Thursday, January 18, 2007

年關難過

每逢新曆年和農曆年之間,CM都感受到身邊部分打工朋友的喜悅,究其原因,應該依次為:

1. 出雙糧,派Bonus
2. 又是時機擇木而棲
3. 長假期可以暢遊歐美日

小弟任職的公司亦不例外,惟人事/行政/會計部則忙至不可開交(例如他們要籌備Annual Dinner,計算年度/年初Annual Leave Entitlement,埋數等。也知道部分行家公司的營業/船務部等則因為走貨趕貨,做到要死。)

但無論如何,老闆們總不免會發現有人軍心極其散渙、有人操勞致死、更心煩的是,有人選擇唔撈。

尤其今年香港再現轉工牛市,小弟公司同樣不能幸免:良心未泯的,等你請到人先走;均均真真的,一個月通知(呢個“均真”真係好唔均真);殺個措手不及的,即辭即走。此刻流失率幾近20%,對於如此人來人往,CM上司已經睇得好化,常嘆“分批走都OK,但千祁唔好一次過。”

可是,小弟工作猶如紙紥,人手工序多而繁複,非常niche,所以每位新入行的初哥,見如此Prospect大多早早轉工去也。為應對此環境,小弟公司選擇走以下路線:

1. 超好 Benefits

小弟公司人工幾近偏低,但福利非常的好,年假、有薪病假、額外強積金供款、In/Out-Patient、Allowance、5-day week、Bonus等等幾乎應有盡有(唯獨冇OT Pay)。因此,公司亦累積了一群與公司同生死共富貴的老臣子。但不知何解,老臣子沒有如外界想像一樣恃老賣老,反而合作無間,而且善待新人。小CM曾深究其因,但似乎其方法不適用於一般公司,恕暫此不表。

2. 係Benefits System 上做手腳

十二月底出雙糧,六月出Bonus和年度調整(加人工是也),4月和10月公佈升職,4月做Appraisal,10月員工可以選擇Cash out 上個Fiscal Year 既Remaining Annual Leave (FY end為6月底)。似乎目的是混淆視聽,減少一窩蜂離職的風險。

3. 入得快,出得慢

請人快:人事部初試完,即日交給部門複試,好既話,隔一日就Confirm Employment(唔多OK既當然拖一陣先啦),人若果多左,到時再慢慢篩。(呢招小CM真係唔敢用)甚至早於未有人辭職前,出定報紙請人(呢招早已被人識穿,保密工作真差!)。

遲D走:打友情牌又好,打金錢牌又好, 盡量拖延正準備走的人,以利新人交接(尤其適用於過年前特別忙的部門,就算新人上左手,有人分擔工作都好。)

4. 提供軟性福利(其實軟硬兼施)

例如彈性上班時間(小CM遲到當食生菜,只係冇早退),任你上網/MSN,但經常強調自律,最重要完成手頭工作,否則唔該醒水加班。又經常強調絕對不能得失客戶,若有客戶需要你9:00正Stand-by,又要唔該你準時返工。Annual Dinner抽獎會抽到“Bonus Leave”,雖然唔可以cash out,但完全可以當Annual Leave 咁洗(派Cash Bonus時又有派Bonus Leave),Annual Leave 多到可以一年去歐洲兩三次。 不過基於一句“客戶要求”,通常好難自行選擇放假日子和收工時間。


此際,又有行家來電分享其公司的情況,佢想知道佢地間廠點樣可以過年後,仍然旺丁呢?問小弟有冇計?呢個問題,小弟冇掂大陸廠一段時間,百感交集,真係唔敢出聲,惟有不置可否,隨便攞住自己公司個現成例子頂住檔。恕小CM無能為力矣。(Karen妹,On-dog兄,有計乎?)

26 comments:

Gideon said...

CM 兄,試問點先可以 send 我份 resume 俾你?

gees said...

cm
我依家學完一D recruitment既野, 開始學計糧.. 今日計final payment.. 真係唔知自己做緊d乜咁.. 我同事話..原來個個初初都係咁.. 又係做得好慢..d野又勁亂咁.. 唉.. 好辛苦ah... 我今日d final payment都未計晒哩.. 聽日又要學計糧同bonus等.. 十幾間舖都唔知點計了.. 有幾個sec又成日port錯左d time sheet.. 之前我同事同我呻.. 而家到我經歷返d個階段la~ 我同事話.. 原來個個初初入尼都係咁的... hmmm

On-Dog said...

