Tuesday, May 06, 2008

管中窺「最」

Poverty is not a crime. Poverty is inability, not of those in it, but of those not.

************

VC又一次挑起小弟條筋。他在明兄的《反對最低工資》中問小弟,「有無從人力資源角度看只在兩行業推行最低工資的有趣結果?」

哈,雖然死線臨到,但不得不寫。

小弟「不大」支持最低工資,相信朋友都略知一二。但我不是反對最低工資的死硬派,我覺得。

不支持的主要原因,主要是:

1. 「應該」有更好的方法,可以提供更多機會讓人主動增加自己的工資,簡單如小弟一年前的《支持就業,反對合法賄賂》所提出的方案。

2. 幫忙、送贈或施與,不能沒有條件。其基礎理念跟我在冰冰那裏說的一樣:「人地最初唔一定係要魚,而係你覺得佢要,反正教人釣魚麻煩(或覺得放置漁具係自己屋企係阻地方既),所以唔理三七廿一就送條魚比人,或將成套漁具送左比人。」施者沒有從心出發的慷慨,受者也不能從心領受。

3. 削弱某些人(通過就業及與他人接觸)有肯定自我價值的機會。(如,。)

回到VC的問題。

假設香港於兩個清潔工及保安這兩個行業推行最低工資(時薪計算),並且公司亦同樣有自行(不是外判)聘用這兩工種人員。

既然這兩個工種的工資已經被鎖定一個最低水平,而作為人力資源部招聘的負責人,我會有數個計劃:

1. 新招來的清潔工,必須要有足夠的經驗和學歷。基層清潔工則只需要經驗和某些性格特質,毋須學歷。事實上清潔經驗非常重要,例如處理某些污跡的方法,或評估無法處理的情況,甚至對於突發情況的臨時應變。如果只是一般掃地、倒垃圾、抹檯、吸塵,時薪$30 (一個月$30 x 8 x 25)絕對不難。

2. 至於保安,時薪$30 則差不多了,態度要主動,要誠實可靠(Errr,咩叫誠實可靠?)。不過,另外會安排巡邏工作、消防設備檢查等工作給他。如果完全以保安為主,請某些年老的 Gurkha 也可以。

3. 一眾工資比最低工資更低的初級文員、辦公室助理、茶水阿姐、售貨員、中等經驗餐飲服務員,以技術、學歷要求計,肯定比清潔工為高(很多時亦比保安員為高),其工資都建議需要慢慢作出調整。原因是最低工資的出現產生了更多「互相比較」,作為人資管理人員,必須要顧及。

4. 因為(3)之各式人員的工資水平有所提高,亦勢必對更上層的加薪構成壓力,否則不能反映公司內部的工資水平準則。牽一髮,動全身。一個字:煩。

5. 除了保安員及清潔兩個工種外,各種無經驗人員可以繼續考慮。不過當這些無經驗人員獲得相當經驗後,必須大幅加薪至超越前兩工種的水平,以反映 reasonable pay for skill (relative skill/competency level)。

6. 以後保安及清潔這兩工種空缺,將不會(或不容易)考慮無經驗人員(尤其保安員)由公司慢慢培訓。清潔工,沒有辦公室清潔經驗,則必須要有打掃家務經驗,抱歉,不能爬梯、不懂計劃清潔用品庫存、還要他人照顧者免問。

7. 不擔心其他工種某些欠缺能力或經驗的人繼續擔當該職位,例如每天只能「摺信」,而不能作其他工作的。提高他們的工資的作用,最多只是告訴市民或公司內部人員,公司是所謂良心企業。

8. 由於預計到今年整體薪酬有上調壓力(主要為中低層人員,但人數不少),而不單只有個別工種的薪酬提升,所以企業對於來年加薪及派發花紅會較為審慎。(同事們,麻煩大家共渡時艱)

9. 既然工資預算增多,某些開支需要減少,例如辦公室用品、設備等。

10. 跨國投資機構等毋須擔憂,一來最低工資根本未必會影響他們的清潔工或保安員,二來,這等企業根本沒有欠缺能力或經驗的相關人員。

************

我話:老闆,報告完畢,依家一闊三大,或者唔係好多,你都要頂硬上啦。(若果呢個老闆開正清潔公司或保安公司,就要落力同客人講價囉)

老闆話:各位尊貴的行政人員同事,包括你呀C.M.,唔該聽日自己報個數比我... 報咩數?減人工呀!

