一百步紀念日
我嘛。呢篇查實係第一百篇。
若果根據之前口聲聲話，一個星期寫三篇，咁應該係2007年3月左右已經達成目標。依家足足遲左成8個月。又想湊夠開舖一周年先寫，但諗諗下，忍唔住爆出三個字：哈．哈．哈。寫咪寫！
原本今篇想寫d野紀念下呢個整數，不過又發覺，原來當人生踏入某一個整數，成個人既思想都會突然轉彎。原本人生好好地應該係一條好連貫既 Sine Wave，突然到左呢d 整數 moments，滑滑既 Sine Wave 突然多左好多稜角。
唔知係好彩定唔好彩，呢d多左o係我「歷史」既稜角，都係比較細微，無咩值得回顧。觀之其他人，佢地既歷史稜角，有時真係好岩蠶，好值得紀念。
不過從另一方面睇，我既「歷練」稜角，反而變得岩蠶。以往待人處事既方式，都有好大轉變。或者身邊人唔多覺，但其實我既陰暗面，同呢d稜角一樣，越黎越明顯（或者越黎越陰暗）。我嘛，呢d先叫做「偽善」，其他人唔該借孭。
所以嘛，好想講句：我，「萬劫不復」（或者：晚節不保）。我想懺悔，都已經太遲。
雖然多左呢d 岩蠶稜角，但亦有一樣值得自己老懷安慰既係，我個 Core Values 仍然都係（暫時都係）無變：學習。雖則睇番轉頭，似乎學壞左居多。
呢篇一百步，寫比可愛既你．妳．您，同埋．我既 Da Da。
... 到最後，都寫唔出一隻字紀念呢一百步...... 算喇。（呢兩個字係人老左既標記。）
[蝦，近排呢，我鋪批評癮又起，想講下 Black Swan，Long Tail，Best Practice 既 Halo Effect 同埋 Democracy vs PM。（... 查實我係講下啫，邊寫得出丫）。]
30 comments:
支持，快啲寫 ^_____^
恭喜恭喜！
100啦
祝老爾彌堅！
哈哈
恭喜您, 終於寫到第一百篇。
我無您咁勤力, 懶到一個月寫一兩篇。
一生人總會有些菱角, 變鈍變尖, 視乎個人點樣睇。
嗯, 人生就是咁。
如果您寫 Black Swan，Long Tail，Best Practice 同埋 Democracy 既 Halo Effect, 我會期待, 但依排很倦, 好想放自己長假而唔寫野, 所以, 到十二月初前, 不打算再出post同寫comment(妖! 人地又要交兩份essay同考試)。
不過看您份上, "睇下到時係點"!
竟然而家先寫到一百！你上年已經開扑啦喎大佬！
我當初幾個月已經過百啦，而家二百都黎緊！（咁當然，我D廢post比起你既大作又真係差好遠既，你慢工出細貨先係好野黎嘛，嘻嘻）
Black Swan，Long Tail，Best Practice 同埋 Democracy 既 Halo Effect，對我黎講係火星文，到時你寫左我都唔知睇唔睇得明...
>> 呢篇一百步，寫比可愛既你．妳．您，同埋．我既 Da Da。
(唔理關唔關我事)我唔可愛架, 不過都恭喜您! 又祝Da Da 一直學習, 到時你實開心到呢~~~ ^^
黑天鵝同長尾好喎, 等住你呀!
>>呢篇一百步，寫比可愛既你．妳．您，同埋．我既 Da Da。
第時要對號嘅就唔該一開頭就單聲先吖嘛，等我睇到尾至知唔關我事，幾面懵呀！！
呀，咁順便多口搭句嘴嘞，一百步寫唔出，咪寫住五十步先囉，我諗大家都會收貨嘅。
又再唔係嘅，寫唔出一隻字紀念呢一百步，咁都可以俾你寫多幾隻字嘅，大家都唔會介意嘅，我諗。
嗱，唔好話我頂心頂肺呀，不過真係忍唔住口。
乜你鋪批評癮有停過落黎咩? 要講咪講囉，又要欲拒還迎咁引人地叫你「寫啦，寫啦，快啲寫啦」咁。
（哈哈，俾你傳染左呀，我都有鋪窒人癮架。）=P
鐵鎚兄：
借問聲... “寫”乜？
兵妹！
乜搞到老而彌堅咁客氣呀...
