Thursday, November 26, 2009

此刻的人生目標

給自己一點誇獎,我的成就源自天資。若加點說教的味道,這個天資正是上天所賜的。

之所以說成就,大概意思就是笨拙愚昧的行為,輔以冥頑不靈的態度,添點自以為是的天資,得出此情此景之餘,竟還有機會寫下這樣的人生。

從功利角度,我就是死好命,或者是符碌過關。

會考相比同輩,學業成績差勁(沒女吼),僥倖進大學,論文的序像打大雷,惟跋是毛毛雨(因為沒女吼),剛畢業的工作渾渾噩噩,幾乎被上司炒掉(所以沒女吼),換過戎裝出來自僱換來一身欠債(更加沒有女吼),往後人生嫁娶如常,膽大妄為捱出兩個化骨龍(難道理所當然就此沒女吼?),輾轉回到原來工作的地方,繼續當個不進則退卻又進退兩難的小職員(禍延下代沒女吼)。若非有兩下子的三腳貓功夫,如今這口飯該輪不到我。

都是死好命。知人生福伏禍倚,好景不常,所以更不想符碌過關。

人心激蕩之時,可以振臂高呼人生有多少個十年。虛怯之時,又會想想身邊人又該值得有多少個十年?

此刻的人生目標,就是稍微的等待,輕輕咬牙忍耐,不作半點嘆息,積極打理好身體,為腦筋作點準備,好讓機會來臨之時,不會太過後知後覺。

此刻的人生目標,就是享受全家可以一起卑微過活的日子...... 開飯!

12 comments:

Anonymous said...

給自己一點誇獎,我的成就源自天資,
個人推斷,你有很多思維功能是資優級別,即一三零以上。應該會"禍延下代"下一代, hoho
Nic

Ebenezer said...

哈哈!沒女吼,你好抵死!!

波蘿游 said...

大師話既:

“看破、放下、自在”,
“世事多艱,食得是福”

篤篤篤撐 said...

享受全家可以一起卑微過活的日子...... 開飯!
>>>呢個目標好偉大 !!

bittermelon said...

你的人生目標看似簡單平凡,但其實要做到是很難的...CM兄加油! 共勉之^^

Anonymous said...

喂喂~! 大佬! 雖然太座唔會睇到, 但都唔好沒女吼前沒女吼後啦!

開飯!? 夠哂啦! anything else we need?

黑人 said...

沒女吼?

叫你打鞭佬你又不來 ~
哼哼哼

C.M. said...

Nic:

唉,可惜未禍延下一代之前,果兩個下一代已經禍及上一代呢~

以便:

呵,你睇,呢度全部痲甩佬/仔,仲唔係沒女吼!?

波老闆:

施主,記得記得,民以食為天,隔離飯香d丫嘛,記得記得。

篤哥哥:

我想再偉大d,入業主立案法團!

C.M. said...

苦瓜兄:

嗯,你講我先至有d覺,唔怪得成日都要深呼吸。

昂兄:

點呀... 係咪抽秤我呀... 佢睇到我咪話我吼佢就夠啦(嘿,臺詞早就準備好)。

開飯,唔夠... 係咪差對筷子呢?

黑人:

等等... 咁係咪代表我去就有女吼?(驚青性格注定我一世沒女吼)

K said...

>>呵,你睇,呢度全部痲甩佬/仔,仲唔係沒女吼!?

Hay! 邊個講o既, 捉佢出o黎打!

本小姐唔係女士咩?

本來話過要考試唔o黎您度, 但睇完都忍無可忍, 唔講唔得!

又係踢爆的時候: 如果您唔係一早自爆自己有家室的身份, 相信一眾女blog友們包括本小姐晨早就吼實您啦!

您衣家唔係我地班女blog友吼您, 係您夫人同您個小公主吼您呀!

講住咁多先嘞! 要讀書啦!

hkeric said...

結左婚都重話沒女吼?人生並唔係為左呢樣野喎。

C.M. said...

Karen:

嘩,既然句話係我講既,好明顯你想捉我出黎打喇(嗚~)

唉,用返你果句...曾經何時,如果我唔係一早自爆自己有家室的身份, 相信... 乞嗤!

祝溫習順利!


Eric:

Well,咁你睇到我人生目標係幾單一喇。呵呵。