************

米之《
量之《
K之《

10 comments:

余若虛 said...

開左個頭,管得一樣,跟住就有其他野要管。好似大陸咁,管成品油價,管唔到油價,結果由下游慢慢管返上去,又走返舊路。

C.M. said...

無錯,小弟係年頭思考最低工資對於公司內部既衝擊時,就出現你個想法。

又以小弟非常膚淺的經濟學理解,直覺話:o係剛剛推出或提升最低工資基準既其中一個影響,就係引起通漲。因為無論成本轉嫁給客戶還是其他員工(轉嫁其他員工會否反而壓抑通漲?諗唔明)。

通漲幅度當然由最低工資的多少決定。到最後,最受影響的,就是所有基層。影響更大的,尤其是香港這種以內部消費帶動的社會。

諗諗下,我好驚。

關於出現通漲的可能性,能否指點一下小弟?

Geoffrey Kong 江貴為 said...

> 管得一樣,跟住就有其他野要管

大把外國國家都唔係咁,所以可以放心。

C.M.兄,你既然用HR角度探討最低工資,我都不訪插下嘴。

假設實行最低工資,令月薪提高$1000,一人一年就增加$12000,兩人一年增加$24000,大標概係一個中層嘅月薪,依此推算,每24個受惠最低工資的職位,就會影響一個中層職位,究竟對一般公司有幾大影響?如果擔心最低工資提高勞工成本,減少增加公司內嘅中、高層增位可唔可以解決問題?多謝你賜教我呢個無實際社會體驗嘅人!

Karen (Sze) said...

Geoffrey,

>管得一樣,跟住就有其他野要管
大把外國國家都唔係咁,所以可以放心。

咁又未必, 相信您都知甚麼是連鎖反應吧? 打一個假設: 假設香港真的行銷售稅(GST), 以政府的角度而言, 管的不只GST如何收取, 還要管那筆收入如何運用, 然後又要管埋那些商戶是否濫收......。

所以, 我同他們一樣, 最怕見到呢種衝擊, 由小變成大。

又, CM未回答之前, 容我以HR的身份先插住答您的問題:

1. 您的假設好似有D問題, 係咪assume那位中層每月只得$1000人工呢?
2. 又或者應該adjust番一些information: 假設實行最低工資,政府要求所有每月做清潔的職位salary至少要$5,000, 一間清潔公司有100位員工, 每位員工的學歷由小學至中三程度都有, 做的職責一樣; 但係對一些年資高, 較多清潔技術(例如係得佢有證書資格去使用大型清潔機器, 兼且學歷高, 但公司要meet番最低工資, 又唔夠錢加佢人工, 造成那位工人的salary要同一班年資淺的清潔工平起平坐, 對那位工人而言就感到不合理。
3.對公司而言, 當然人工支出大o左, 公司除了開源, 只有節流, 例如把所有清潔工, 不論年資, 學歷和技術等, 劃一salary, 無得升職; 當然減少增加公司內嘅中、高層職位和凍薪亦是方法, 不過我係HR的話, 若然我請一些multi-skill的清潔工甚至管理員工的人才, 就一定比以前困難好多, 原因係招聘的公司多數只肯pay政府set定最basic的salary, 不能吸引一些新血甚至高質素員工入職。
4. 再者, 把所有清潔工劃一salary, 由於整體行業所做的都係一樣, "做又三十六, 唔做又三十六", 員工生產力以致競爭力亦減低了。
5. 再廣泛而言, 會影響整個行業以致整個城市的競爭力。

如果可以的話, 不如今年summer holiday, 您來香港做一份基層工作(當然您必須係香港居民啦), 感受一下吧!

當然, 睇埋CM點回應您啦!

******************
CM,

先感謝您! 無您呢篇文, 我都只會回應數句就算(換句話講, 我係寫緊篇野答番您)。

Karen (Sze) said...

又, 剛好寫好了; 不過, 亦引用您的十點方案, 只是有所補充, 給點看法; 其中有兩點方案, 略有意見。

大家俾下意見, CM如果想把我篇文link入您的文中或意見度, 都可以。

C.M. said...

