Tuesday, November 20, 2007

一百步紀念日

我嘛。呢篇查實係第一百篇。

若果根據之前口聲聲話,一個星期寫三篇,咁應該係2007年3月左右已經達成目標。依家足足遲左成8個月。又想湊夠開舖一周年先寫,但諗諗下,忍唔住爆出三個字:哈.哈.哈。寫咪寫!

原本今篇想寫d野紀念下呢個整數,不過又發覺,原來當人生踏入某一個整數,成個人既思想都會突然轉彎。原本人生好好地應該係一條好連貫既 Sine Wave,突然到左呢d 整數 moments,滑滑既 Sine Wave 突然多左好多稜角。

唔知係好彩定唔好彩,呢d多左o係我「歷史」既稜角,都係比較細微,無咩值得回顧。觀之其他人,佢地既歷史稜角,有時真係好岩蠶,好值得紀念。

不過從另一方面睇,我既「歷練」稜角,反而變得岩蠶。以往待人處事既方式,都有好大轉變。或者身邊人唔多覺,但其實我既陰暗面,同呢d稜角一樣,越黎越明顯(或者越黎越陰暗)。我嘛,呢d先叫做「偽善」,其他人唔該借孭。

所以嘛,好想講句:我,「萬劫不復」(或者:晚節不保)。我想懺悔,都已經太遲。

雖然多左呢d 岩蠶稜角,但亦有一樣值得自己老懷安慰既係,我個 Core Values 仍然都係(暫時都係)無變:學習。雖則睇番轉頭,似乎學壞左居多。

呢篇一百步,寫比可愛既你.妳.您,同埋.我既 Da Da。


... 到最後,都寫唔出一隻字紀念呢一百步...... 算喇。(呢兩個字係人老左既標記。)


[蝦,近排呢,我鋪批評癮又起,想講下 Black Swan,Long Tail,Best Practice 既 Halo Effect 同埋 Democracy vs PM。(... 查實我係講下啫,邊寫得出丫)。]

30 comments:

Gideon said...

支持,快啲寫 ^_____^

Hana said...

恭喜恭喜!
100啦
祝老爾彌堅!
哈哈

K said...

恭喜您, 終於寫到第一百篇。

我無您咁勤力, 懶到一個月寫一兩篇。

一生人總會有些菱角, 變鈍變尖, 視乎個人點樣睇。

嗯, 人生就是咁。

如果您寫 Black Swan,Long Tail,Best Practice 同埋 Democracy 既 Halo Effect, 我會期待, 但依排很倦, 好想放自己長假而唔寫野, 所以, 到十二月初前, 不打算再出post同寫comment(妖! 人地又要交兩份essay同考試)。

不過看您份上, "睇下到時係點"!

北夫人 said...

竟然而家先寫到一百!你上年已經開扑啦喎大佬!

我當初幾個月已經過百啦,而家二百都黎緊!(咁當然,我D廢post比起你既大作又真係差好遠既,你慢工出細貨先係好野黎嘛,嘻嘻)

Black Swan,Long Tail,Best Practice 同埋 Democracy 既 Halo Effect,對我黎講係火星文,到時你寫左我都唔知睇唔睇得明...

英倫肥龍 said...

>> 呢篇一百步,寫比可愛既你.妳.您,同埋.我既 Da Da。

(唔理關唔關我事)我唔可愛架, 不過都恭喜您! 又祝Da Da 一直學習, 到時你實開心到呢~~~ ^^

黑天鵝同長尾好喎, 等住你呀!

xiao zhu said...

>>呢篇一百步,寫比可愛既你.妳.您,同埋.我既 Da Da。

第時要對號嘅就唔該一開頭就單聲先吖嘛,等我睇到尾至知唔關我事,幾面懵呀!!

呀,咁順便多口搭句嘴嘞,一百步寫唔出,咪寫住五十步先囉,我諗大家都會收貨嘅。

又再唔係嘅,寫唔出一隻字紀念呢一百步,咁都可以俾你寫多幾隻字嘅,大家都唔會介意嘅,我諗。

xiao zhu said...

嗱,唔好話我頂心頂肺呀,不過真係忍唔住口。

乜你鋪批評癮有停過落黎咩? 要講咪講囉,又要欲拒還迎咁引人地叫你「寫啦,寫啦,快啲寫啦」咁。

(哈哈,俾你傳染左呀,我都有鋪窒人癮架。)=P

C.M. said...

鐵鎚兄:

借問聲... “寫”乜?

兵妹!

乜搞到老而彌堅咁客氣呀...

