Friday, July 25, 2008

肉搏身邊事

無獎競猜遊戲 2 - 答案

1. 咪因為終於斷左擔挑囉。(你地真係醒目)

2. 究竟做人 specialized 好d定generalized 好d,你話邊可以分得咁清楚呢?梗係各有各好啦。(查實... 有得揀咩?我呢,條路就走左去generalized果邊囉。)

**********************

中產福利少?

嗯,好勒,首先你話究竟「應唔應該」「交稅」先?若果你話唔應該,咁就無野好講勒。

又,若果你話應該交,但係唔應該交咁多。好勒,咁你究竟認為「應唔應該」「能者多付先」。若果你話唔應該,咁又就無野好講勒。

又,若果你話應該能者多付,好,我想問,作為納稅人,咁你認為「成個香港」左幾多比你呢?

1. 享受高薪工作機會
2. 享受低薪外籍僱傭服務
3. 子女入讀貴族學校的機會
4. 完全享受免稅額、低階累進稅基
5. 買靚車、用貴油
6. 住靚屋、免稅傢俬
7. 食靚野,連豪華裝修
8. 出入境比其他人更自由、更公平
9. 乜稅物稅寬免(紅酒、消費、住屋利息、買賣股票印花稅)
10. 仲有其他,唔該其他同志們駁落去。

納稅人,你試下去第二度睇下搵唔搵到?

嗯,不如問下其他人丫,例如... 共鳴錢從何來第一千九百五十八天:好無聊記 (係呀,我係偏袒呀,點呃?)

又,可以睇下冰冰 及()、()同危樓姐姐以及狼校長點睇。

**********************

情緒叉輪廚

正如阿米爸話齋,真係好多叉輪廚,其中一樣就係情緒。

曾經講過,DaDa出世果屎,我已經撐唔住。要死,全身散曬,久久不能回復狀態。雖然慢慢復原,但仍有後遺症。而呢種後遺症,就係阿細(Errr.... 仲未知叫乜名)出世無耐又蠢蠢欲動勒。同阿邊個來往左兩句之後,覺得好攰,發軟蹄,想大覺瞓,連打遊戲機都唔想(喂,風頭火勢,想死咩)。

但就係呢一個「唔想」,令我諗起,點解我打機就通宵都可以打死老虎,但竟然應付阿細就唔得?

...... 分別只係因為我覺得「開心」定「唔開心」。

我諗,道理同各位阿姐行街買衫、阿哥逛電腦商場、阿嬸去十間超市格價、阿叔去買馬一樣。

就此,我呢幾日就突然一d都唔覺得攰,仲生猛曬。嗯,似乎我好有機會擺脫個抑鬱症。真係,多謝曬。而我亦開始明白到,咩叫做「壓力」,咩叫做「動力」勒。(嘿,睇我幾時有機會搵下屬做實驗品先!)

**********************

Backlog...

自圓其說、辦公室政治、貪污、誠實與科學及言論自由、IQ題、偉明的單戀故事... (蝦,仲有冇漏呢... 查實漏左:Strategy - Indirect Approach)

29 comments:

Betty said...

虽然中产享受了许多, 税种和税率也可能比其他先进国家少,但不要忘记, 香港的福利不足以维持退休后的安稳生活, 所以中产如果不想生活质素下降, 必须要投资储蓄. 交纳的税金确实是大部分补贴低收入人士, 很少中产能够受惠呀.

K said...

1. 真係恭喜晒, 記得寄俾我(上次講過, 希望您記得)噃!

我想契阿細呢(真的)!

呀!提阿moon要食下薑飯, 對身體好o架(思媽教o既)!

我地唔係醒目, 係估到您的心諗緊甚麼啫!

2. 我早就講o左啦!

***********

坦白講, 您所列的1,3,5,6,7, 係各位以自己能力才得到的結果, 不是上天給我們的; 2,4,8,9係政府俾的, 但有些中產人士係都話唔滿意, 要政府再給多點......咁那些"五無"人士呢? 又點呀?

***********

差d以為您都有產前抑鬱症呢。

您其實想講:早知今日, 何必當初呢! 米都煮成熟飯咯, 唔生都生了兩個啦!

您都咁大個人啦(嘿)!同得阿moon結婚, 您都諗到有今日的結果啦!好心您唔好再逃逸責任啦(再咁落去, 我就o黎契埋您做細佬呀!)

不過咁, 多了呢個動力, 您從此多了個奮鬥目標了!

正能量萬歲!

***********

題外話: 您係咪回應了我的新post呀?