CM兄, 小弟都唔係好多計, 不過呢樣野, 來來去去都係一樣野, $$$!

小弟見兄台間公司既情況, 初初仲以為係BIG,不過睇睇下知應該唔係...

Gideon said...

我反而覺得應該都唔細喎,應該都有 20-30 人。因為太細,唔會有福利同 HR ,太大呢,又唔會俾咁大自由俾啲員工。啲福利真係見倒都流口水啦, annual Leave 多到可以一年去歐洲兩三次﹗我得個十日,唉。

小丙 said...

真係好多人轉工?我在銀行負責批中小企貸款,反而覺得今年比上年臨過年前的環境更差 :

- 客戶們,不論那個行業,都在呻被其他客拖數的情況較上年嚴重

- 部分客戶眼巴巴看見人民幣升值但苦無對沖渠道

- 內地對勞工的保障和落實最低工資的執行竟比香港認真

- 不少廠家要額外花錢搞環保

- 很多中小企交來的帳目,已審核的,雖表面上盈利有所提升,但扣去一些非經常收入和金融資產、物業帳面升值後,過半的本業經營現金流入一年比一年差

- 每年這時候 SCMP 的招聘版頁數都較之前幾個月顯著減少。這本是每年近年尾的正常季節性現象,但今年這縮水現象較對上幾年特別顯著

- HSBC 後,恆生和其他銀行也快公佈它們的後勤裁員肥雞餐

- 留意今年本地銀行的吊壞帳撥備公佈吧,這個數據才較能反映香港的經濟真象

ak said...

AK呢d企業僱傭兵...對今年農曆年之後轉會市場真係有d期望架...畢竟,魚唔過塘唔肥...

講真,留定走好睇一樣野,叫做「前景」,就好似買股票一樣,你係基於間公司現有既表現,去project佢既未來發展...如果員工覺得自己既未來同公司既未來係唔in-sync既,咁就會好易出事...依一刻就係果d benefit加入計算既時刻...但係AK覺得,依一d都只可以有輕微影響...

Karen (Sze) said...

Karen妹報到!

睇完您個post, 真係爆一句話"妖!咁正o架!" (sorry!我平時唔會咁講o野, 好大原因係間機構無您以上的benefit, 恨死Karen妹之餘, 又呢期勁多deadline要趕, 所以......)

唔介意先回應一些朋友仔的意見:

gees: 宜家先至係開始咋!仲有d"正o野"等緊您! 呢d事少(其實俾個deadline要佢地幾時交俾您check, 仲講明唔俾時間我check的話, 任何錯誤與我無關), 個個月趕在月中deadline把計好的payment交俾payroll事大, 又要check又要計好有壓力o架! 都係遲d有時間再話您知。

小丙: 90%絕對同意今年比上年臨過年前的環境更差, 其實都唔止您所講的情況:-
1. 唔止classified post, 大部份recruit的websites和刊物都有呢種情形, 但係都話"唔係"。
2. Karen在06年年尾收少o左好多由suppliers所送的月曆。
3. 除了bank, 裁員肥雞餐可能在電訊行業和大機構的office support部門出現。
4. 仲陸續有d公司會捱不住新年便結業, 保安中心, 名古屋和金龍船餅屋就是好例子。
5. Karen呢期要搵好多client做negotiation (包括price方面), 但失敗例子唔少。

至於CM的問題, 時間關係, 待續。

C.M. said...

呼,今日真係忙到抽筋....不過等陣重要番去做埋D手尾。

鐵鎚兄:

好消息,我地人事部o岩o岩搬左上70/F,不如你先留低個聯絡電話,然後我叫人事部聯絡你,OK?

On-dog兄/鐵鎚兄:

其實我地當然係細公司啦,你地又點睇得出既呢?

不過咁,假如,我係話假如...假如淨係我地個紙紮部門都有20人,咁世間上又會唔會可能有咁既公司?

另外鐵鎚兄:你係米番朝九晚五架?雪柜D汽水係米任攞唔洗錢架?咁又有冇藍山咖啡unlimited refill呢?

(抖下先...)

C.M. said...

