Tuesday, April 26, 2011

李卓人,去PK啦你!

最低工資實施之前信誓旦旦話唔會影響低學歷群體就業,家陣響電視面前叫政府設立學徒制,係時機推行培訓乜乜物物。

PK啦你!

23 comments:

xiao zhu said...

唔夠喉呀!

C.M. said...

一人一篤口水咪夠喉囉。

(輪到你接落去!)

Anonymous said...

好political咁講,工聯會米醒囉。而家,個社會淨係記得李卓人。

不過,我記得,有人問過佢,最低工資會導致部份低學歷既勞工失業,佢有咩睇法。佢就話,相信會有咁既情況,但受惠既人會更多。

~goethe

Derek said...

雖然我一早就覺得呢條友一日到黑都係做SHOW,但其實我係支持最低工資架啵。

C.M. said...

阿靚仔:

你記性好,一定啱。但佢講果屎係最低工資塵埃落定之後?

我就記得係佢推行/推動最低工資既時候up過呢番說話。

又,如果我記錯,咁我就要記多次大過(作假証)。又又,佢條友有冇周時呢度講人話果度講鬼話既可能?我亦記得佢有次話其實最低工資對於就業既影響仲係未知之數,總之,嘿。

Derek:

雖然我唔支持最低工資,但我唔會好反對支持最低工資既人。事關呢種政策一定有人受惠一定有人受害,支持或反對,都係為左受害或者受惠人出聲。

我鬧係因為呢條友已經唔止一次自打嘴巴,仲要次次都打得好響。推行前將所有負面野收收埋埋,甚至負負得正,我鬧佢PK已經好厚道。做政棍都唔好做得咁離譜丫。

堅仔 said...

i think its quite normal if you want to get it passed you need to talk down the disadvantage =.=

its politics, its suicidal to talk objective and say the good things and bad things of the same thing if you want it to go one way =.=

I'm not so keen about him,
its just i think no matter what he says, a policy like this ($28 an hour compulsory) is going to affect some of ppl while benefits others.

but it has to be done in my opinion.

Anonymous said...

我search過,佢最近係有提過,最低工資,就算去到30蚊都唔會大幅增加失業率。因為,好多工都冇人做。

不過,雖則我搵唔到,但佢係半年到一年前,係大約講過,就算有人失業都好,但能夠令到一大班人受惠囉。

至於係米人話鬼話,唔排除。但,咁多個政治人入面,佢同梁耀忠算係較誠實同埋真心相信自己做既野,ie,not為選票。

你睇李永達公民黨個班,就真係好明顯係搵飯食或為選票囉--為選票唔係錯,但好多友係只為選票唔講原則麻。

補多句﹕至於班左仔,就係為飯票,呀爺講乜就乜。

~goethe

xiao zhu said...

>>...較誠實同埋真心相信自己做既野,ie,not為選票。

"ie" ??!! REALLY?!

C.M. said...

Hi 堅仔:

Right, that's normal. But that's low level politics (right?), conveying an idea to his favor. Nonetheless, I really don't mind. What I'm furious about, is his (accusedly) wilful negligence of the penalized mass.

C.M. said...

阿靚仔:

我地呢行點會未見識過佢手法+態度丫。佢響爭取工人權益既時候,係咪真心人言人殊,但次次由佢同公司講數都係佢要贏曬既,下下自己就係最道德果個。同工聯會唔同,佢地會一方面企響工人立場之餘,亦會尋求現實平衡,唔會完全接納工人無理訴求(例如超出法例太緊要或真係“唔合理”)。

佢話就算去到30蚊都唔會大幅增加失業率,好多人冇工做。我都同意丫,但兩樣係咪correlated呀。佢會唔知?好多工無人做唔等於加人工就會有人做,因為存在錯配。而我早幾年前話唔支持最低工資果陣,最擔心既係想做但無得做果批!佢李卓人講過乜?!嘿!

