的。至於你前身為記者,就算我請人,都會考慮,不只因為受尊重外(娛樂版另計),而且其日常工作與HR將要面對的工作相似。

O9兄:

多謝。小女已經康復(唔知下次幾時又病過...),有心有心。你份工好似幾有挑戰性,好似好好玩咁。日後請多多指教小弟。

Anonymous said...

cm

hee咁又唔洗擔心wor~因為通常靚女都係會鐘意男仔的放心放心..同讀女校的,往往只係出於好奇心才會....我以前有個補習學生也是這樣..讀女校但是很多女仔追..hmm但是心知她只是好奇心才這樣..

嘿嘿..我也很想當娛記,起碼有機會見到吳彥祖先(渣古兄乎?)..其實只是公仔箱裡一些business programme的呃飯食part time仔記者而已..

而且其日常工作與HR將要面對的工作相似>> 為什麼呢.. 不過,我發現很多hr interview也要做written test..真慘..本人手字又撩過打風..OooOoo~

我去in時..他們也考了我..寫一些請人的proposal..和用excel計payroll..但不識用公式計..只懂數手指 =p 公司說會用兩個sysyem計糧..所以要計兩次呢..但我問我的朋友..她於某大公司當c&b的..她說她公司只是用hrsi計一次便行(好像說是核數sth..)

阿姐話我地會分唔同舖..各自負責計唔同舖的糧..她說以前試過幾日內個turnover rate是百多幾人.. 而高層政策又常變以緊貼巿場.. 所以可能先前做好的report..一聲令下便要從頭做過.. 所以想進修也有點難..尤其以我這些慢吞吞的人..一定變ot王..>0<~

wuu~~~ 原來你是c&b出身的.我知道這可說是最辛苦的一個core department..我也想學些深小小先的..辛苦也不怕..

Anonymous said...

cm
依家為人父母真的不易.我聽以前個補習學生講,佢有個同學仔,父母自小便逼/陪她晚看英文書.到她中一,二時已可獨自1,2個week便看完lord of the ring(雖然我也有點懷疑=p..)

英文真是很重要..又聽說她學校有個師姐偷東西而被起訴..但因為個學生用英文替自己寫求情信..個法官睇完後..因為覺得個學生英文很好..又有悔意..不想阻她前途.. 所以從輕發落..沒有留她案低or入獄sth..

C.M. said...

gees:

Sorry,其實也不算什麼出身,應該說“起步”吧。C&B除了留意計算是否準確外,更要留意計算方法,是否合法及符合公司政策。

除非該公司有其他附屬公司,多數只會採用一個HRS,Excel則為協助。若用兩個HRS,原因很多,亦不算罕有,不過會比只用一個HRS多出一個計錯數的風險,而且花費多一點時間。若你用熟了,問題應該不會太大。(而且,Excel對HR作用很大,要比心機學)

至於“高層政策又常變以緊貼巿場”,這樣雖然好像做了不少多餘的Report,但gees你年輕力壯,又肯付出,將來必定無可限量。努力!

個人覺得為何記者能幫助投身HR,原因主要是記者不畏強權,敢言而且勇往直前的性格乃不少HR functions所須具備的條件。

至於小女嘛,一樣都望女成鳳,依家已經傳授兩文三語,但又怕o力得滯會嫁唔出,靚得滯會比人扼,為人父母有時都幾多煩惱。

Tommy said...

以下不是醫學意見...

N 年前睇一本醫書講過 (其實係醫生寫的散文...同醫學無甚關係)﹐好多人都會遇到肚痾的時候就 aim at 第一時間止痾。

但醫生話 (唔記得邊個, 好多醫生都出書)﹐其實好多都係過濾性病毒﹐咁呢隻過濾性病毒呢﹐其實係要靠痾...不停咁痾﹐先能夠排清。基本上只能咁樣先能夠清得到。

所以同你第一個 point 話「由得佢痾」不謀而合。

但當然都要補充營養 & water 啦

我果時中招都係咁

全日就係不停咁痾﹐又不停咁補充水 & 食物....雖然明知唔知幾耐又會痾

但 BB 的 case 係點就唔知....

C.M. said...

Tommy:

首先多謝來訪和對小女的關心!

你話:
>>我果時中招都係咁...

咁你當時有冇睇醫生?醫生又有冇開止痾葯比你?依家應該無事下...

BB嘛,如果你有日當上爸爸,若是出牙仔,BB肚痾是很正常的,不過也是如醫生和你說講,補充水分會特別重要。小弟有媽媽同事說,她的BB曾經痾足一個月(嚇死我...),所以到時放鬆d,唔洗擔心!

祝你身體健康之餘,早生貴子/女!