(o岩o岩飲完可樂再o黎過)

To: 小丙哥

小弟只是管中窺豹,原來查實出面風大雨大,世間如此險惡,小弟惟有重新部署今年內出走的計劃。

坦白説,你(和Karen)講得對,其實上年比今年出走氣氛的確更加熱烈。小弟公司今年之所以有如此境況,可能因為部分同事於06年股市有所斬獲,所以諗住出去博一博。

如果你所説的情況持續(即中小企生意越來越受壓力),咁加上小弟所看見的流失情況,做老闆即就真係百上加斤了。(不過既然你做貸款,利息收順d可以嘛?)

Re:部分客戶眼巴巴看見人民幣升值但苦無對沖渠道
>> 小弟於06年需經常奔走國內,感覺人民幣約略升值了至少5%(重未計07年既升幅),D小廠家真係淒涼... 小丙哥,你有冇D提示,可以做下人民幣對沖?

Re:內地對勞工的保障和落實最低工資的執行竟比香港認真
>> 呢傢野,國情也。因香港制度、文化和內地不同,以個人立場來説,並不同意最低工資制度於香港實行,但必須有適當的勞工保障(個人尤其建議應勵平等就業機會)。

Re:不少廠家要額外花錢搞環保
>> 呢個錢對於部分廠家真係天文數字,最近你有冇留意到廣東省依家因為環保,"鼓勵"廠家轉型高科技。小弟心諗就算你比埋錢我轉型,我D客邊到搵呀?之前辛辛苦苦建立既Client Base,又要一野delete曬囉播個D?我d員工又要炒曬佢,然後請個班新囉播?諗起都扯火!

Re:每年這時候 SCMP 的招聘版頁數都較之前幾個月顯著減少。
>> 小丙兄都有留意招聘版?難道.... 不過觀察力值得小弟學習!多謝。

C.M. said...

(又再飲完一包檸檬茶...)

ak兄:

似乎你都同小弟一樣,看重前景多過benefits,但紙紮公司之所以用咁多benefits,目的就是留住一班"唔係"我同你咁既人。

其實從策略來説,紙紮公司似乎是成功的,因為佢用福利來維繫住一班"Core Members",所以就算外面幾大風,仍然都會有班忠實擁躉。至少令到間公司可以撐到外面停左風。其實紙紮公司都cut 過人,依家生意米重好過以前?

gees:

從你所言,你公司C&B既最基本,應該是工卡/Timesheet(似乎重未自動化/電腦化)。

對Punch Card/Timesheet,小弟認為最重要是專注,沒有不二法門。所以核對的時候,盡量不能有人騷擾,例如夜晚或大清早。

咁快就教你/叫你計Final Payment,其實個人來説,絕不會這樣做。請你不要介意,原因(1)你是新人,未曾接觸過勞工法例,計錯會好麻煩,check o個個都煩;(2)你是新人,計Final Payment涉及人工同個人資料,例如Contract,一般小弟不會在未清楚了解新人為人前,絕不會咁快交比佢。不過,既然你有此機會,拿拿聲攞起定本勞工法例同埋公司手冊(之類)放係你身邊,重要日日攞黎睇。咁先至明白自己做緊D乜。

至於計糧(估計即是計Payroll),請恕小弟覺得匪夷所思,理由同上。

而佢地咁快教你Recruitment.... 小弟實在不明所以,請gees妹指教。

(出去攞多包維他奶...)

C.M. said...

Karen妹:

你終於出現啦,要記得世間上仍然有人跟你一樣如此經歷過。頭先剛剛經過"X童吧",見到ak兄一個人飲悶酒(好似係Johnny Walker),你得閑可以搵佢傾計,睇下戲,佢應該係好人黎架;不過我冇打擾佢,因為要見你嘛。

其實當狼減少的時候,兔子自然增多;大公司摺左,中型公司會升格做大公司;而細公司又會變做中型公司;而且又會有人創業。所以小弟最鼓勵的還是:創業!!

關於錯事,有位良師曾經同小弟講過:你之所以唔夠經驗,因為你錯得少!所以錯嘛,理得佢丫!

C.M. said...

鐵鎚兄:題外話,20-30人都唔算細公司?!IT個行咋話...

馬沙 said...

c.m. & Karen,

我頭先經過"棉登徑「中童吧」",都見到ak兄一個人飲悶酒,一路睇孔少林本「原是物語 單身大長今」.