梁耀忠我幾鍾意佢,李卓人根本無得同佢比較,而你知我(或我講過)唔會因為一次兩次言行去定一個人(好似梁國雄,以前好like佢,到我家陣先對佢少番些少厭惡感)。佢響立法會辯論,真係無邊幾次令我覺得佢係從心出發。真係好想就佢收皮。丫,李永達喇,佢地兩個就可以比較勒真係。

係咪為選票我唔知,但佢“過分”偏袒(偏袒人人都會)一部分人我就好覺得係!

Anonymous said...

李卓人 PK 又點? 垃圾會議員可無限期連任, PK人随時可做多廿年!

hollycowplanet said...

哈哈哈!李卓人仲邊敢出街啊!

篤篤篤撐 said...

唔父平ar, 當時唔只李卓人一個叫最低工資, 工聯會都好大聲~~

C.M. said...

20:17 Anon:

我目光唔係好遠大,無諗過佢PK之後會點喎。

又,我覺得家陣仍然都有一個選舉制度可以踢走你唔鍾意既議員,(雖則唔鍾意 =/= 唔稱職)佢可以留幾耐,無人話得埋既。之但,我鬧佢PK 係指佢黑人憎之處,同佢係咪議員無咩關係。

牛牛:

o_O|| 唔關我事下化。

阿篤!別來無恙!

喂喂喂,你個層次唔係咁個播,你係咪阿篤黎架...

拿拿拿,我都講左幾次,唔係因為佢叫最低工資所以我媽叉佢喎。

無名 said...
This comment has been removed by the author.
無名 said...

I think both minimal wage and LCY are crap, when one think about the vicious cycle so created. see FB.

No gas to talk.

Anonymous said...

香港有部分議員同法輪功關係密切, 甚至親自走上台撐法輪功, 梁耀忠, 司徒華, 長毛 .... 都係其中

http://www.uwants.com/viewthread.php?tid=8419750&extra=page%253D177&page=2

法輪功的傳媒成日都有登佢地的訪問, 唔信可以係 google 度打 "梁耀忠, 法輪功", 或 "司徒華, 法輪功"...

C.M. said...

Anon-B:

Haha, got it, thanks.

18:32 Anon:

有人唔接受法輪功,有人唔接受政府,有人唔接受基督信徒,又有人唔接受自己既父母。查實你用緊邊個角度邊個層次邊個焦點去睇佢地同法輪功既關係?

Karen said...

>>學徒制

好衰唔衰,俾我呢位前度HR人記得僱傭條例講過不適用於按照《學徒制度條例》註冊的學徒(但若干規定仍適用)。

呢樣野無疑為十五歲以上兼無工作經驗的年青人有點兒幫助(但不包括最低工資),但仲有一班具有工作經驗兼學歷唔高的打工仔又點呢? 行學徒制會否把人工保持番每小時28元,但不限工作時間兼剝削埋休息日等等應有的福利呢?

推行培訓可否保證受影響的人找到工作嗎? 還是會令更多人申請綜援呢?

再加上inflation已經高企,一些retail、飲食及其他服務行業人工的支出,大多來自我們----消費者,要加人工就要轉嫁俾我們,其實間接地叫我們少d消費,咁會否刺激本土經濟呢?

任何新policy總有些人會被犠牲,但impact比政府所諗的太大,尤其係飯鐘錢和是否有薪休息日(呢樣野,真係多謝僱主聯會的龐惟仁先生喇! 唔少中小企多得佢唔少),搞到唔少公司有機會成為勞工界口中的"無良僱主"。

給基層員工一份有尊嚴的薪酬是應該的,但實行之前,其實是否要做更多前期的工作,以及當中有考慮潛在的問題,以免變成勞資關係惡化甚至變成經濟衰退的計時炸彈。

hkeric said...

我諗返起一個例子:

I ask him whether he plans to buy a larger crib or a bed when the child gets older. He looks puzzled and asks me what is wrong with the crib the child is sleeping in now. I point out that when the child gets a little bigger, the crib will be too small for him. My friend replies that I had asked what he planned to do when the child got older - not bigger.