Karen:

“終於”呢兩個字呢,原來有成年咁長,講都唔信。我仲叫勤力?平均一個禮拜先得兩篇咋。仲有果d Halo effects呢,即係= Halo effects of Black Swan,Long Tail and Best Practice. 而 Democracy 呢,就只係筆誤,不過再多一個諗法咁啫。鎖你。我講野,好悶架。

喵!!

嘩,你咁大聲,我喊架會... 嗚嗚。我夠知開得仲早過你喇,但我無你地咁好文采嘛,打字又慢過人。真係好執輸。有火星文咩?哦,講下啫,唔洗咁認真,我都話寫唔出洛。

肥龍兄:

你真係好鬼可愛!Muuum Chu!

黑天鵝,哈哈,白天鵝,哇哇!睇下果條豬尾好長播!

C.M. said...

小珠:

依家正式通知你,你呢刻已經被 quarantined 喇!

鋪窒人癮,根本就係你傳染既!所以今次你一個人接受呢個回應啦!

我呢種人邊識窒人丫你話。仲踢爆我,話我欲拒還迎咁添。好!(你不仁我就不義。)

我諗,諗完又諗,蝦,究竟個xyz代表d乜呢?... 唔記得左!

xiao zhu said...

quarantined?? 即係咩呀? 即係咩呀?
檢疫? 隔離? 封鎖? 斷絕關係? 即係咩呀?
下次寫番中文吖,唔該?

哈哈!

K said...

你悶得過我????

睇我d"收視率"幾低就知啦!

Anonymous said...

大兄: 祝一了百了!

小9下篇都係到一百啦!不過可能到出年先有時間寫都未定...

安諾勿斯 said...

祝百發百中!

小弟個扑得果35篇,一百大壽真係遙遙無期。吖…

Haricot 微豆 said...

Congrat for your achievement of reaching the "一百篇" milestone !! I should come here often since my work also involves HRM (of both the human and inhuman kind :)

Haricot
(Canada)

C.M. said...

小珠:

你鋪窒人癮已經傳染左比人喇(即我),所以今次要隔離你!(你d中文咁叻,洗鬼翻譯咩)

C.M. said...

Karen:

BTW,你低果次睇戲睇成點呀?成團嘛?

On兄:

一了百了,Yeah ~

乜你又一百步喇咩?咁Q?

安兄:

祝你百戰百勝!35篇唔少野喇,你要記得我已經差不多成年啦(就快變末日輪lu)。

微豆兄:

Congrats! It's sometimes (just) fun for HRM. Let's share!

xiao zhu said...

唉,你明俾位我,我唔出聲就真係好對你唔住!

中文好同駛唔駛翻譯係兩回事黎固噃哥哥。

C.M. said...

唔洗覺得對我唔住,我好大方架。(嘿,枉我仲問人地有冇奶茶味Tiramisu添...)

馬沙 said...

恭喜恭喜,一百篇真係唔易。不過有咗一百,好快又二百....三百...四百...

C.M. said...

馬沙兄:

多謝多謝。(若果係一百蚊變二百蚊,一路一路變上去就好囉)

Anonymous said...

CM哥哥:

哇,依家先100?我已經150幾啦!不過好多灌水,仲有好多係日記來,邊有你咁越戰越勇?

喂,講左就要寫啦,我點唱Black Swan先。寫啦寫啦!

小粉絲

怒火眼睛 said...

嘩哈哈, 咁就一百勒, congrats!!

呢篇target reader 雖則唔係我, 但, 嘿, 我係要讀呀, 重要讀多幾次添呀~

等你既長尾黑天鵝. 嘿

C.M. said...

香水妹妹:

嗄嗄嗄... 係呀,我依家先100咋,因為我唔似你可以跑馬拉松嘛。勇?越戰越殘就有我份。

我都係你番屎黎架,所以你close 左comment之後我都有d 怋嶒。

C.M. said...

嘿!

救命!

我就快搵隻鵝黎煲湯。

(都唔明媽媽你地點可以咁犀利,一陣間就一百)

桃紅三點式 said...

-->>>呢篇一百步,寫比可愛既你.妳.您,同埋.我既 Da Da。

咪即係我?(全場最厚顏blogger非我莫屬)好野,多謝哂。

VC said...

分享到你的喜悅

以後再寫多D Da Da

Clay said...

支持cm兄你,你寫個幾個topic一定好吸引。

C.M. said...

阿妹!!

你梗係有份喇,厚顏既人係好可愛架!

VC:

多謝。查實呢,你對小腳板仲殺食,我前日睇完勁開心!

若虛兄:

連你都咁講?我真係應該考慮寫番篇叫人“種金”先得。

GK said...

祝你事業都「百」戰「百」勝,同呢個blog相輝映!

C.M. said...

江兄:

祝你部相機「百」發「百」中,同你d靚相互相輝映!