若然唔係, 似乎那位D君回覆錯了。

said...

1. 我估唔中一d都唔醒!
2. 我仲掙扎緊...個浪推左我去generalize果庶...我搏命游向specialize果邊更specialize果度!

>嘿,睇我幾時有機會搵下屬做實驗品先!
嘩!好彩你唔係我老頂遮!嘿嘿!

>蝦,仲有冇漏呢...
有!我要/中意聽小狐狸既故事!

Hana said...

我一啲都唔想係香港交稅!!!
因為乜野福利都俾唔到我!!!

我係盡一切可能逃稅!漏稅架!!!

又:果晚Errr...完之後就精神咗/生猛曬?
哈哈!

Derek said...

個問題唔係交幾多,最重要係d錢用得其所。

百幾億捐上大陸,我真係唔知原來香港d錢多到咁嘅地步囉

C.M. said...

小瓶子:

歡迎呀。(嘩,你好漂亮耶!)

(唔,小弟還是先要變臉方免受惑)

其實我絕對不會忘記香港的福利不足以维持退休後的安稳生活,因為,香港不是福利社會。

小弟希望指出,福利,不只是on monetary terms,更是整個環境。倘若過分關注稅種稅率繳稅多少,那所得出的結論,自然是中產只有付出,沒有收穫。

可是,中產所享受的,並不只是金錢上的回報,還有(1)在生活上的各種差異和(2)爭取回報的環境的差異,取得「福利」。

(1) 生活上的差異,包括衣食住行上的便宜、便利

(2) 而爭取回報的環境的差異,則包括投資機會、進修機會、就業機會等各方面的優勢

試想象,在完全中產的社會(均富),這些便利和機會將不復存在。

中產其實一直受惠。

C.M. said...

亦:

(嘿,你好似差d比人燒到燶曬播)

1. 下?乜你估唔中咩?你讓我咋下化...

2. 咪住先,你係咪講緊份工呀... 若果係既話,我同你個情況一鬼樣。而且游呀游、游呀游... 咦?點解有三件野拉住我隻腳既?(哎!唔好比人聽到!)

>>嘿嘿!

嘩嘩!你做得我老頂有餘喇!

>>小狐狸既故事

好快好快...

C.M. said...

(哎呀,暈浪暈到skip左妹妹添)

Karen:

1. 一定一定!(估到我個心諗緊乜...唉,好多人都話我唔識講大話又冇秘密,原來係真既)

2. 梗係Balanced d... 嗯,壓力平均d咁喇

**********************

>>1,3,5,6,7, 係各位以自己能力才得到的結果, 不是上天給我們的

若果你睇真d,都可能會睇到我講既野。雖然唔係上天比我地,但亦唔係完全因為自己能力先可以得到。

>>2,4,8,9係政府俾的

先撇開有冇中產不滿果筆。但呢批福利,係中產以下人士/家庭唔容易享受到既。

你認為有家庭傭工好大負擔咩?
你估唔洗交稅真係開心過人咩?
我都想去旅行,但頂籠去深圳。
我都想有閑錢交股票印花稅呀。

多與寡,因人而異。但邊個比邊個更eligible去享受某d福利,中產人士可以計一計。

**********************

產前抑鬱就冇,產後抑鬱呢,就幾乎有勒。

>>好心您唔好再逃逸責任啦

良師曾訓示我唔好逃避責任。雖然最初我是同意的,但同意的結果,就是誤把不該負的責任都負了,最後,就是崩潰。

人若認為自己萬能,女人(/男人)若認為無論任何情況,男人(/女人)仍要完全肩負「所有責任」,那此種不對等,很可能不能為家庭帶來更大的幸福。

**********************

B君,唉。咪小弟囉。

C.M. said...

冰冰:

(嘩,又要變臉,真係幾攰)

咁你又唔洗咁踩自己爆自己大鑊既。查實就算係真,都一樣可以有貢獻。

我最想講既係,若以為福利同貢獻完全可以用錢黎計算,咁根本就忽略左「人」呢個最大因素。

冰冰,你係香港教左幾多個小朋友彈琴?又教曉左幾多個妹妹仔人生道理?有冇身體力行叫人唔好做壞事?

就算一個垂死既植物人,佢既「生存價值」唔係淨係睇佢能唔能夠為社會多賺一分一毫,亦唔係睇佢消耗左幾多醫療資源,更加睇佢係唔係浪費緊地球資源。佢其中一個重要既「生存價值」,就係燃燒愛心。

亦所以,我唔希望人只係以金錢黎衡量社會付出與收穫,更加唔希望人以資源黎看待自己的價值。

C.M. said...

