晚飯餐單
今晚有灼菜心，鮮菇豬扒，豆腐蒸大魚，還有紅蘿蔔煲豬骨湯。
昨晚，不記得了。大前晚，也不記得了。
一般都是三個菜，湯一星期一次左右。
剛結婚的時候，三個菜會令我慨嘆吃得太飽。常著她，兩個菜夠了，一份冬瓜煮瘦肉，加一份青菜。
縱使有兩個小朋友在，我還是覺得，兩個菜已經足夠。太豐富，小妖精們還不是要偏吃那三兩味，大人們還不是一整碟留待明天清貨。
喜歡的話，一兩道板斧早可滿足半生。不喜歡的話，萬人空巷大排筵席仍解不了一生的飢渴。
（掃興之言，還是說過就算）
Wednesday, November 18, 2009
Subscribe to:
Post Comments (Atom)
13 comments:
內子和我是無飯夫妻,見到你的餸菜名稱已經流晒口水...
唔。
咁細個已經偏食，係大人嘅責任。
修正：
細個開始偏食、而持續，係大人嘅責任。
CM
寒冬熱飯住家菜，好窩心呀 ！
最緊要唔好偏食就得，不過偏食是由大人的習慣而起，如果大人咩都食，d細一定唔會偏食。
呢樣其實好重要，除左健康外，還是長大後出來做事，如果有偏食，人地會覺得好裙腳feel。
CM兄所見既餐單都非常健康，好事喎，小朋友從小吃清淡食物，絕對有助身心健康發展。
CM,
前一陣俺媽抱樣，要俺去行街市買菜燒飯，本來覺得駛乜林主咩送呀，見到乜就買乜，有咩難度，結果成個禮拜都系綠菜心。
白字勿怪，因為輸入法無左同音字功能。
心意値千金，我都常常講…
苦瓜兄： 查實做模範夫妻都唔錯，可以騰空多d時間做其他事。
昂兄： 多謝。
Abigale： 盡力。
波老闆： 哈，唔係你提我，我都未必覺得。
鹿米： 個餐單一路都係太座訂，我呢，掛住食。嗯，諗落真係幾均衡。
晶晶： 令壽堂如今安好？祝身體健康。
Anon： 所以我餐餐都好貴。
C.M. 兄，
咪幾好囉，一家人坐埋一枱開飯，兩個菜、三個菜都好，有時可以轉吓款式，食湯麵或者意粉啦～
龍兄： 哈哈，就聽你意見，今晚睇下有冇麵食先！
>>兩個菜已經足夠。
十歲前還可以, 再大一點就要三個餸才可以(小孩子長得快嘛)。
食得清淡一點, 好過食d所謂好味道的東西, 只有滿足口感而沒有實質營養, 好易變肥仔肥妹又有高血壓就唔好了!
阿嫂識整幾味, 咁就留到您囉!
所以宅女們如我, 間唔中都會煮飯仔(否則又會有人話d港女唔識煮飯呀)。
Karen:
＞＞阿嫂識整幾味, 咁就留到您囉!
下，咁係咪借傢依話我容易身痕先... =p
我地食得清淡，查實源自不少環境因素，其一附近沒有多少餐館，其二一個湊兩個做太多菜落太多料會很繁複耗時，其三... 經濟情況喇唔洗講。
十歲之後... 我在考慮係咪應該由佢地煮飯呢？
Post a Comment