Monday, October 08, 2007

又R (今勻R到股市)

股市1

收到朋友 A 來電,佢自己一向都無參與過大染缸,但因為呢排個股市大升,見到同事朋友都有斬獲,搞到心郁郁。佢d朋友仲同佢講話,搵得幾多得幾多,蘇州過後無艇搭。心煩之餘問我呢位燈神應唔應該入市。

大佬,我呢位燈神黎架,玩咩。

股市2

收到朋友 B 來電,佢自己一路都有玩股票,呢排市況變得波動,雖然前排斬獲甚豐,但依家都有d驚。(話驚賺少左幾個巴先... 追唔上樓下班師奶個回報率... )

頂,係咪乘機串我呀...

股市3

收到行家 C 來電,話佢老闆見到個個同事成日捕住個股市,“好似”會影響 Performance,問有冇計仔分享下。

呵呵,呢個問題就似樣勒... 不過講真,查實我自己都無認真諗過要點搞。Well,行家問到唔識好似好瘀,於是咪亂噏掟出最普遍果幾種方法比佢:

1. 拿,若果你地唔玩股票,我就加你地人工,升你地職啦。(務求高薪養廉。)

2. 又或者咁,拍爛檔,遲一陣先落盤,同我睇睇呢個project先。(打友情牌。)

3. 不過咁,若果你仲闊佬爛理,仲係辦公時間玩股票,我就出警告信,減你人工,Cut 你 Bonus,甚至炒埋你地!(睇你仲敢唔敢。)

4. 若果你覺得我太惡死兼無人性,咁我可以先日日監察你個玩股情況,然後叫主管日日督住你做野,等你唔敢亂黎。(米話我唔先小人後君子。)

5. 下?主管話d友仔太惡,唔敢閙?都得,唔比上網囉。最多set 番幾部任上網既 public terminal 係全世界前面,有需要,咪隨便用囉。(夠pok 可以試下既)

6. 哎呀。連唔比上網都唔得,班友仔真係幾惡。你不如出分 survey 比全公司,問下佢地想點仲好啦。(我係一個有社會責任既老闆。)

7. 太民主唔掂?你不如塞d工作比班友做,做到有氣無訂抖,等佢地無時間上網得唔得呀?(就斷你米路!)

8. 唉。若果公司真係咁悠閒,就米鬼理佢咁多啦。(Err... 又好似唔多妥播)

老老實實,查實你老闆想點?


借問各位高人又有冇其他方法呢?例如可唔可以叫香港休市一年呢又?(講咁多不如比幾個 lum把小弟先喇)

18 comments:

波蘿游 said...

CM

我建議有此情況,老闆們可以將公司資金(甚至借錢),炒埋一份,投入資金數目可參照員工炒股人次。

股市上升,員工炒股而冇心機做野,減低公司生產力,但公司可從本身股市回報抵償,達到對沖效果。

此為非人道建議,贏輸無怨。

C.M. said...

嘩,波老闆果有錦囊妙計!

不如索性將公司果筆對沖基金交比班同事搞埋,係工作上比多d 挑戰佢地,咁就可以再對沖埋佢地個 work motivation... 正!

琴日行家C根據你個方案,係EAP (Employee Assistance Program)個基礎上面醒多個方案比小弟,話叫基金公司黎公司開講座,等班員工炒得更加成功,進一步降低風險。

行家C仲話,可以同班員工買重保險,公司做受益人。若果碰著大跌市有人燒炭,公司都可以有番d渣拿。(Well,做撫恤金嘛,查實佢份人好有同情心架)

C.M. said...

BTW,關於買保險。佢話要買重窩輪果班,同埋孖展果班,二三線股果班保額可以再少d,而渣住藍籌股果班甚至可以唔買。佢話慳得就慳。

thxxx said...

唔該我有d問關於hr既問題想問問呀~

我一向做full round hr duty的, 但經驗尚淺. 至今仍未懂分c&b, recruitment, employee relation, payroll等等..

去interview時常常也分不清..
例如: MPF, ORSO , ASP, medical administration & contribution 係咪應該屬於c&b的.. 咁payroll又係屬於邊類..

我可唔可以send個cv俾你睇下我有冇放錯d heading, sub heading呀..

woo 我唔想再interview時俾人問分類果part.. 唔識答了..

thxxxxxxxxxxxxxx

C.M. said...

Thxxx:

如果你唔介意,你都可以send個cv 比我幫下眼。

不過關於點樣分類,我就有少少個人睇法。

若果你曾經接觸過全公司的HR運作,你或許大概都知道其實有好多工作都係息息相關。

例如C&B,就同Performance 有關。而Recruitment又同C&B有關。簡單分類當然可以,但每間公司都有不同的分類。

你可以參考一下之前我Karen的討論:

對於我個人來說,我會先分盡量成兩個層面:一個admin. 層面,另一個non-admin.的層面。

Admin. 的層面可能包括Prepare Payroll,準備各樣的Monthly Reports比老細,和保險公司談續勞保問題,Screen人、見人,Orientation...等等。總之一切按照既定程序辦事的,都歸屬呢個Admin. 範疇。

而Non-Admin層面,就包括制定Pay & Benefit Policies,點樣改善Monthly Reports,決定請人之篩選條件/薪資,處理員工糾紛,釐定薪資調整水平等等。總之一切不能以既定程序規限的,需要自行作出提議或決定的,都屬於呢個範疇。

雖然係cv入面好難以呢種形式表達,但係,我個人喜好採用這種分類方式,因應我準備面試不同的職位而有所調整admin vs non-admin既比重。

例如要面試Manager或Senior等職位,我會安放更多non-admin 工作進去。但當然,某些行業的senior也可能需要做一些admin. 類工作的,便需適時調整。

過分按照坊間一些普遍的Functions來分類,可能未必能夠配合你想申請的職位的,你覺得是不是?