打了個招呼,推介了一杯我最愛的Southern Comfort 加冰俾佢.

CK said...

講開年關,諗起都心寒。

最近CK都籌備緊同伙計傾加人工,希個呢個年關唔好咁傷啦。

呢d時候既人手流失,我覺得某程度上係羊群心理,總之一有人走,就總會有人跟,對於呢樣野,cm兄、Karen你地有冇計?

ak said...

C.M.兄:
的確係...AK玩股票(又或者係俾股票玩)既基本理由係買貨係買佢前景,博佢股價升,而唔係靠派息度日...

Benefit絕對可以影響到一d人既轉工決定,但係通常會係果一批「上左位」,「等咬糧」既人士...由於AK仲未上位,所以通常會搏命d...

gees said...

cm
係ah.. 短短d幾日已經要學好多野了. final payment>> 其實一收到就要出reference letter..跟住就hadle好佢既 data同p file.. 睇下d離職文件,交還公司物件的list齊唔齊..唔齊就逐項item charge..(有d item扣完要幫員工skip mpf..) 跟住就按唔同既情況根據勞功法例作出唔同既做法.. sale數既法例又唔同計法(例如過同唔過probation都有唔同既計法..(有個女仔教..) 大慨都計同睇返佢 en 唔entitle有al..例如做唔夠一個月就會睇下佢有冇放多左假(例如當以7日有1日rest day尼計)lor多左會advanced leave level deduct..再睇npl等等.. 洗唔洗back pay.. 根住就將d數據入system和excel計..返d final payment同mpf出尼 再print返report出尼.. closed file.. 阿姐會幫我地check數..

其實timesheet係.. 唔同舖都會有人mark晒員工d打咭數..再port上尼我地到.. 我地唔同人會負責唔同舖.. 太慨十幾間倒la..所以要學recruitment d野..睇下合唔合資格.. 出唔同既信..contract..跟簽約同整証(不過唔係學出廣告同in人..) 跟佢地既leave apply.. medical claim.. annual incrument等等..

今日先計完佢地既ot數.. 入晒佢地既cl同ot pay.. bonus..double pay既數..其實都係system計.. 我地要分同入好數據..

gees said...

今日先計完admin grade員工既medical claim, 加薪, 同ot pay, compensation claim既數 (好彩我果十幾間舖好少mc咋.... (其實都係system計.. haa)計好晒時.. 竟然俾我發現有張medical claim夾左係time sheet到~ shit.. 其實係好多野做.. 所以.. 我地hr dep有好多人quit..

聽日要計埋sale既數..

gees said...

勞功法例.. 其實我讀書時都有take過一科hrm既..都有考employment ordiance.. 所以果時都有lor住本eo尼讀(因為要exam).. haa

我仲有好多信都未出..有d因為員工無續版所以demotion.. d信都未出.. 追舖既sec.又未reply..

我前排成日都好夜先訓..而家要返返工.. 好似有time lag咁.. 成日都好眼訓.. 集中唔到精神.. d野聽唔入耳咁..都唔知自己做乜 ><

我計岩左一d final payment.. 但係就唔知自己做緊d乜.. 個女仔都o咀問我係點砌份野出尼..仲要計得岩.. haa不過依家做多一兩次好d了.. 自己做緊d乜..

gees said...

不過..前日第二間公司.. 係金融銀行界來的.. 叫我去sec in hr.. 本來話今日叫我去in.. 但係因為依家做緊果間要趕計糧(就咁走左去好衰咁..) 所以推左去星期一先in.. 個interviewer唔鐘意都無法.. 但係我係度諗如果.. 真係有offer.. 我做邊到好呢.. 依家d間都幾多野學下.. 但係如果quit要14日前通知la.. 而金融銀行個間唔知有冇咁多野學.. 同咁肯教你野.. 但係我一直都想入金融銀行做hr la...

