Thursday, March 01, 2012

我係一隻曱甴 (2)

曱甴之所以生命力頑強,唔係因為佢曉飛,而係因為佢好怕死。

我唔想死。

琴晚做到差唔多淩晨一點先收工,預計將來既日子都會係咁。雖然睇落好多人已經係咁,例如阿二近幾年都survive緊呢種生活,比上黎我呢幾年真係同渡假無分別。

不過臨老先黎為左一個未知前景搏殺,十足中年再培訓後出黎創業一樣,(摺),係誇張左,但體力眼力注意力行動力,似乎都唔係好配合我呢個被眾人稱之為犯賤之舉。

咁曱甴係咁架啦,腦細搵食靠轉膊架咋,邊度會諗到咁多丫。

之但曱甴都有情緒,都唔想英年早逝。

咁,咪犯賤囉。又怕黑,又怕死,又怕搵唔到食。咁仲唔係曱甴係咩!

天呀,我點解要係一隻曱甴?

7 comments:

Terence Yun said...

保重身體,蟑螂都要抖下上來寫下野架。

the inner space said...

返到屋企阿女都瞓咗冇得撩女仔esp自己個女。淩晨一點先收工有公款搭的士直達屋企都幾喺!
預計將來既日子都會係咁其實捱到八點才飯食,
之後的工作嘅效率體力眼力注意力行動力遞減!

Ebenezer said...

保重身體!

我先幾年都有一年重新持得好盡,結果身體之後差咗。

Hana said...

曱甴有咩唔好?生命力極强,走位靈活,搵食精靈。預祝你成為一隻唔會被人捉\踩到的曱甴。

L L said...

臨老試嘢?我唔區架!你都唔駛卸!

C.M. said...

鹿,

唔知你有冇我一樣諗法,自己鋪頭有時真係一個避風港。

嗜悲,

好在你冇開口中啫,剛剛十點收工,冇得用公款搭的士。蝕晒俾公司。家陣為保健康,唯有日日(目及)女捕補下眼咋。

以便,

佄你好返d 未?我副偈應該瓜得咯。又,唔知點解我成日都唔能够响你度留言,話咩乜乜error 喎。點搞?

C.M. said...

冰,

多謝晒!成你貴言!不過曱甴呢種惶惶不得終日既生活,唔死都一身潺。

校長,

果然曉得蠱惑+激勵人心吓!我兩樣都受,唔客氣嘞!