Wednesday, April 13, 2011

理性撕裂談談性

題目

呃,剛剛先發覺原來向來寫標題黎反映自己發噏風時個精神狀態,far 多過內容既主旨。活到老學到老,好,好。

原先

梗係想講政治啦!我呢亭阿伯最鍾意吹水搭爹隨口噏,不過最近飛滋同一時間生左四粒(其中三粒響條脷度),噴政治廢氣都悶死自己,等下次有心有力先。

隱婚.晦婚.尋婚

老實講,我好少講亦唔係太曉得男女關係、性文化,今次都算破格/例/戒/處(第一次寫喎,乜都破啦)。

睇過下近排陳奕迅劉若英果套戲既影評,嗯...... 求職或工作上故意「隱婚」,話自己單身,未試過。嗯,我覺得不外乎兩個原因,一係成班麻甩隱黎都無用,二係成班慳d啦baby隱左手尾長。幾年前有次以為我隱婚,幾乎俾人反枱咁滯。

之但晦婚,唔故意透露自己個婚姻狀況(a.k.a. 被經濟操控狀況)呢,就幾乎響間間公司都試過。或者覺得無必要啦、或者覺得有必要啦、或者有心有力想呢度食呢度屙啦、或者覺得屙完可以唔洗抹啦、又或者唔曉用英語外語北方腔表達自己已婚之類,總之人死必有其原因。

從來唔否認甚至好認同,晦婚的確可能帶黎唔少經濟上既得益,甚至工作上既便利。不過呢刻借第史還,晦婚積積埋埋還min pay 根本唔係長治之計。所以到左某一刻,好似本人咁醒目果d,都會將呢個晦晦地既身份變得無咁晦。Well,manage expectation 嘛。制定好 exit strategy 之後,慢慢黎,大家好。

咁當然,唔一定要再世潘安先至有人注意既,或者你聰明過人、博學多才、有修養有魅力呢(明嘛)。之但猜猜尋尋的確耐人尋味嘛,尋婚既男女,desperate 果d 會睇下你戒指戴邊隻手指呀(我戴中指),比較confident 果d 會睇下你有冇戴戒指呀(我唔係戴右手),入世未深果d 見到你就即刻除眼鏡呀.... 都希望搵到合適既之餘,亦唔想俾人突然一鑊撬起。所以就算晦婚,都要留少少餘地,所謂盜亦有道,唔好殺到人措手不及丫。

逢場作興怕咩?大滾油話投桃報李遮,人地俾兩個大桃你,你點都要送番個小李人地卦。(.... 真係唔止點回敬佢)

科學

拿,有一件事,絕對唔可以話俾任何人知。就係曾幾何時,有人好認真咁以身犯險
,調查同紀錄過經常共處一室既男女對於婚姻狀況響公事合作上有幾大影響。結論唔講喇,總之耳熟能詳喇,至於結果喎,咁未至於一身蟻就唔好追究勒。

藝術

唔講唔知,鄙人查實對藝術都好有研究!所以一定會求其搵個藉口話開會見客老闆追朴直,然後約埋大滾油狼友同coyote man一齊去揣摩揣摩呢個新派後現代藝術性代表。放心,條 link 對目標觀眾群完全無spoiler,之但各位師兄弟入場前後記得各取所需,對辦唔對辦都唔好找我呢個維園阿伯晦氣。

13 comments:

hollycowplanet said...

我今日病了,讀您的文章倍覺累!
等你有心有力,等了左三年,右三年!

p.e.t.e.r.班長 said...

>唔講唔知,鄙人查實對藝術都好有研究...

唔講唔覺,原來你都喺藝術家。幾時你又拍番套新派後現代藝術性代表作放上youtube公諸同好呢?又或者圖文並茂寫番篇動物園外傳都好呀 ;)

>然後約埋大滾油狼友同coyote man一齊去揣摩揣摩呢個新派後現代藝術性代表

小狼隊拉大隊出去戶內活動?唔該去完快啲出report,Miss Zhu等緊你交功課。寫得好(須圖文並茂)嘅話會貼堂㗎!

C.M. said...

牛牛:

陰功咯。我仲病左起嗎成個月,怕且你越等我我就越無力喎。。。有冇野可以補下身?

p.e.t.e.r.班長:

嘩!班長!

我唔睇youtube固喎,resolution咁低。不如我地一齊去博物館之類見識下視覺、觸感同埋行為藝術丫。

report呢... 前排既outing report收唔收貨?

p.e.t.e.r. said...

>不如我地一齊去博物館之類見識下
er....聽講呢套悲劇會令人笑死㗎喎,我怕到時忍唔到笑失禮你呀大藝術家。

>前排既outing report收唔收貨?
我唔知搣匙點睇,我就覺得麻麻地啫。

C.M. said...

唏,唔同人有唔藝術鑑賞層次,點會咁容易比血腥影響我對藝術既投入?

p.e.t.e.r. said...

血腥都影響唔到你嘅熱情,小弟真喺甘拜下風

魔術師 said...

>人地俾兩個大桃你,你點都要送番個小李人地卦。

兩個大桃=陰囊?

C.M. said...

p.e.t.e.r.:

哈哈,中途離場有幾難?

魔術師:

既然“人地”係女仔,又點會比果樣野你呢?兩個喎。。。

p.e.t.e.r. said...

咁結果有冇中途走火呀?

C.M. said...

唏,家陣仲請示緊呀...

http://ustbettylam.blogspot.com/2011/04/3d.html

xiongdimen! 奸巴爹

p.e.t.e.r. said...

嘿嘿,欲擒先縱,小心喺要你睇完之後有心理準備男人最痛!

btw"杜X澤聲音演譯3D肉浦事後感"將嗰篇嘢讀咗出嚟,好鬼搞笑,聽咗未?

C.M. said...

咦?睇落似喎,我都係咁比人七擒七縱抱X終生...

無呀。讀出黎咋?有冇比感情落去先~

p.e.t.e.r. said...

梗有喇,就喺咁先好笑!
雖然啲內容一早知道,但喺就....總之好笑喇!