(至於果晚呢... Errr)

C.M. said...

Derek:

>>個問題唔係交幾多,最重要係d錢用得其所。

你呢句呢,真係好多唔滿意既中產都應該聽聽。

(唉,坦白講,一向樂觀既我,都開始擔心個遊戲規則出現變化)

C.M. said...

Errata:

...in monetary terms...

Betty said...

其实我觉得salary tax 可以调低些, 但一些高消费物品(例如LV)或高污染物(例如汽车/汽油/香烟) 应该可以再加税. 香港地方那么小, 公共交通工具又完善, 其实根本不大需要私家车. 如果真是很有钱, 就算调高那些税项几倍, 也对他们没有影响.

GK said...

交稅性質本身就好似供保險一樣,試問有幾多個可以供幾多就擺番咁多(除非係老年時擺番D醫療保險去用)?況且香港稅率咁低,所以交稅無得計較咁多。

C.M.兄:你擔心乜嘢遊戲規則變質?另恭喜你家庭增添新成員!

said...

借問聲,阿細係仔泥架呵?可唔可以介紹俾米b女識呀?你知啦,宜家香港男仔少呀~

恭喜晒~

C.M. said...

小瓶子:

嗯,感覺上都同意你的想法,但亦覺得要審慎。就用你的例子,雖然調高私家車相關稅項或許對有錢人沒有影響,但就連私家車所連帶的非金錢上的影響便同時扼殺(中文文筆不好,意思不太完整)。例如私家車可能會讓那些一家人或親朋好友可以在閑時到西貢郊遊,或讓中小企老闆可以方便接待客人,又或讓無車不歡的港男港女們多一個話題。私家車倘若成為有錢人的專利品,到時香港的樂趣又何在?

江兄:

真係講得好啱。交稅幾乎等於交保險,但同時亦係交緊maintenance。

啊,個遊戲規則就係:港人治港。

(多謝!!)

阿米爸:

咿...乜我仲比唔夠提示咩...?(定係我太隱晦?)呢~ generalized 呢~

L L said...

cm 兄:

中產受惠,但草根受更多的惠。不過,這我都接受。

我也不是因為有人濫用綜援而不想交稅,只是情感上覺得好無理由,好反感。

我當然知道在人性社會,這必見之惡一定存在!但政府有把好關嗎?有做好應做的事嗎?

不要因為有保安、有醫療、有教育措施就理直氣壯向我收稅,個問題是,你們做得夠好嗎?

好,就算觀感難有客觀的尺,你不容許我主觀嗎?不許我罵?不許我有不想交稅的感覺嗎?

不想交和不去交是兩回事。正如不愛和離婚又是兩回事!

波蘿游 said...

CM

唔止generalised,仲係 diversified 添,分散投資,高見(高招至)

恭喜! 恭喜!

C.M. said...

狼校長:

唏,到有資格交稅但唔想交稅咁個個都係架啦。

其實個情況同阿女交學費、公司出糧、比屋企家用一樣,呢d費用並唔係視乎阿女有冇讀好書(或老師有冇比心機教)、員工有冇做足100分、老婆阿媽有冇買足餸一樣,咁囉。

想唔想比一件事,比左做得好唔好又係另一件事。至於點解要比,或者比得順唔順氣又一件事。

所以我覺得你講得好啱架,唓,我都要話比自己聽我係唔想欠左人先至俾咋(不過唔多明你講客觀/主觀係指咩事囉... 比d提示丫...)

波老闆:

哈哈,好耐無見。多謝多謝!(啞子食黃連呀陰功)

L L said...

c.m.兄:

我嗰邊答咗喇!

K said...

>>1,3,5,6,7, 係各位以自己能力才得到的結果, 不是上天給我們的

若果你睇真d,都可能會睇到我講既野。雖然唔係上天比我地,但亦唔係完全因為自己能力先可以得到。

知識雖然可以改變命運(尤其係1), 但係的確"唔係完全因為自己能力先可以得到", 例如人的因素(您遇著係好老闆定係衰老闆?), 市場經濟環境, 以及運氣等等。

>>你認為有家庭傭工好大負擔咩?
對一些family而言係(但亦有extreme cases, 如變相減人工等)。

>>你估唔洗交稅真係開心過人咩?
Of Course Not!我係最好例子----雖然呢兩年touch wood唔洗交稅, 但係俾屋企家用的錢亦唔少(如水電煤和租金等), 仲要留一筆錢讀degree(約$100,000-$200,000), 唔洗交稅都唔一定係開心。

