Thursday, December 06, 2007

年尾收爐,年頭開拖

經歷左呢幾日,我真係唔能夠唔承認自己真係老喇。通宵對我黎講,真係好大負擔。之後果日,朝早死死下,下晝仲要請假休息。都唔知為乜。

*********

點解叫年尾呢?哦,因為開鋪雖有一年,但一直乏善足陳,一事無成,依家連童心都無埋,真係大鑊。

*********

琴晚睇完新聞,嘩,阿局長(據聞仲有其他與會人士)咁講野,嚇死我。

雖則,我呢,就覺得不至於要一個講錯說話(哦,乜你覺得佢講得啱咩?OK。)既人落台,原因咪就係言論自由囉。縱使你係局長高官,你講呢d說話,都有你自由既。喂,佢都無講粗口,又無犯法,佢又一直依辦事,大佬,佢依家錯咩先。

呢個香港,合唔合資格做局長,你諗清楚,係用咩標準先。唔係一講錯野就要落台咁嚴重下馬... 喂,人地唔係民選出黎架,合唔合資格,唔該,睇下特首頭丫。

雖然比著我睇,雖未至咩人生攻擊(Well,你覺得自己唔係既話,咪當人發噏風都得下化... 其他人又洗咩講到十萬八千里遠呀),但又真係令我覺得局長好小氣。阿局長,你認為人地無料扮野搞啅頭,咪係會議過程比d 顔色囉,玩都唔好玩二三線枱底野喇,局長級人馬,點都應該明刀明槍先體面傢嘛,如果唔清楚咩叫體面,問問你阿頭先都得卦。

之不過咁,又有 d人,成日土共前老毛後,真係好唔 Pro,咁又咪同自己所講果 d 土共老毛一鬼樣~。點解係要搞到呢個世界,sorry,呢個香港,要分清楚男左女右,良心狗肺先至安樂既嘖。喂,人人都有理想架,係咪你個理想一定比人地高尚 d 先。

唉,點解全香港人講野都係咁。依家d人,好似根本唔係要人認同,想果d 異見改變態度,反而係叉叉叉!好似叉完就可以改變呢個香港,唔該,唔該,諗真 d,究竟人... 人呀,究竟係點先會改變喇,講咩知識型社會,真係... (又或者,只係我思覺失調都唔定...)

我都好同意人係要有立場,就算無,都無所謂,但係,到你好聰明咁以其人之道、還治其人之身既時候,其實大家咪都不過同類~。Well,最後呢幾句,係比我自己既,用黎慶祝自己開鋪一周年多d d。

14 comments:

Anonymous said...

Happy 1st Year !!! Big Brother.

Samsara said...

哇,CM哥哥開blog一年啦!仲有成102篇添,恭喜。

曾德成就認真係大腦inhibition神經有事,諗到乜就講乜,佢駛唔駛咁感慨呢?真係有葉劉遺風,有前途呀佢。

不過,陳太唔係細路女比人蝦,佢識得保護自己 & even fight back,選佢出來係要佢幫我地巿民做事,唔駛倒轉要我地幫佢強出頭。

Samsara said...

車,打字太多,比on dog哥哥霸左頭位...

Anonymous said...

Sorry Sorry!

: P

火鶴 said...

豺狼兄,

你話你一直乏善足陳, 一事無成, 依家連童心都無埋..

我話我呢, 膽小如蟻, 又貪心, 又無賴、又懶到出油添呀陰公..

C.M. said...

大佬On!

赫,遲到呢個習慣,真係唔確保下次會唔會黎多次全騾宴... 驚驚

香水妹:

一年容易又春天。

曾局長佢大腦係咪真係有事...我就唔知,不過,唔知點解,我就真心覺得佢等左呢個機會出聲好耐,依家終於俾佢等到。我硬係覺得佢好想藉一個“公開又合法又好似好多人支持”既場合,講述一下自己心聲。啊... 原來係立法會告解有時仲好過係教堂。

(最衰呢排死期到,如果唔係同你/你地再傾政治)

鶴兄:

你成日都好似某d人咁(如有,請自行對號),借傢依跣我... 蟻又邊度有膽既呢!你呀,仲未話比人知係咪拍緊拖呀?!(你唔好等連仔都生埋先通知播!)

怒火眼睛 said...

你依一百零二篇呢, 真係得來不易, 唔係好似我咁出賣下家人朋友就一篇. 你既貢獻好大架, 好佩服你又工作又家庭, 都重可以有心有力教育我地, 同我地一齊分析分享學習. 你呢一百零二篇, 好有價值.

哎我應該以你為榜樣, 但暫時真係做唔到.

所以, 要勤d 探你先得 :p

C.M. said...

o_O||

Err... 怒眼媽媽,我係咪又講錯野得罪左...你呀...

怒火眼睛 said...

o_O||

係咪我滴汗岩d丫....

K said...

@_@! 恭喜您一週年!

>>一直乏善足陳,一事無成,依家連童心都無埋,真係大鑊。

有咁o既事?

at least之前那篇都好掂丫!

又, 衣條高級焗腸, 我覺得佢係有準備地插, 咁證明佢唔止小氣, 而且呢, 得罪一句, 佢對港英"餘孽"仍恨之入骨(我知您實唔同意, 但我點都係唔妥佢的言論), 對曾生未必係咁(要睇老闆面口嘛),但對阿太出選到真係做議員, 她入了立法會連一件事都未真係做過, 依家插佢, 係咪幫她連任呢?

得罪晒!

C.M. said...

怒眼媽媽:

所以呢~ 我會教壞個女囉。

Karen:

之前果篇?到Justin 同鐵鎚開口,你就知果篇應該經唔得起考驗架勒。

>>佢對港英"餘孽"仍恨之入骨

Well,我同阿局長真係三唔識七,所以唔會唔同意你既,亦一d都無得罪喎。咁講,若果佢真係對所謂港英餘孽恨之入骨既話,咁就加強我估佢“谷”左好耐呢個論點啦!我要多謝你就真!

>>依家插佢, 係咪幫她連任呢?

咦?又係播。局長返到屋企肯定dum哂心口。

Clay said...

CM兄,一年寫102篇,仲好多篇大長篇,唔簡單!期待你的更多好文。

um, 仲有,我撐你個立場。

C.M. said...

若虛兄:

多謝!遲d得閑再寫番篇“人”先。

要小心大而無當呀,拿,我d就係樣板勒。勁果d,一句打十句添呀。

VC said...

Bravo.

所見全同。