Sunday, May 25, 2008

犬儒、偵探、Pro唔Pro

犬儒一詞,犬字從先,對於我來說,挺負面的。

我最初的意會,以為是某類代號或代名詞,意思大概有如像犬一樣忠誠的讀書人吧。

原來犬儒即Cynic。要多謝危樓姐姐之餘,就只有感慨,唉,原來我實在...... (總之不知從何說起...)

************************

一生都當偵探。

無論在工作間,還是日常生活,難免要費力留神,仔細推敲世間事的緣由。每天研究這研究那,就這樣渡過。

最近還當了一回狗仔偵探,要在街角監視目標,扮路人、食客、遊客,套取軍情。雖然在執行時脫節的地方多不勝數,但任務總算達成。至於有否併發症後遺症... 抱歉,一概管不了。

唉,我還是寧願當一個查根究底,找壞員工痛腳的公司偵探,有糧出之餘,還可以滿足自己虛假的正義慾,最重要的是,就算失敗了,也沒有多大的負擔。

要知道,我真的擔心。要鼓起勇氣呀。

************************

查實我Pro唔Pro?

我唔Pro架。雖然我有時都Pro,但唔係成日都Pro架。最重要睇你自己。

若果你自己身家中產,但成日都憂柴憂米,然後話自己唔夠錢,我就梗係Pro啦。之不過,自己只係憂無能力,憂自己唔夠責任感,咁我都唔會好Pro既。

所以話,雖然我成日提住話生仔可以好開心,但其實我都唔係咁Pro架咋。況且,我又唔係特首獨立委派鼓勵全民生多幾個仔女公署(Independent Commission on Promotion of Giving Birth)既專員,又無錢收既。我唔Pro,而你又唔生,我估將來我果兩個既競爭力可能仲大d添呀。

18 comments:

binaryMuggle said...

c.m.,

我都係看完危樓姐姐那篇才明明地。而且,原來是「犬孺」,不是「犬儒」呀!(冒汗)

C.M. said...

係犬孺?哎呀...邊鬼個翻譯呢個名詞架。

K said...

犬儒?定犬孺?

係犬儒--
Cynic (Noun) 1. (古希臘)犬儒學派的門徒
2. 憤世嫉俗者;玩世不恭者;好挖苦人者
Cynic (adj)1. 犬儒學派的

查中英文辭典皆是犬儒(sorry, 我認我係咬文嚼字之輩也)。

***********

>>最近還當了一回狗仔偵探,要在街角監視目標,扮路人、食客、遊客,套取軍情。

幫公司做神秘顧客? 做呢d偵探, 據悉有的係有錢收, 但大多數都係無錢。

>>我還是寧願當一個查根究底,找壞員工痛腳的公司偵探......

呀, 我無做好耐, 有的話, 預埋我。

***********

>>若果你自己身家中產,但成日都憂柴憂米,然後話自己唔夠錢,我就梗係Pro啦。之不過,自己只係憂無能力,憂自己唔夠責任感,咁我都唔會好Pro既。

話說上星期六(24/5), 唔知抽了那條根, 那整個上午我竟然看了您由今個月至上年十一月的posts, 忽然間, 我瞭解您很多很多。

難怪您有次的post講斷擔挑呀......, 我突然明白了您許多, 作為朋友而言。

講番轉頭, 我覺得您算很pro啦! 您又不需太擔心您的能力和責任感不足的問題, 有些事, 船到橋頭自然直(點解? 私下問我啦, 呢度唔方便講), 唔擔心得太多; 呢個問題, 我諗肥龍可能最在行。

最重要的係為人父親的您唔好厚此薄彼就得, 至於您話您果兩個既競爭力可能仲大d添......唔, 呢個問題, 若然幸運地我有的話, 再答您都未遲。

***********

剛過去的星期三, 唔覺唔覺地原來立法局否決了呢個動議, 您知道嗎?

K said...

又, 明晚找您......有料到(同上星期有關)。

C.M. said...

Karen:

犬儒... 個名詞咁樣,我梗係覺得,就算係犬儒學派,都唔會認啦。(有冇其他代名詞呀?)

***********

做狗仔,好攰。至於公司偵探,我做既時候,點都唔會話我係偵探啦。所以呢,無你份。=p

***********

... 乜你咁... Err... 拿,你話,我斷擔挑係咪千真萬確勒。

又,我真係唔Pro架。係,把口成日都好似叫人地生番個,但查實我真係唔Pro架。

(仲問Pro咩?Pro-giving birth,即係支持生仔囉)

***********

謝謝。我都有留意... 最初睇,我覺得班商家議員個理據唔夠充分。

seikomatic said...

CM,

俺只記得白姐姐個樣同佢既一句話:(大概)唔好林住用個仔去換(買/挽救)番份感情。

有無Dada近照。

K said...