>>我都想去旅行,但頂籠去深圳。
我差過您, 頂籠去到海洋公園(平日), 遠d去長洲(都係平日)。

>>我都想有閑錢交股票印花稅呀。
今年一張都未申請過, 上年申請的已放晒用作本人的讀書基金。

>>良師曾訓示我唔好逃避責任。雖然最初我是同意的,但同意的結果,就是誤把不該負的責任都負了,最後,就是崩潰。
凡事亦要balance和需要與身邊的人溝通, 尤其係家庭。

***********

題外話:轉新theme時, 有諗過把自己張相(好似hana咁)post出泥, 但係我一諗到您和各位bloggers的反應(如"嘩, 您真人都唔靚o既"和"先要變臉方免受惑"等), 加上樣子不及各位女blogger漂亮(呢層, 您知的), 所以暫時作罷。

C.M. said...

狼校長:

(終於比較有空)

我之前說交學費、出糧等的意思,不單說關係(其實關係雖不一樣,但性質都是契約,就算與子女的都可以說是契約,不過還對於大部分人加添了包含血緣和傳統的約束力)你同樣可以掉下子女,也同樣可以離開社會、國家。你認為呢?

而且,我所說的重點其實是,任何政府施政**之前**,都需要稅收支持,不論施政效果如何,都是收稅

倘若假定現時政府按照你過去一年的收入來納稅的原則,這個原則便正如你與學校工作一樣,你先工作,按照你的工作發工資給你一樣。

這樣可以留意到,你此刻所能享受 (eligible)但縱使沒有享受到(forfeited) 的福利,其實已經包括施政裏面,也就是說,現有的福利,正是現在未納稅但政府先替你預支了的。

因此,若說你覺得施政不好而拒絕交稅,情感上,我與你相同。所以我也跟冰冰說,我不想欠了這個政府。

******************

而你說可以離開、移民、公民抗命、甚至革命。當然可以。(套用子女,亦同樣可以因為子女不仁不義而與之斷絕關係)每個人也「可以」去尋找自己的理想。但容我一問:你現在有這樣做嗎?

我這個提問不是責難,而是若你的答案是「沒有」,那便可間接證明任何人都正在享受政府所提供的福利和條件。因為,你現有的,正正是這個政府所維持的環境、福利所提供的。你所得的,並非白白單憑一己之力所得的。稅收的大部分,是maintenance according to preset rules and laws,不是開發新項目的。(又,你認為法治重要嗎?公務員廉潔重要嗎?)

而我,坦白說,不是打算這裡說服你要像我一樣想,或覺得誰人主觀客觀。我只是企圖寫出、理清自己的感受罷。

(上文亦在此處回覆狼校長)

C.M. said...

Karen:

我話「先要變臉方免受惑」既意思,好明顯係若果我唔變臉(甚至對方唔變臉),我就好容易受到誘惑。輕則開口cup著脷,重則前言不對後語。

喂,咁既情況,你叫我點認真同人議論呀。

K said...

>>我話「先要變臉方免受惑」既意思,好明顯係若果我唔變臉(甚至對方唔變臉),我就好容易受到誘惑。輕則開口cup著脷,重則前言不對後語。......你叫我點認真同人議論呀。

CM先生, 您唔面對人("變臉"包括擰轉面和唔正面望人講野)或者對方如此"變臉"的討論, 咁樣係好無禮貌的表現(即使依家對方唔係正面同您講)。

怕受到誘惑, 最好的方法不是變臉, 係見佢個額頭; 呢招係有位HR高人教授我輩害羞之群, 即使見到最靚和最醜的人亦唔驚開口cup著脷,講錯說話和前言不對後語等。

您同Hana和小瓶子就要"變臉", 係咪想話她們樣子很靚, 咁其他女blogger(包括我)就.......。

C.M. said...

... 拿,你睇下,我一唔變臉就比你呢位靚女誘惑左勒,搞到依家開口cup著脷添!

(你就睇在我條脷家陣流緊血既份上,放過小人一馬喇...)

K said...

依家我塊面一撻撻紅印又甩少少皮都話靚女(無錯, 又敏感喇)?唔係fa?

C.M. said...

保重呀咁。

L L said...

c.m.兄:

我條氣唔順啫,唔代表我唔忍哩啖氣。其實要反省嘅反而喺啲官。

記住,佢地唔係主人,我更不是身受其恩的受助者,佢地做得唔好,我咪 '焚'佢囉!要下台要走佬嘅,應該係佢地!

C.M. said...

狼校長:

好明好明。