Monday, November 14, 2011

心亂如麻

區議會選舉

感想有三。

1. 政治泡沫和經濟泡沫的共通點 - 議題炒作
2. 合理並合乎現實的結果
3. 公共政策尋求的是解決方案,然則政治尋求的是權力後台,前者是雞,後者是蛋。

討伐與懺悔

世上太多寂寞的心,太少撫慰寂寥的人,太多佔便宜的混蛋,太少撿便宜的好人。

不能從政的一百個理由

1. 太聰明,知道聰明必被聰明誤
2-4. 太多年少輕狂,太多感情缺失,太多蜚短流長
5. 志不在高,有錢則靈
6.-100. (待從政後再寫)

外傭居留權官司後感

1. 尋人尋物尋回音啟示:件事攤凍曬,幾乎唔再係話題;選舉之後更加渺無音訊

2. 先有法庭指首宗司法覆核只適用於該個別申請,而不適用於其他申請,後接二連三有外傭家庭申請司法覆核,部分被駁回。結果說明其中一個觀察:香港大眾對法理的理解,好容易受政治考慮所左右,亦容易受政客詮釋所影響。法律係專業,而詮釋或試圖解釋法律條文或法律觀點,係眾律師眾大律師既專業職責。我所觀察到既實情係,呢班法律既專業人士,包括政府班律師,都無好好協助市民去理解法律觀點,容讓市民去接受未受毫無專業訓練既政客既詮釋而不作任何反駁。好難怪市民會將來唔尊重專業人士,尤其班所謂法律專業人士。

3. 政府偏幫某些政黨意見已非首次,如果為左推行政策而去尋求政黨支持,亦絕屬無可厚非。之但,我等市民看在眼裏,知道政府明知有更強觀點在前而不進行及時修正,可見得呢個政府都幾弱勢(or 弱智),要聲東擊西先可以施政。

4. 繼續覺得,香港人越黎越討厭競爭,討厭提升自我競爭力。對於呢份感覺/觀察既一個古怪推測係:某d大財團扼殺合理競爭(即創造總體壟斷)既表現,製造出兩極感受,一,點反抗都無用,不如消極附從之;二,一定要反抗,仲要提升上政治層次去反抗!雖然感受處於兩極,但導向同一結果:外向型動力,以夷制夷。內向型動力,即自學,受到壓抑。心亂如麻。

政經以外

越黎越討厭談論政治,因為太多強加選擇予他人,要我逼人埋牆角實非我所願。要我下下以理性(理論)觀點去為視角辯護,又與我感性非常既性格相沖。真係好矛盾耶~

經濟更加唔在講,職場上股海中既高買低沽已經係我大半個人生既寫照,再講,隨時再次自我實現,不提也罷。

嗯.... 遲d 都係寫下Call of Duty 7: Modern Warfare 3 既打後感,應該比較容易入手。

8 comments:

said...

>好難怪市民會將來唔尊重專業人士

你打錯左字──「將來」應為「現在」

bittermelon said...

"6.-100. (待從政後再寫)"

莫非CM兄打算日後從政?

Ebenezer said...

香港大眾對法理的理解,好容易受政治考慮所左右...

So,why not?

同外傭案問題一樣,23條問題都係游走於法理同政治之間。

我嘅觀點係,如果堅持法理事,法理了,fine,咁公民黨同佢地嘅fan屎,做人就要consistent,堅決保衛基本法,支持23條立法,法理事,法理了。

我打死都唔信班大狀夠膽動23條手腳,專業喎,慳d啦。

the inner space said...

梁家傑又說:「要留住一個正在『當紮』的大律師或者工程師,要他每日用十幾個鐘於區內做,而個政黨亦都不可以有執政的一日,這就是我們的困難」。

實在坦白的可愛,可惜沒人識得愛,變成 Alan的毒藥!

C.M. said...

米:

醒喎!查實果史,我係避重就輕左先寫。

苦瓜兄:

從政留番俾你!如果我係會計界,一定投你票!

C.M. said...

以便:

>>同外傭案問題一樣,23條問題都係游走於法理同政治之間。

「某」程度上,係架!所以同樣好需要法律專業人士企出黎釋除公眾疑慮囉!

而「某」程度上之所以唔係一樣,係外傭案需要解釋現行法律而23條係制定法律。上集我講過(留言部分),港府當時手上仲有「居留權審批機制」呢張牌。

誰知後來法庭話呢張牌係王牌,嘿嘿!仲話港府可以繼續審批。

可惜市民過於疑慮,以至以為機制被法庭否定。不過呢個都唔係重點,重點係港府仍然暫停處理申請,為左一單個別case 就停止全部審批。我認為都呢度反映左港府根本唔持平,亦唔理會法庭勸諭,仲借用呢個時機去默許協助打「反對外傭牌」既參選人士。

你講得好啱,法理事法理了,港府開先河將法理撈埋政治籌碼去玩呢個賭局,唔知應該話佢高明定低裝。

班公民黨,我早兩年就慳左自己一票,睬佢地都傻。

專業喎,慳d啦。 x2

Space:

觀察左梁狀咁多年,曾經寄予薄望,好彩無投入感情,所以不帶走一片雲彩。

做區議員唔投入時間,做乜X區議員呀~!

Anonymous said...

你嗰一百個理由太有建地!可愛得我心亂如麻!

C.M. said...

扭妞,

係咪打正旗號做壞男人既就特别可愛?