Wednesday, May 05, 2010

Dissimilarity attraction

好多人都應該聽過咩叫 Similarity Attraction。如果用一句講曬,就係「同性相吸」。尤其眾 NLP practitioner(好恐怖),對呢個名詞更加係耳熟能詳。

管理學上有唔少研究都朝住呢個方向入手,例如睇下咩既 recruiter 鍾意 d咩candidate啦,或者咩既上司鍾意d咩下屬喇。丫well,原來好多recruiter或者上司,鍾意咩人原來只係睇 similarity 咋喎。好簡單一個例子,如果上司鍾意golf,而你又鍾意golf既話,咁你好可能相對其他同事更得寵。

不過就算唔係好清醒咁問落去,就自然會扯到點解男女之間「異性相吸」,呢個又應該點解釋呢?

丫。前排同我個靚女舊同學食飯,佢只係細我年零,但靚到呢,連廿零歲後生仔都嗒糖(拿,唔係講緊冰冰呀呢度),佢話家陣唔識點分咩係男朋友,點分咩唔係喎。(你話蠢既靚女係咪好容易呃?)不過我同佢過唔到電,想呃都呃唔落手。

講返舊史野,佢問我點解唔lum 佢呢?我話,similarity attraction 囉,你同我咁多dissimilarity,點lum 你呀。

跟住佢話(開始講推論,然後講理論,再講謬論,下刪三四百字)... 「查實呢,你有冇發覺,Similarity attraction係源自 risk avoidance,呢,即係 threats 呀。上司係因為同你similar,所以本能上覺得你無threat,所以先至不經不意咁接受你咋。好似同國籍、同政治立場、同母校,都只係因為instinctively 認為你唔會帶來威脅,所以先至出現attraction。如果你學業成就同佢一樣,咁隨時死得啦你。」

同佢舊同學,真係耳濡目染左好多廢話。

然後就話我... 「我之所以唔lum你,」(頂,好似我講先個播)「因為你帶唔到俾我 benefits呀。」(嚇?!)

「你話點解d男人一見靚女就想擒上去丫?咪就係因為期望有著數囉。如果撞正蠢女人,衰男人對佢既期望值就會增加,到時仲黐多d埋去添呀。」

「喂喂喂,但你好似仲未解釋 dissimilarity喎...」我忍唔住。

「搞錯呀你,枉你係XX個得意門生,女人有前有後,咪就係同男人唔同之處囉。所以男人對於佢無既野,例如事業線呀,FGH級呀,咪就係最實在既dissimilarity囉。蠢。」(死女包,上左身牙!)

「不過我未講完架。你有冇留意到押,similarity attraction 咁本能性,咁 dissimilarity attraction,其實反而係好理性嘎?而similarity repulsion 則需要理性,而 dissimilarity repulsion就係好本能性呢?」(講到一舊舊,真係鬼先知你講咩。)

「如果用番男女相拒呢個畸史... 不如用你黎做例子。好似你 lum 我但又唔行動呢,純粹只係因為你理性作祟,覺得從我身上得唔到benefit,例如你可能覺得滿足唔到我喇,又或者會得失其他人;又如果你覺得無 lum 過我呢,我可以話你知,其實係你好本能咁唔望我身體其他部分,以免好本能咁受到我跟你 dissimilar既地方所吸引。。。」

(NLP 課程裏面係咪有講過有d人個口越say no 就越令人say yes呢?)

如果將靚女講既野圖表化,就會係咁:

20 comments:

Hana said...

NLP 課程裏面係有講過有d人個口越say no 就越令人say yes但就要搭埋前文後理同Body Language一齊來分析囉!

廿零歲後生仔真係幾嗒我糖喎(好認真咁講)

C.M. said...

總之好似比鬼迷一樣,唔記得曬,醒左之後淨係隱約感覺到呢個靚女唔簡單(同你一樣)。

Terence Yun said...

如果保養適宜,呢個年代既中女都可以引到不少八十後既。
至少志玲都仲索過stephy掛。

同靚女舊同學食飯,有冇向大sir備左案先?哈哈。

C.M. said...

我呢個靚女舊同學,雖則無林志玲咁閃,但笑得一樣咁迷人。(身材唔知,唔敢正眼望)

備案嘛... errrr... 似有還無囉。

HollyCow said...

哗!CM,搞边科呵?咁有新意!

Icarus L said...

但假如similarity令佢覺得有threat呢? 會唔會有日你同佢有利益衝突, 甚至你威脅到佢個地位? 甚至或者無利益衝突, 純粹你打golf打得好過佢?

C.M. said...

牛牛:

唔新啦,只係我未講過咁咋。

********

Icarus:

好耐無見,先將阿靚女講既野圖表化先。

先提一個例子:Sex similarity.

表面上,係opposite attracts,但如果有記得到幾個keywords:青春期、Growth,我估大致上就會理解到,男女opposite attracts 除左係生理反應(hormonal),亦係成長期積聚返黎既經驗(唔知爭仔爭女,仲有社會/文化經驗)。而我覺得,後者(即cognitive)更有影響力,強化opposite attracts。

好勒,再refer to 你個問題 —— 梗係會有可能喇。

用番阿靚女個 theory, threat如果係similarity導致既,好大因素會來自「理性思考」,例如好似你所講,有利益衝突,威脅到佢個地位。如果上司因為你打golf係會令佢有threat,我諗原因唔係出自打golf比佢叻,而係佢打18洞,你打driving range!

遮又可以咁講,或者呢類威脅都可以係「instinctive」既。蝦,呢個等我再約阿靚女出黎食晚飯問清楚先。

又又,similarity/dissimilarity attraction,我覺得,好多時都係好唔理性既,對住比較(講求)理性既人,或者比較critical既人,碰釘子既機會都唔細。

篤篤篤撐 said...

