Tuesday, March 20, 2007

清清腸胃

近日工作太忙,Intellectual input 太多太多,有如一次過啃下一煲九大簋。無法集中處理筆記。所以要清清。E & OE。

晚間新聞
今晚報道說有學童上落保姆車,因書包帶被車門夾住,致令小童受傷。好彩。

沒有同情心的自言自語:難道今晚血流成河才要報道?

孔少林與尹思哲
久已傳聞孔尹乃同一人,言之鑿鑿。不過,應該不會。

兩個風格完全不同,但同時句句鏗鏘。喂,依家一個打兩個播...

我們都是原復生
絕對集體創作!你們也是 CM。

個人人生經歷其實也是身邊人的人生經歷。

張五常教孩子
經濟學而言,張五常堪稱教授中的教授。相信佢應該出身管理學派。

似乎教孩子如管理下屬,難怪很多掛名上司都不願教自己的孩子。

Blog Widow
小妹快帶著小女離家出走。今晚逼住要急急收檔。

“你年紀不少,一千字要四個鐘,何苦如此抄低 d筆記呢?”(都話要練打字咯 )

33 comments:

Gideon said...

孔少林與尹思哲,我都覺得係唔同人,又既然思哲都話左係集體創作,又有幾多機會係同一班人?

其實我唔係好讚成集體創作,就算係,又有冇可能分返開思哲甲思哲乙咁?因為我好怕留言個陣時唔知自己同緊邊個講野,更怕回我個個人唔係我想留俾佢個個﹗

兩女離家出走咁大鑊?係咪冇俾家用?嘻

我打火星文,一千字,十五分鐘。你 D 文言文,咩言之鑿鑿,句句鏗鏘。。。一百字都要成個鐘﹗

On Dog said...

我話孔少林與尹思哲不是同一班人, 你相信嗎?

我們都是原復生/孔少林/尹思哲...呢個係真既!小9差d做左"原少哲"!

張五常...只記得佢件"夢特嬌", 因細個上佢堂時通常都好好訓!

Justin said...

其實,我曾經懷疑過,連方卓如都係佢地個集團成員之一。你見方卓如時時刻刻都話要勁過孔少林(我指係以前信報時代),俾我既感覺係,那半版紙,其實係一個集團玩曬。

C.M. said...

鐵鎚兄:

哎呀,乜真係集體創作?!小弟仲懶醒咁添!若果由一群人出文,個情況就好似d人寫信比政府一樣,到時逢親有關房屋既,咪孫公回覆籮!唔...不過令小弟覺得你有d... 缺乏安全感。你自己覺唔覺得呢?

哈,家用呢家野,小弟都好準時既(雖然有時都會借加衣扣咁d)。其實係小妹睇唔過眼,話小弟打黎打去,打字速度都未曾進步過,可能真係年紀大左。

1000字15分鐘...你實在太厲害啦(成70wpm,真係想象唔到)...而且,你d文咁白話化,點算火星文呀。又,Cheryl比左意見你之後,有冇乜野突破呀?


On兄:

喔,應該叫原少哲兄,咁你點解唔做呢?你個background general 得黎又咁 pro,唔應該收收埋埋播。

阿張教授d文,有時寫得幾“寫實”,有時又同自己幾“遠”。好彩唔洗上堂,有得揀。


Justin:

先恭喜你!啡大收左你,而你仲話過大海,似乎已經有準備出發了。

你個懷疑都幾合理,有機會不如問問信報d人先。不過,呢種近距離競爭又係唔係佢地作風呢?定係一齊出現更加相得益彰?(放埋一版,似乎比較容易消化)難得孫柏文單打獨鬥。好勇!

CK said...

cm兄:

嘩,乜講到做blog widow咁嚴重?

你快d tum返個老婆先呀…

怒火眼睛 said...

原來你打字"比較"慢丫, 咁以blog 既質同量睇,你真係好鬼有誠意同人分享你既生活同經驗喎. 多謝你先 = )

C.M. said...

CK兄:

即刻去!小女開始牙牙學語,係時候抽番d時間比佢地。雖然自己係家庭支柱,但對於知識的追求同時間運用,查實都要平衡一下。

C.M. said...

怒眼媽媽:

唔只“比較”,直頭係“非常”慢!(要快d,就copy and paste)質量呢傢野真係愧不敢當,但可能個人“屈”得太耐,所以不吐不快,應該改名叫口水爸爸。

不過,小弟係你度都學到唔少野。你曾經話生左之後收左d火,但小弟發覺自己竟然多左火。唔知係咪男女之分別?

Gideon said...

