Friday, December 07, 2007

係我衰(...d)

其實死期將近,唔想分心寫野,不過...... 諗落,都要寫呢篇黎懺悔。我呢,好少係公開場合道歉,但對於某些人,我想同你地講句對唔住。

事緣我今日見到有某君同某君:阿乜哥,我見你呢篇寫得幾好,所以我係我鋪頭引用左你呢篇,如果介意,請通知。

噢!I am sorrrrry..... 各位巴打sis打,我無心架,我一向都係咁,粒聲唔出就借黎用架啦。不過咁,我好多時只係會放條拎落去,咁,應該唔會有人當正我寫下化。希望你地真係唔好介意,成日嚇親你地.... 拿,不過咁,單打既野另計(雖然我講過話唔做,不過都好似破左戒... 算啦,我認我律己以寬)。

其實我睇到類似呢句說話好多次,都唔覺得自己有咩問題,但無啦啦今日先有d 體會,覺得自己原來一直都無乜... 禮貌... (卦),因為覺得人地兩個可以咁客氣,以禮相待,好羡慕(嗚嗚)。再諗深一層,或者我以後都應該學下佢地咁,我應該要學識咩叫尊重人......





好!我從今日開始,所有轉載報紙既報道,我都會寄番封信比編輯部「單聲」;所有覆述名人高官講既說話,我都會打個電話比佢地秘書「單聲」;所有我講到隔離屋同對面部門既壞話,我都會發番個瞄通知佢地;寫披爬之前後,再拜訪番各位教授話我已經引述左佢地個研究。





我講得出,就要做得到!

講真,我真係有悔意架,信我喇。

(不過咁,如果你地真係需要我咁做,請回函通知小弟,否則小弟一定死性不改,繼續闊佬懶理。)

*********************

拿,等陣先,各位仁兄仁姐千祁唔好要求我 quote 你地d 野前單聲呀,我唔睬你架。(...乜我精神分裂咩?)

15 comments:

Anonymous said...

唔該! 請呀!

Samsara said...

我越睇越少blog唔知發生乜事,but anyway, have a nice weekend!

C.M. said...

On 兄:

唔該咩呀?唔明。

香水妹:

唏呀,一d都唔關外面Blog咩事架。係我多愁善感啫。Thanks, but this weekend is going not to be nice.

C.M. said...

going not to be nice...

not going to be nice...

Anonymous said...

唔該唔請唔明唔應唔勁唔寧...

Have a weekend, whatever...

sf said...

請問
點解沈三畫叫香水妹呢?
難道她的香水味是九里香個種
----隔九里遠都聞到?

C.M. said...

On兄:

請呀!

先生:

哦,佢香氣撲鼻,遠近馳名就唔洗多講啦。當時我第一次見到(接觸)香水妹既時候,佢個名比我第一個感覺就係 Guerlain 既 Samsara。故名。查實呢,沈三畫呢個名真係好聽好多,但我成日講錯做滑三嬸,所以驚驚。(正如某人話齋,我有嚴重讀寫障礙)

sun said...

C.M. 兄

請 Check Gmail。
我有個私人問題請教你

多多指教 萬分感激

Anonymous said...

係聽讀寫障礙呀!

火鶴 said...

滑三嬸?
咪好滑?
佢係咪成日借家依跣你果個呀?

K said...

又唔係寫essay要quote番reference, 唔通驚您"秋後算帳"???

Old Cake said...

Are you all right? Take it easy! hehe

Samsara said...

先生:CM哥哥一識我,就幫我改名呀...講起,都成差唔多一年前既事lu...你都係一識我就幫我改名喎。

CM哥哥:年尾...人治部唔忙就有鬼啦...好快ok嫁啦。

大俠依排好燥底,驚驚。

怒火眼睛 said...

好笑, 本來想唔聲唔聲成篇copy去我個blog 度, 但費事又要跪地say sorry 啦.

cm哥, 點啫, 咩事啫?

C.M. said...

Sun兄: 期待你篇文!

阿某人: 我呢d障礙,都係多得你咋!

鶴兄: 借家依跣我果個... 乜唔係你咩?

Karen: 哦,佢地客氣啫...

餅兄: 多謝哂,呢排真係忙到頭暈。

香水妹: 我忙?你好似唔好得我好多播。

怒眼媽: 乜你睇唔出咩?我依家公開懺悔呀,你不如求其講句野話原諒我喇(仲有阿妹,你好似唔係細我好多咋播。)... 不過既然你黎到,我真係好想同你講,你“管”筆呢(我以後都唔會用“支”)...點石成金。