佢話家陣唔識點分咩係男朋友,點分咩唔係喎。
>>>>嘩, 快d介紹我識 !! kaka

C.M. said...

怪佢過分美麗,小心奶野呀!

p.e.t.e.r. said...

>靚到呢,連廿零歲後生仔都嗒糖
講多無謂,快D整張相嚟睇吓先。冇相,你話豬扒喺林志玲都得㗎喇。

>蠢既靚女...不過我同佢過唔到電,想呃都呃唔落手。
喂,聽講你一早已經disqualified咗喇喎。
再講,佢真喺蠢的話,比你呃到你都喊三聲喇。
又再講,如果你又轉軚覺得佢唔蠢(真喺一個聰明嘅靚女的話),咁點解你冇喺個post度表示揼心呢?嘿嘿...一定有"烔梗"。

>例如可能覺得滿足唔到我

哇哈哈哈~ 原來佢講咁多廢話就喺想講呢句「你...滿足唔到我!」
嗱!老老實實喇,你衰邊飯瓣先?(極力忍笑中)

>similarity/dissimilarity attraction

點解我話廢話呢?因為呢類theory喺以成敗論英雄--點講都講得通,完全subject to個circumstances同理睇吓你想用邊個角度去justify你個argument.
e.g.
apply果個"圖表化"落 (i.e.男人望唔望女人)呢個topic度:
直-Similarity(昅)Disimilarity(唔昅);
橫-Instinctive(本能)Cognetive(理智)

1.昅+本能=賤格 / 誠實
2.昅+理智=變態 / 欣賞
3.唔昅+本能=基佬 / 君子
4.唔昅+理智=虚偽 / 自制

即喺咁,我唔喺好覺得呢D theory有乜價值囉。等於一個人要講某D道理,實有啱用嘅成語吖,歴史故事咁。不過究竟果D原因喺藉口/煙幕定事實之全部又喺另一回事。

所以,與其講D冇乜義意嘅嘢,不如你快D整張相上嚟同埋講吓你當年究竟衰邊瓣,睇吓仲有冇得救仲好喇。嘻嘻~

又,我覺得佢今次同你嘅"約會"中,佢其實喺度強烈地表達緊"等"你嘅幽怨囉。Exact~~ly就喺果隻"個口越say no 就越令人say yes"。之所以:
1.明明喺你話唔過佢電,佢偏偏就要講到好似喺佢唔要你咁,
2.又怪你「我可以話你知,其實係你...唔望我身體其他部分,以免...受到我...所吸引...」
唔通咁你都收唔到?可見你雖然冇正眼望佢,不過下意識中,你已經將佢裏裏外外昅得通通透透,所以搞到你一早已經迷迷糊糊。否則,以你成晒精嘅道行,冇理由呢D咁粗淺嘅道理,你會睇唔穿㗎?

嗯....吖!!!!莫非佢....佢....就喺傳說中大名頂頂嘅小狐貍?嗯...似喇,唔喺嘅話上面就唔會又喺度大讚人靚女但又唔表示揼心喇。

p.e.t.e.r. said...

apply果個圖表化落"小豺狠昅唔昅靚女舊女同學" (i.e.男人望唔望女人)呢個topic度:

咦?"小豺狠昅唔昅靚女舊女同學"<---唔見咗嘅?

xiao zhu said...

>>以你成晒精嘅道行,冇理由呢D咁粗淺嘅道理,你會睇唔穿㗎?

p.e.t.e.r.,佢點會睇唔穿吖!佢...嘿嘿嘿!

p.e.t.e.r. said...

佢咩吖?....你喺咪想話扮豬食靚女吖?

C.M. said...

(我覺得比人襟住黎打囉。)

p.e.t.e.r. said...

再唔坦白就人襟住你比小豬打蘿pat

xiao zhu said...

我咁溫柔,唔打人架!

p.e.t.e.r. said...

越喺溫柔打起嚟先越狠吖!

C.M. said...

查實,佢咪就係林志玲囉!

(噢畸噢畸... )

拿,以下一切純屬推斷,一切言論及態度,並不構成任何追女的要約或引導。

咁講,阿靚女呢,佢可能讀過NLP,所以就(亂咁)搵人試下遮。又,佢家陣響疑似PR firm 做,所以習慣左遮。又又,唔知佢真傻定假蠢,定係我地班男同學敏感,總之... 唏!又又又,就係你個答案勒:佢當我地班麻甩佬個個都賤格+變態+虛偽既!咁佢自己先至justify到佢個理性選擇嘛(呢個都係旁人斷估)。

又又又又,佢係小狐狸之外第二個可怕既女人。(不過小狐狸係被動地可怕,呢個係主動地可怕...)

>>否則,以你成晒精嘅道行,冇理由呢D咁粗淺嘅道理,你會睇唔穿?

你唔好理!總之我(暫時)都頂得順!不過我亦會好聰明同理性咁,唔會嘗試去挑戰自己底線既!

又又又又又,一早就話個theory對果亭超critical(即係你)無用架啦。太醒喇你,唔會明白我地呢亭凡夫俗子,對住阿靚女(個真身)會係何等滋味...。

p.e.t.e.r. said...

>總之...

總之就主動嘅又㗳你糖,被動嘅又㗳你糖喺喇。

>總之我(暫時)都頂得順!

点止吖,重好enjoy果種似有還無嘅曖昧添;)

>會係何等滋味...

我点會唔知吖?你當我孿嘅咩!

講開又講,當年查實喺咪比小狐狸知道咗你同隻大狐狸有啲曖昧所以嬲咗你吖?

C.M. said...

總之... 總之... 咁囉。