>>覺得你有d... 缺乏安全感。

因為我怕對方唔知係邊個?又唔係真係怕既,只不過對方會唔同人,又唔知有幾多人,怪怪地,同佢講野冇乜感情。

Cheryl 意見真係唔錯,不過學佢話齋,好多心理學啲吹水 terms 其實都係 common sense,真係鬼唔知呀媽係女人。不過有人認同,甚至呢啲吹水理論去 backup 自己個套價值觀,又真係會 feel better 。不過講到尾男人既自信係大部base on佢既事業/achievement,所以喺我賺倒錢事業有成之前,都幾難令人相信我係自信唔係自大。

C.M. said...

小弟絕對做唔到Cheryl個流,但可唔可以咁問:你係咪想了解自己多d?定係想人認同自己多d?

好似做Appraisal咁,你想知道自己Perform到d乜野,定係齋想老闆認同你?兩者既差異係,前者乃事實,後者乃主觀感受。雖然後者可能令自己"feel better",但就以小弟自己做例子,I feel great already, so I seek for my true self。

你話:幾難令人相信自己唔係自大。

咁又點?If you feel great and are seeking for your true self. What's more you should do?

C.M. said...

鐵鎚兄:

無論你係自大定係自信。我都信你。

七十樓危危下望 said...

CM 呀~
我欣賞你說的話!!!!!!!!!

C.M. said...

危樓姐姐:

啊!你個邊好大風呀!

Gideon said...

>>你係咪想了解自己多d?定係想人認同自己多d?

我想別人認同,但更想唔需要別人認同。

就好似打工咁,我知(了解)我自已做得野,所以我當然想老闆都覺得我做得野(認同),加我人工。

但係我更想有經濟自由,唔再需要為錢打工,咁老闆欣唔欣賞我,我都唔需要在意。

C.M. said...

鐵鎚兄:

你團火認真熾熱,有志氣!祝你早日達成夢想!

Samsara said...

CM哥哥你依排d topic我都幾難加把口,不過,我d中文打字都好慢嫁.

我諗緊係咪要乖乖地再睇一次倉頡書,再打下文咁先練到呀.

C.M. said...

香水姐姐:

乜咁客氣啊。查實小弟都係借個機會將d筆記digitize遮。唔o岩睇絕對正常。多謝拜訪就真。同埋,驗廠既野,都唔洗你地親自去搞啦,最多搞唔掂,咪炳佢一鑊儸。(你真係好彩)

查實小弟都唔識打倉頡,好深...

hongkongpotato said...

cm兄

唔好話倉頡,我連速成都唔係好識打,有時係公司,我要用我既英式普通話黎打注音架。。。

Marshmallow said...

小馬哥識打倉頡,現他打字時「拍拍聲」,都頗崇拜他(雖然,小女子何時都很崇拜他!)。小女子就太不濟,剛剛才新裝了九宮,邊寫邊想,一諞五百多字的文章也寫足兩小時,頗frustrating!

七十樓危危下望 said...

打廣東話拼音啦
好好玩架

samsara said...

CM哥哥,

我係講你依排講既湊女經,老婆而d野我插吾到口.

驗廠,係Production, QC同HR既工作,雖然如果衰左我係苦主,不過輪吾到我出聲.

之但係我以前做既公司真係跟足W記要求,改曬d Roaster同吾淮d人ot太多嫁.結果,咪多左外判囉,成本咪高左好多囉.

而家d Suppliers,我估一定有出古憾,不過吾知佢地點做既.

我好彩,係嫁,我都係依幾年先真係明白上天真係對我好好,吾只比我健康身體同ok頭腦,就算有困難災難,都真係blessings in disguise,又永遠係我行錯路既時候星我兩巴,所以一直保得住人格.

不過,如果講到我既事業,就真係同一帆風順一d都無關啦,我d咁寸既人係吾識服侍老細既.我都係近兩年先至好d,之前都真係有d一世都記得,好難捱既日子.

我無你同AK既文筆呀,不過都可以得閒寫下出來,文字療傷又好,contruct my own life story又好啦.

我係打倉頡既,不過好多字吾識打.我學打字真係超弱,想當年英文打字咁簡單我都學極吾識,之後都係因為要交一份論文功課,奮力掙扎之下,個By-product就係學識左英文打字攞.

吾得呀,我當時開blog一個好主要原因係為左練倉頡嫁嘛.而家寫到無野好寫,都仲未練成...真係要下d苦功.

said...

我打字都超水皮又慢,只識用「九方」:)

C.M. said...

(終於從内地回歸。)

薯兄:

查實小弟都係用英式普通話架(拼音嘛),係練打字之餘,仲練埋普通話。

棉花妹妹:

小弟一直聽説九宮非常好用,而且“超快”(總之快得好誇張),但自己未有親自試過,你效果覺得如何?

悠:

唔...乜九宮唔係好快既咩?

危樓姐姐:

廣東拼音真係好玩?比佢玩似d。

C.M. said...

香水姐姐:

查實湊女經都o岩你架。你只要代入你班妹妹仔就係你個女,咁就明白勒。張五常個篇野,修改少少,就可以當作新下屬既上崗指引。再做足之前教你的吸吸呼,咁就滿分勒。

>>而家d Suppliers,我估一定有出古憾,不過吾知佢地點做既.