>>唔好林住用個仔去換(買/挽救)番份感情。

我都記得白姐姐有講過呢番話, 不過係同我地呢班姐妹講o既。

當然, 像Julie Foster那一種的, 是exceptional case。

*************

>>至於公司偵探,我做既時候,點都唔會話我係偵探啦。所以呢,無你份。

無錯, if I were you, 我都唔會話我係偵探, 但總有例外。

除非我被人反跟蹤兼幸運地無被第三者踢爆身份吧(touch wood一句, 未試過)。

*************

>>Pro-giving birth,即係支持生仔囉

Oops! 糾正下您, 係支持生育就真。

不過, 您咁講又挑起我另一條筋......想寫番篇, 然而......(唔好意思, 真係欲言又止) 。

C.M. said...

精工:

啱架。白姐姐佢真係有心提醒我地。

至於阿Da呢,佢最近影左一輯出浴照,嘩!諗過先。

Karen:

Exceptional case? Jodie Foster?

另,難道你又想生?

K said...

>>Exceptional case? Jodie Foster?
您唔知咩?

>>難道你又想生?
請您在呢個問題上, 唔好用個"又"字(我第二次講啦)。別忘記, I'm still single.

唉, 呢期大家唔知發生甚麼事, 不是講結婚就講生育; 從來這個問題, 可以避得就避; 但係呢......當年紀漸長, 加上我那輩人開始有人做喜事的話, 就變得有壓力(仲要係愈來愈大那種), 更遑論您所講的支持生育論; 生得出來的, 要負責任的去教養; 但係是否生育, 除了有無能力和責任去教養孩子外, 還有考慮到開支, 男女雙方家長點睇(例如長輩想有男孫, 但呢d野係上天注定的), 自己伴侶點睇(例如想過二人世界), 自己點睇(例如自己點睇番自己的family), 身邊的朋友影響(例如touch wood一句:有朋友不幸地離婚), 以及教育和環境等因素(有些夫婦係因為覺得環境太污染, 寧願養寵物亦不願意生育)。

或者咁講, 這個結, 於我而言很難解(十五十六那種), 唔, 您係時候開解下這位小妹妹了(又, 可否私底下答呢)。

C.M. said...

Karen:

真係唔知呀,咩事幹?

**********

Oops,鎖你。下次唔用個“又”字囉。

**********

>>不是講結婚就講生育

或者因為呢排多人生呢~ 所以咪多左話題囉

>>有些夫婦係因為覺得環境太污染, 寧願養寵物亦不願意生育

所以寧願寵物受污染影響都唔想子女受污染影響?

K said...

>>Exceptional case? Jodie Foster?
此位荷李活著名artress(小時候做童星----名片:的士司機), 本身係lesbian, 但係想圓做母親夢, 於是透過人工受孕, 終生了個女兒。

That's why I say it is an exceptional case.

大吉利是一句, 若然去到差不多成40歲都未有another half, 不排除會咁做, 即使辛苦和要承受別人歧視亦願。

當然, 不希望要行這一步。

**********

>>所以寧願寵物受污染影響都唔想子女受污染影響?

解說(from我有位朋友):
要知寵物未必如人類般咁長命(除非養隻龜), 而且人呢, 要俾野佢食(while he/she was a baby)之餘, 又要勞心勞力地教佢湊大佢, 但又擔心怕佢學壞(所謂養兒一百歲, 長憂九十九), 又唔想佢地, 甚至以後下一代在如此污染的環境中長大......所以我那位朋友, 寧願養成三四隻狗, 都唔肯生呀!

"所以寧願寵物受污染影響都唔想子女受污染影響", 對他們而言, 係真的。

C.M. said...

原來Jodie Foster如此這般。謝。

你覺得一定要生?為的是...

K said...

>>你覺得一定要生?為的是...

在我回答呢個問題之前, 請先問阿moon上述問題----話唔定她的答案, 就是我的答案。

C.M. said...

佢話比我逼咋喎...

K said...

>>佢話比我逼咋喎
若然係咁, 學思媽以前成日話齋:不如生舊"___(食物名稱)"食下好過啦!

呢d野, 您情我願o架噃(否則呢d叫做xx, 我可以幫moon姐告您o架)。

其實, 女仔沒有經歷生兒育女, 感覺上就好似欠缺了些甚麼(引用老人家所講, 都唔係女人泥o既----maybe or may not)。

您係男人, 似乎都唔明我地女仔的心態噃(所以有時間見下面, 我又點醒下您知, 就唔駛在moon姐前出醜啦)!

C.M. said...

哦。你點話點好啦(查實我仍然係一舊飯)

Anonymous said...

嘻嘻~ 好明顯關我事喎, 阿狗仔偵探~
放心好了...我還沒瘋掉, 應該沒事吧! :D

C.M. said...

嘿,你未變瘋,但我早已發瘋!