Karen：
“終於”呢兩個字呢，原來有成年咁長，講都唔信。我仲叫勤力？平均一個禮拜先得兩篇咋。仲有果d Halo effects呢，即係= Halo effects of Black Swan，Long Tail and Best Practice. 而 Democracy 呢，就只係筆誤，不過再多一個諗法咁啫。鎖你。我講野，好悶架。
喵！！
嘩，你咁大聲，我喊架會... 嗚嗚。我夠知開得仲早過你喇，但我無你地咁好文采嘛，打字又慢過人。真係好執輸。有火星文咩？哦，講下啫，唔洗咁認真，我都話寫唔出洛。
肥龍兄：
你真係好鬼可愛！Muuum Chu!
黑天鵝，哈哈，白天鵝，哇哇！睇下果條豬尾好長播！
小珠：
依家正式通知你，你呢刻已經被 quarantined 喇！
鋪窒人癮，根本就係你傳染既！所以今次你一個人接受呢個回應啦！
我呢種人邊識窒人丫你話。仲踢爆我，話我欲拒還迎咁添。好！（你不仁我就不義。）
我諗，諗完又諗，蝦，究竟個xyz代表d乜呢？... 唔記得左！
quarantined?? 即係咩呀? 即係咩呀?
檢疫? 隔離? 封鎖? 斷絕關係? 即係咩呀?
下次寫番中文吖，唔該?
哈哈！
你悶得過我????
睇我d"收視率"幾低就知啦!
大兄: 祝一了百了!
小9下篇都係到一百啦!不過可能到出年先有時間寫都未定...
祝百發百中！
小弟個扑得果35篇，一百大壽真係遙遙無期。吖…
Congrat for your achievement of reaching the "一百篇" milestone !! I should come here often since my work also involves HRM (of both the human and inhuman kind :)
Haricot
(Canada)
小珠：
你鋪窒人癮已經傳染左比人喇（即我），所以今次要隔離你！（你d中文咁叻，洗鬼翻譯咩）
Karen：
BTW，你低果次睇戲睇成點呀？成團嘛？
On兄：
一了百了，Yeah ～
乜你又一百步喇咩？咁Q？
安兄：
祝你百戰百勝！35篇唔少野喇，你要記得我已經差不多成年啦（就快變末日輪lu）。
微豆兄：
Congrats! It's sometimes (just) fun for HRM. Let's share!
唉，你明俾位我，我唔出聲就真係好對你唔住！
中文好同駛唔駛翻譯係兩回事黎固噃哥哥。
唔洗覺得對我唔住，我好大方架。（嘿，枉我仲問人地有冇奶茶味Tiramisu添...）
恭喜恭喜,一百篇真係唔易。不過有咗一百,好快又二百....三百...四百...
馬沙兄：
多謝多謝。（若果係一百蚊變二百蚊，一路一路變上去就好囉）
CM哥哥:
哇，依家先１００？我已經１５０幾啦！不過好多灌水，仲有好多係日記來，邊有你咁越戰越勇？
喂，講左就要寫啦，我點唱Black Swan先。寫啦寫啦！
小粉絲
嘩哈哈, 咁就一百勒, congrats!!
呢篇target reader 雖則唔係我, 但, 嘿, 我係要讀呀, 重要讀多幾次添呀~
等你既長尾黑天鵝. 嘿
香水妹妹：
嗄嗄嗄... 係呀，我依家先100咋，因為我唔似你可以跑馬拉松嘛。勇？越戰越殘就有我份。
我都係你番屎黎架，所以你close 左comment之後我都有d 怋嶒。
嘿！
救命！
我就快搵隻鵝黎煲湯。
（都唔明媽媽你地點可以咁犀利，一陣間就一百）
-->>>呢篇一百步，寫比可愛既你．妳．您，同埋．我既 Da Da。
咪即係我？（全場最厚顏blogger非我莫屬）好野，多謝哂。
分享到你的喜悅
以後再寫多D Da Da
支持cm兄你，你寫個幾個topic一定好吸引。
阿妹！！
你梗係有份喇，厚顏既人係好可愛架！
VC：
多謝。查實呢，你對小腳板仲殺食，我前日睇完勁開心！
若虛兄：
連你都咁講？我真係應該考慮寫番篇叫人“種金”先得。
祝你事業都「百」戰「百」勝，同呢個blog相輝映！
江兄：
祝你部相機「百」發「百」中，同你d靚相互相輝映！
Post a Comment