查實唔知好過知,雖然從之前小弟既Post,你可以略知一二,但今次肯定“無知是福”。

>>之前都真係有d一世都記得,好難捱既日子.

恭喜你總算渡過了一段艱難的時刻。你之所以能夠保得住自己既人格,或多或少都因為你曾經盡力去保住,也因此有過艱難的時刻。世事往往是,辛苦過後,便是收割。

至於文筆,小弟絕無AK等之功力,以小弟哈蟆功一重天又點同AK九陽神功九重天比呀。不如你又學拼音丫,好好玩架。

坦白講,小弟學左6,7年倉頡,都係烏sir sir,真羞家。

Samsara said...

CM哥哥,

雖然我新請返來果d係妹妹仔,不過依間公司做開既有好多都大過我,所以我對佢地,真係好小心同尊重,我真係靠佢地揾食,是但有個吾高興話吾做,我都半死.

又,吾怕你見笑,我個腦既wiring真係有d野係搞吾明既.你篇不法者,我真係大既明d,要我真係明,你係要畫公仔畫出腸至得.

不過你講得岩,我之所以可以保得住到依家都吾明依d野,真係努力,堅持同付出左吾小代價既.

我昨日係咁意同人講返我d低潮,竟然喊左出來,我以為一切已經事過境遷,我又比當年好十倍,應該已經放下,結果,原來一d都無.

我會construct my life story既,總可以面對同接受自己.

又,渣老闆好耐之前有篇講倉頡,好有用嫁:
http://charcoal4.blogspot.com/2006/10/blog-post_27.html

我係睇緊本蔡劍南既24小時倉頡輸入法教程,清楚易明,我係有好多野吾記得左先吾識打.可以比多次機會倉頡既,因為練成之後,真係仲快過寫字.

C.M. said...

香水姐姐:

做你妹妹仔真係幸福。

你一提起,小弟忍唔住都要多野講。不法者個篇,查實係筆記中好多零碎片斷總結而成(你話堆砌又得),出街的時候,小弟還在內地(上到Blogger 但上唔到 Blogspot),不久便收到友好既伊喵,話唔應該教壞人,教人地唔奉公守法。

Well,小弟出post前都料到可能會引起爭議,但係,以小弟 renegade 既性格,認為要奉公守法,真係幾講情況。所以今次混亂中有幾個意思:

(1) 勸諭各位同行,於有關驗廠或首次與國情打交道,至少擁有的幾項原則性建議;

(2) 試圖表達一個比較主觀性的感想 – 大家其實都在有限的環境下,爭取最大的效益。如結果需要合法性,便必須遵循法律;但如結果需要有影響力,其手段可能需要不合法。就以比較一般為人所接受的例子:你或許明知即時解僱不成立,但偏偏有需要去做,之後法庭見。原因也是只為“經營現實”;很多同行們都以為自己比人家更守法,但似乎事實並非如此;

(3) 借個機會同下任僱主講,小弟係Problematic employee,願者上釣。

***************

因為以往的低潮而哭,或許真的因為放不下。但既然現在都保得住自己,何妨趁自己還哭得出來的時候讓自己輕鬆一下?別管它是否放不下,哭了再算。Crying out, could be another blessing in disguise.

睇完渣Sir個篇,坦白講,雖然現階段未至於令小弟轉用倉頡。但對他又多一分敬意。而且,會用佢教既方法學英文,同埋打字時用多d shortcut。(唔知點解d人教東,小弟就偏學了西。)

用拼音打字雖然可以學到普通話,但缺點是不容易學到一個字應該如何寫。(呢篇野500幾字,用左1個幾鐘頭寫,速度有待改善)

Samsara said...

諗左一輪先明你點樣用來學英文,舉一反三,佩服.

我認我好彩嫁,所以先可以力保不失,先仲有一班好朋友.

同埋,多謝你咁好心機答留言,真係用左你好多時間呢!

C.M. said...

香水姐姐:

學英文呢傢野,真係隨手可得,只視乎...有無睇到渣Sir個post姐。

哎呀,查實小弟講打字幾快絕對唔係有咩意思架,不過,據小弟估計,呢個速度,絕對係blog界,應該排尾一或尾二儸。

努力呀,姐姐。

Samsara said...

嬉,我都只係想多謝你.

你都加油呀!

Samsara said...

香水處方:



開開心心做cd rom
跟住訓覺

Samsara said...

早日康復!

C.M. said...

香水姐姐:

多謝你呀!(真係好鬼??你)

小弟會跟足你指示,先用d 水洗下塊面,然後切個橙成薄薄一塊塊,再敷係塊面到。咁病好之後就靚靚勒。多謝你既美容處方!(葯後神志不清)

Samsara said...

哈哈,好酸嫁喎.

你咁搞笑既,既係會好快好返啦!