Tuesday, October 16, 2007

中國是否再毋須港燦?

當年,暗黑兵法的啟蒙老師告訴我這尚未成狼的小羔羊,他在80年左右國家開放之初獲香港公司邀請擔任駐廠顧問,工資約為二萬元。

然而到了二千年,他的薪金平均每年下調五百,尚餘一萬。雖然暗黑老師未能語英乃此根本原因,但他對於國情、官情、人情皆堪當現今眾港燦之師祖輩也。

兩年多三年前起,小弟已經對於自香港派駐內地的職位失去信心:一為待遇,二為機會。

當我的心還躺開去嘗試與這個極受尋常大眾厭惡,但有受色鬼港燦歡迎的大地交流工作方式的時候,待遇和機會開始在我面前變得模糊。

回到這邊全職工作已經三年,雖然略有機會與國內同事交流,但實屬運氣+本身經驗。


若有天我想再以港人身份與國內的十八銅人交手......


我的勝算會有多少?

我又會否來個每年五百(就算上調都死喇)?

國內是否已經再無處讓我們一眾港燦容身?

若仍然堅定地認為二十年內國內任何一個城市都不能追上香港,我會否即時被人事經理叮出門外?

11 comments:

on dog said...

係每年得五百...

南區肥龍 said...

肥龍果行, 幾年前經已係咁樣(好彩做緊個post仲有些少溢價, 可以保住). 你話國內是否已經再無處讓我們一眾港燦容身, 咁又未必, 不過就真係要較本事實力去競爭, 差起上黎, 仲可能輸得好肉酸添.

而且依家國內游資充足, 增長強勁, 藏富於民, 唔係咁易去聽你講道理.

C.M. said...

On兄:

依家前路茫茫,點算...?

肥龍兄:

唉,你咁講似乎勝算都好微。

(慘,份report 唔知點寫)

Samsara said...

返唔返大陸似乎係所有做廠既人的疑問,有d行業如Engineering,返大陸已經係必然,問題只係駛唔駛長駐。

由以前有housing, hardship,到依家連auditor都只係一個total package就算。

不過倒轉講,有時大陸又唔係一定請到某d人,我之前就收過兩個唔同agent幫同一個post來揾我。依個絶對唔係我有幾好,心諗我當年量地時又唔見有人揾我?而係香港經濟好左,好多人唔再肯返大陸,所以,資本主義社會始終都只係兩個字:供求。

供求有一個好大既特點,就係shift得好快,今日供不應求,聽日求過於供。

另一個特點係,因為實在太Marco太多因素,而且無人可以有full picture,大部份人對五年十年既forecast都係錯既。

五年前,怕且無人估到今早股市升穿三萬;又,你記唔記得因為香港人太多北上消費,有人propose香港人返親大陸都要比離境税?果時有好認真既討論嫁,好彩未來得切實行之前,大陸出左自由行。。。咁我地先發現完來中國有咁巨大既購買力,離境稅d咁好笑既野真係一下子唔記得左啦,不過自由行大軍未來香港之前,我見唔到有乜野人有依個vision喎。

所以,人算不如天算,都係睇返自己既情況,再決定方向。路係人行出來既,在經濟大好既地方一樣有人好霉,在經濟低迷時一樣有人飛黃騰達。

Hana said...

中層就一定唔够本地人爭
但係向上啲再向上啲
外資在大陸還是傾向請港人或海龜派
而且人工比起留係香港多四份一至五份一到

Geoffrey Kong 江貴為 said...

你又唔駛咁悲,莫講香港人,咁多大學生同海歸都無辦法喺國內容身,我無乜返過去,但國內係唔係人人睇得咁醒、咁好景,你睇大學生人浮於事都心中有數。

Gideon said...


>>有d行業如Engineering..
我呢行都算做表表姐

我返黎個時仲有人同我講呀, 若果肯返大陸做人工會多幾多幾多,生活費又會平幾多幾多。點知我真係搵大陸個陣,先發算,好彩既話都只得多一兩千....

以前香港喺大陸開廠既老闆多,咁梗係請返個港燦同聲同氣好啦,又信唔過啲大陸人。

但依家大部份廠都係大陸啲官自己做返囉,以前香港啲廠,摺得就摺,唔係就搬到有咁遠得咁遠。對呢啲大陸老闆既廠黎講,都唔知請港燦做乜。

thxx said...

thxx said...
karen
haah 唔係ah.. 只係我好耐之前都有追開cm既blog.. 嗯嗯.. 如果你肯俾d意見我.. 我會好開心la~~


ahh 如果你有時間又唔介意, 可否都幫我睇睇過cv.. "..體無完膚"都無所謂..

i know i still hv a biggggg room to improve..

by the way, 我搵到新工了, 我以前做full round, 而家d份就focus一兩個範疇d.. 不過佢係一間大公司.. 又係我想做的industry.. 同無壓我價.. 所以.. 都係駁下d人鐘意睇大公司既bio多點 ="=.. 無辨法..讀書又唔係勁..


唉.. 我資歷淺, 都係工揀我..

又..

真係謝謝cm俾我的意見..

C.M. said...

嗯... 多謝多謝...

記得以前香港經濟比國內好,所以好多人趨之若鶩。咁,若果國內經濟越來越好,又會唔會多左機會呢?

香水姐姐:

我覺得你好叻啊。

兵妹:

聽你講我都無咁驚...

江兄:

人浮於事,希望在人間。

鐵鎚兄:

咦?呢番話,我都好似同好多人講過。

thxx said...

江兄:

好一句

人浮於事,希望在人間。

我都學識看開點~

祝大家b仔.. 多多多~

C.M. said...

Thxx,

唔好意思,遺漏了。恭喜你找到新工作!希望你工作順利!