江兄:

作個例子,例如實驗室。

假設每12個實驗室技術員/Lab Technician需要一個主管,若每個技術員都加薪$1000,那24個技術員就可能只能有一個實驗室主管負責。

這一個主管若能處理24個(原本12個)技術員,當然最好,但若不能,這些額外12個人的工作便需要24個技術員分擔。由於主管可能需要處理非“前線”工作(例如處理文件、協調優次、安排物資、調解爭執等),那這些工作便需要交由24個技術員分擔。

至此,有兩方面的看法。

一、若技術員其實有空間/能力應付,又或制度上有改善的地方,又或科技可以幫助改善,那技術員的最低工資(或減少中層管理人員)或許可以促進企業的進步。(但以企業來説,似乎人數會傾向縮減 - 即影響就業)

二、若企業本身已經發揮最大效率(一般來説,小弟認為沒有最大效率這一囘事,但有optimal efficiency),那或許只能以轉嫁成本予客戶、縮減其他開支來應對。

C.M. said...

Karen:

關於 4. ...由於整體行業所做的都係一樣...

我的想法大致類同。最低工資根本不能夠“鼓勵”人更上進。

關於你的文,小弟回應了,如下:

你說:

5....大幅度就有保留, 最好就按其經驗、是否有進修、工作技能是否有增加甚至提升、公司業績和經濟因素等決定。

我話:

我所講既“獲得相當經驗”既意思,就等於你所講既一連串...的意思。不過,我還有一個考慮,就是曠持日久,拖得太耐,就算佢未有所謂“資格” 獲得相應工資水平,都會考慮加薪留人。

見自己又識電腦,工作又無出錯,就算我無進修,點解人工仲低過清潔工?

否則,到人地眼紅到忍唔住向你話人工低先考慮話調整,你話幾咁唔好睇?有一樣很重要的經驗,就係對於工作流程、工作環境既熟悉。呢樣,好貴。


你又説:

6....不同意"沒有辦公室清潔經驗,則必須要有打掃家務經驗"的意見, 僱主話:有就有, 無就無; 而且, 以後請這兩種工種人員, 保安一定要持有效保安牌, 清潔的就要修讀有關清潔的證書課程。

我又話:

明白。不過我請人,唔會死咕咕,“一定”要有所謂“相關經驗”。好多人既相關經驗,根本完全唔相關,而且,呢d基層職位,有相關經驗固然好,但唔係成日可以遇到。我預計既最低工資,應該唔會太高,所以可以以學習態度、解決問題能力等等其他方面搭夠。

C.M. said...

題外話:

至於有人認為企業可以考慮縮減利潤,小弟認為絕對不切實際。

企業就算不追求所謂利潤最大化,但仍然會追求比去年/過去更高的利潤及回報。良心企業維持的良心,仍會以過去業績作比較。

而且,一方面認為企業沒有良心給予工人合理工資,另一方面要求企業要有良心,接受低利潤。我認為絕對是人格分裂的要求:企業有良心就自然會給予合理工資,沒有良心的話,肯定仍然繼續沒有良心。最低工資,對於前者,根本不適用,對於後者,根本無效。

Karen (Sze) said...

再補充:

1. 之前講"領滙"一文, 實際係寫商場廁所, 點知變成屋企廁所, sorry! 商場廁所係領滙找contractor外判洗廁所, 但係據悉maintenance係由領滙做番, 有日去其廁所, 點知發現5格toilets裡有2格壞, 問其該名商場廁所清潔姐姐, 她話: 壞o左成個星期呀! 講o左啦! 不過要2星期後至有得整。同以前房委會相對, 作為私營機構, 這個benchmark應該fail。

2. >>企業就算不追求所謂利潤最大化,但仍然會追求比去年/過去更高的利潤及回報。良心企業維持的良心,仍會以過去業績作比較。
而且,一方面認為企業沒有良心給予工人合理工資,另一方面要求企業要有良心,接受低利潤。我認為絕對是人格分裂的要求:企業有良心就自然會給予合理工資,沒有良心的話,肯定仍然繼續沒有良心。一方面認為企業沒有良心給予工人合理工資,另一方面要求企業要有良心,接受低利潤。

一間公司要生存, 就要有利潤, 要繼續生存, 就要賺取更高利潤; 若然一方面要求企業要有良心,但又另一方要其接受低利潤的話, 何止人格分裂, 直情係要倒閉(農場餐廳係一個想做良心企業, 但不幸地低利潤而最終結業的好例子)。做良心企業, 係會令公司提高商譽, 但before that, 請賺多點利潤(資本)才去做, 否則只會吃力不討好。

您的話, 我看到了, 但需要時間回應(幾日內啦)。

題外話: 話時話, 我好似未試過同您討論咁多o野出來(由社企到最低工資)! 幾暢快! :p

C.M. said...

:)