It makes little sense to assume that as a baby grows older he remains the same size. It makes no more sense to assume that the market price of a good remains the same when you change its cost of production.

人工加左,物價高左,生活無改善.有人加左人工,有人冇左份工.

C.M. said...

Karen:

法例上的豁免,不等於僱主在現實上考慮採取學徒制。例如其他人時薪已經至少28元,有多少新進學徒願意接受低於此數?甚至成為誘因推使學徒轉行,造成更多錯配?而且,學徒條例限制不少,僱主顧慮自然不少。況且,尤記得學徒制已實施多載,雖然面對最低工資僱主算多出一個選擇,但學徒制不是僱主單方面的事情,更是缺乏經驗的新入行人士的事情。學徒制能否成為僱主為無經驗人士提供就業機會的另一途徑,我並不樂觀。還是那句老話:反對合法賄賂。

僱主向來都要比僱員食得鹹魚抵得渴,無良也好有良也好,口在人家,做到合法合情合理,無良兩字根本毋須太上心。有時說僱主無良,純粹自我預言,讓自己提高了的時薪,多了的休息,卻“可能”少了的每月總收入,多個自我安慰的原因罷了。

Eric:

Right. 我覺得既然最低工資已經實施左,咁就要努力minimize佢既負面impact,之但邊個有能力去minimize,就絕對唔係李卓人講既政府,而係社會。

Anonymous said...

c.m.

我係你回應中 "18:32 Anon:"...

關於邊個問題, 一直以來我只係一個CD ROM (只讀不寫), 偶爾會走過來你度睇文, 所以暫時由得我吧...

至於果篇法輪功, 講出來又好似陰謀論咁. 所以只係帶咗小小野出來, 等大家可以睇野唔使咁簡單.

美國有個 "民主基金會", 資助咗香港唔少項目, 公開的資金如下. 唔公開的資金則唔知啦...
http://www.ned.org/where-we-work/asia/china-hong-kong

法輪功的資金何來? 那些香港的XX人權組織, XX民主戰線.... 又或者點解成日幾十個人, 但代表多個團體, 走去呢度果度示威, 有時甚至一班人有幾個團體..... 呢班團體點樣標出來? 佢地想要做咩野? 等大家可以思考下...

以下係基金法二十三條全文, 再俾一個參考.

二十三條全文
香港特別行政區應自行立法禁止任何叛國、分裂國家、煽動叛亂、顛覆中央人民政府及竊取國家機密的行為,禁止外國的政治性組織或團體在香港特別行政區進行政治活動,禁止香港特別行政區的政治性組織或團體與外國的政治性組織或團體建立聯繫。

想講的就係咁多.

C.M. said...

Wonderful. Thanks. That's much easier for me to comprehend your arguement.

先申報,我都唔鍾意法輪工,主因只係我從國內既親朋戚友耳聞目睹過佢地既做法。上次我咁問,其中係想強調一樣野:唔鍾意歸唔鍾意,佢地未觸及我本人既底線。至少,佢地響香港未至於、亦未受控告話顛覆(或擾亂公共安全),更未被取締。

你上次提出左一d 似乎幾實在既間接證據,證明互有關係,但呢個關係究竟係咩形式、咩目的,並唔係一張remittance note可以充分説明。

你講到基本法,就講“法”,係咪疑點利益要歸于被告?如果講“理”,係咪應該先搞清楚咩關係?

我會調轉頭問自己,點解法輪工都肯實質支持梁耀忠,反而我自己,竟然只會響個blog到話支持佢,實際一分錢又好一點微力都好,都未比過梁耀忠?虛偽如我,有冇人睇到?又有冇人睇到梁耀忠究竟虛偽成點,定係可以睇到佢有苦自己知?又究竟法輪工支持梁,係因為希望通過梁可以達到擾亂安寧既目的,定係其他?

也謝謝你,至少可以看到梁耀忠與法輪工之間,很可能存在某種關係。(好奇想了解,借問有冇人曾為此向警方或其他機關“舉報”?)