(你說有人問你分類果part,查實佢地係問d咩?點樣問法?)

C.M. said...

BTW, thxxx, you may notice that my email address sat at the page "View my complete profile".

Cheers,

thxxx said...

ooo thxx ah..
我send左email俾你..
我去in d agent或工時, 佢地通常都會問我想做邊個範疇多d.. recuritment或c&b等等

其實我想做recruitment, 幫nj整入職既野. 例如background check.. orientation etc..整下mpf, medical, leave等等..

但係通通咁答完.. d人就會覺得我無答過咁..

C.M. said...

Thxxx,

收到了。

基本上看,你做的工作很廣泛,寫得也不錯。不過,你也觀察到,的確有可以改善的地方。

例如第7點、10點,就應該放在別的地方。而且,你可以回想整個Recruitment process,然後順著次序來寫,那效果將會有很大改善,也讓自己更清楚整個process是否妥善或遺漏。

整體來說,你把Recruitment放在最上方就是最正確的決定了。若作為僱主,這種熱誠必定加分。啊,對了,你會考慮讓自己先修改一下這份cv嗎?因為我明天工作比較緊張,或許後天才可以更詳細回覆你。

thxx said...

嗯.. 我會revise我個cv~ 多你有時間先reply我la.. 謝你既advise.. ^_^

ak said...

C.M.兄,

千祈唔好干預員工既炒股活動...阻人發達斷人財路,如同殺人父母...夭壽架...

而且...如果股市真係休市一年...ak相信香港好多字號都要摺埋佢...包括一眾既富豪飯堂...影響深遠,不可不察也...

as long as人地準時交到貨...算吧啦...有d野,水清,則無魚...

學霖山莊 said...

每天三點三, 全世界用十五分鐘check市或食Tea...

其餘時間,格殺勿論...

Tommy said...

CM 哥!

我 send 左個依貓俾你﹐煩請過目。

請呀~

C.M. said...

AK兄:

殺人放火金腰帶,修橋鋪路無屍骸... 嘩,AK兄,睇下你條金腰帶!下次舞會你請,哈哈!

學兄:

妙計妙計。等小弟同C姐傾傾先。

Tommy:

Wish you luck.

Geoffrey Kong 江貴為 said...

黑心D,搵人整冧個市,個個自然要專心做嘢,不過要北面班人配合先得!

一管得炒股,其他浪費時間嘅私人用途就都要管埋,問你管得幾多,所以其實AK最尾嗰句都講得幾啱ga。

C.M. said...

江兄:

好,就等小弟搞掂北面班人先!

Karen (Sze) said...

呢個topic, 可以改成: 員工辦公時間炒股, 是對是錯耶?

咁講, 幾同意"員工炒股而冇心機做野,減低公司生產力", 但係咪"公司可從本身股市回報抵償,達到對沖效果。" 就有點保留----除非員工係在上市公司工作。

身在法定機構工作的我, 不是聽到某同事公然放大聲浪同人以公司電話講股票, 就是某幾位同事公然上網落股票(其中一位呢, 一有人經過佢個位就一定見到!); 當然, 他們亦因而無心機做野(有幾位仲要抽煙才能提神)。

唉!

又, 再一次感謝您回覆thxxx時提起我(或者佢見我少野post, 所以無寫o黎問我, 其實我想俾少少comments, 不過, 算啦!), 不過講番起o黎, 做HR的做得全面d總好過focus一兩個範疇。

呢樣野, 等我完成兩份assignment後, share下我的好友兼背後高手的HR心得。

當然, 若然俾我改CV, 可能會"體無完膚" 哩!

thxx said...

karen
haah 唔係ah.. 只係我好耐之前都有追開cm既blog.. 嗯嗯.. 如果你肯俾d意見我.. 我會好開心la~~

我搵到新工了, 我以前做full round, 而家d份就focus一兩個範疇d.. 不過佢係一間大公司.. 又係我想做的industry.. 同無壓我價.. 所以.. 都係駁下d人鐘意睇大公司既bio多點 ="=.. 無辨法..讀書又唔係勁..


唉.. 我資歷淺, 都係工揀我..

又..

真係謝謝cm俾我的意見..

thxx said...

karen

ahh 如果你有時間又唔介意, 可否都幫我睇睇過cv.. "..體無完膚"都無所謂..

i know i still hv a biggggg room to improve..

thxxx