C.M. said...

gees:

原來gees妹你已非初哥,小弟一直誤會了,失禮曬。你現有的工作並非一個小弟之前想象的初級HR,幾乎是一個Officer了(某些大公司則為 Assistant Officer)。要好好把握機會,因為你現在所涉獵的工作層面,有時連一般大公司HR都沒有接觸過。

金融機構、服務/零售機構以及製造業的HR雖然在本質上差不多,但關注的焦點完全不一樣,所需的人才亦不一樣。雖然金融機構的薪酬相對比較高,但最終要視乎自己的性格和興趣。(個人經驗認為,可能因為金融機構的制度發展成熟,所以見識過的 HR的焦點都比較狹窄,要領會和發揮全面的人力資源管理,比較....。)而你的口才似乎不錯,去那裏都沒問題。

現在的上司既然肯用心教你,你要好好學習啊。

C.M. said...

ak兄:

觀乎閣下的思考方式,相信上位指日可待。到時記得告訴小弟!話你之,小弟都唔鍾意齋逗息,不過有時息高,會令小弟唔想放。(依家做左老豆,都有D懶...)

馬沙兄:

Southern Comfort係米酒黎架?唔好比ak飲咁多啦,等我代佢飲啦,反正我醉左都有人送番屋企。

C.M. said...

CK兄:

你咁問小弟,搞到小弟都經常戰戰兢兢,腳震震。

查實對於羊群心理,小弟當然同意有此情況,而且都幾普遍,不過,小弟來來去去只有一道板斧:Core members。

於小弟來說 Core members一般可以是:主要管理者、Emotional Leaders、關鍵技術人員等。

講到整體,個人精力只可集中於 Core Members(魄力冇CK兄咁好嘛...)。而你既情況真係需要咁擔心羊群心理既話,你就更要集中精力於Emotional Leaders。只要 Emotional Leaders 唔走,其他大部分既羊都唔會走,就算一兩隻走左,大部分都仍然留低。當然,麻煩在 Emotional Leaders有時候不只是一個人。

其他既野唔擔心得咁多,因為已經做曬。正如火鶴兄話齋,若果CK個真身完全係另一回事既話,點做都嘥氣啦。所以話,CK兄,放鬆d(唔好掛一漏萬...)。

唔知小弟既建議幫唔幫到CK兄你呢?

C.M. said...

(嘩!淨係自己d comment都差不多十個,真係口水多過浪)

To:CK兄

補充一問:其實你覺不覺得如果雙糧同年度評核(加人工)一齊做,若果有D風吹草動既話,個流失風險會唔會大D呢?

Karen (Sze) said...

放o左兩日假, 續回cm所問的問題:

>間廠點樣可以過年後,仍然旺丁呢?有冇計?>

近呢一兩年發現有些在內地工廠的工人, 在春節之後冇再回來打工: 主因是d工人都會收o下風, 邊間廠d人工好d, 扣錢少d, 或者working hour少d(或者少d輪更), 甚至老闆無咁無良等, 可以的話就待春節之後轉工; 又或者有d打工廠工的人都會考慮轉向返番近住屋企的廠, 起碼唔駛一年兩年至見番面; 不過總的來說, 人多未必好辦事, 要留住伙計最基本的條件係給予合理, 公平的工作環境。然而, 真正做到的廠商(尤其是港, 台廠商)真係寥寥可數。淨係識得如何搾取員工的分毫, 處處刻薄, 員工遲早都會流失很快, 公司就請極都唔到員工回來。

還有一個頗敏感的問題: 員工的素質都是工廠所面對的難題。

好啦, 想講下其他o野:-

1. cm間公司turnover rate似乎同ck的情況相類似, 20%於中小企而言是alert, 另所指" 工作猶如紙紥,人手工序多而繁複"或者可否用email俾我知道呢? 或者大家可以研究一下(但請耐心等我回覆)。不過講番轉頭, 若然我的機構有您咁好benefit, 做十年八年都唔錯哩!

2. 小妹唔明點解cm同馬沙會向我提起ak兄呢,我都有睇ak兄的blog, 講的topic多是電影(亦有其他), 見其獨特之觀點, 但不太瞭解, 馬沙兄既然見過ak, 可否簡單介紹一下?請問他是從事甚麼工作呢? (ak答我都可以, 我不介意識多個筆友)

ak said...

Karen姐,

AK既工作主要係負責隱惡揚善,同佢既主要服務對像既隱善揚惡正好相反...

總之都係對人歡笑,背人垂淚既工啦...

C.M. said...

Karen:

1. 嘗試想象紙紮是什麼工作,是否落伍、式微?縱使有超級無敵Benefits,但年輕的你會否選擇紙紮公司?

2. 當小弟用自己的天平稱一稱AK兄時,不期然會衷心祝願他。也衷心祝願你。

C.M.