Monday, July 28, 2008

不請自寫的跋



遠方來鴻,喜不自禁。

唯有不請自寫一個跋(),以表心跡。

於何年何日碰上魔術師早已不能考究。不能者,非無能,實不為也。 雖然與之認識不足兩年,但我所認識的魔術師,似乎在這兩年間,隱見改變。嘿,或許君不曾變,乃小弟無知罷。就讓我回敬魔術師哥哥的美意。

來了。


兩年前我所見既魔術師呢~

唉,不解不解風情,不解不解溫柔,咁囉(拿,意思係對女仔 jet,唔係對我)。好惡死架。

係辦公室呢,想食人咁款,總之你地身邊班友仔做野唔該醒醒定定,好似機械人咁你就死梗勒(雖則機械人又真係好鬼難頂)。

去街?唔好講笑喇。佢一係睇書,一係聽音樂,總之肯定悶到你地班港女抽筋兼無癮。若果你地淨係識飲飲食食落 D 唱 K 開 P 行 MK 既話,識趣就唔好痴埋去勒,唔好話我唔單聲。

仲有,你唔好用英文呀學歷呀咩咩經驗撻佢添呀,佢周身刀隨時可以叫你無地自容呀。(妖,唔怪得冇靚女埋我身喇。)


兩年後既今日呢~

總之,睇完本書,你就知道魔術師依家變成點勒。


題內話,有邊位女士正在尋覓心目中既理想男士呢?

請到伊謝爾倫報到。

(魔術哥哥,題外話......你能夠比我用一個新角度睇返自己,真係一種好特別既體驗,多謝哂!)


11 comments:

dog o said...

>>...淨係識飲飲食食落 D 唱 K 開 P 行 MK 既話...

er.... may I know what's wrong with these?

:)

Karen (Sze) said...

>>若果你地淨係識飲飲食食落 D 唱 K 開 P 行 MK 既話,識趣就唔好痴埋去勒,唔好話我唔單聲。

我放工的地方一定會經過MK, 而且多平o野食(12蚊碗菜肉雲吞河唔該)咁都有問題?

不過, 我冇咁單調。嗯。

>>妖,唔怪得冇靚女埋我身喇。
我今晚話俾您老婆知。

您小心囉, 呢句話, 得罪了不少同您見過面的一眾女士啦!

不敗的魔術師 said...

唯有寫返段多謝CM兄啦...

C.M. said...

On:

Um... there's nothing wrong with those... did I say there was anything wrong with those?

Can't get it.

Karen:

>>咁都有問題?

唔明。係咪我表達有問題?

Well...

一)我話「淨係」。
二)我都冇話有問題。
三)關我鬼事咩(又,我估下魔術師點渣嘛)
四)呢d頂籠咪兩年前既事...(又,都係估下,即係亂up =p)
五)就算係真,呢個只係條件遮,你有得揀,人地都有得揀

至於兩年前係咪真係有問題囉喎,你問下當事人喇(嘿嘿,我就推得一乾二淨...)

>>話俾您老婆知。

哈哈,唔洗,既然冇人埋身,咁就自然發現唔到喇。

>>呢句話, 得罪了不少同您見過面的一眾女士啦

嗱嗱嗱,我呢個死口唔認架。就算見過一眾貌美女士,但係佢地都無埋我身喎!

C.M. said...

嘩,魔術哥哥... (小弟牙關打震)... 你唔怪我... 借你過橋... 抽你後腳... 砌你生豬肉... 我已經心滿意足... 囉。

你大人... 有大量... 饒恕小弟... 一次咁多喇... (下次再犯... 先再算... 喇)

余若虛 said...

cm兄,多口一提...

後面定應見跋呀。前序後跋。

C.M. said...

(On兄,hehe,我唔會咁易中你計既...)

若虛兄:

多謝!查實唔係你講,我都唔知原來應該(甚至有樣野)叫後跋。多謝提點呀!

Karen (Sze) said...

>>哈哈,唔洗,既然冇人埋身,咁就自然發現唔到喇。......我呢個死口唔認架。就算見過一眾貌美女士,但係佢地都無埋我身喎!

有噃!咪您個女囉!

仲有, 您同四周圍的人不斷大晒"有女(兒)萬事足", d貌美女士點敢埋您身呀!佢地唔驚俾您老婆打佢地咩!

C.M. said...

唏,咁阿Da唔係女士丫嘛,總之無貌美女士埋身啦(Typical的男人死口唔認法,CK教既)

>>d貌美女士點敢埋您身呀

唉,原來係自己攞黎

xiao zhu said...

Errr,我諗應該唔需要用個"後" 字,跋本身嘅意思已經係指寫喺書籍或者文章後面嘅短文或者評價之類。

C.M. said...

下?

嘩,中華文化,博大精深...