我係一隻曱甴 (2)
曱甴之所以生命力頑強，唔係因為佢曉飛，而係因為佢好怕死。
我唔想死。
琴晚做到差唔多淩晨一點先收工，預計將來既日子都會係咁。雖然睇落好多人已經係咁，例如阿二近幾年都survive緊呢種生活，比上黎我呢幾年真係同渡假無分別。
不過臨老先黎為左一個未知前景搏殺，十足中年再培訓後出黎創業一樣，（摺），係誇張左，但體力眼力注意力行動力，似乎都唔係好配合我呢個被眾人稱之為犯賤之舉。
咁曱甴係咁架啦，腦細搵食靠轉膊架咋，邊度會諗到咁多丫。
之但曱甴都有情緒，都唔想英年早逝。
咁，咪犯賤囉。又怕黑，又怕死，又怕搵唔到食。咁仲唔係曱甴係咩！
天呀，我點解要係一隻曱甴？
7 comments:
保重身體，蟑螂都要抖下上來寫下野架。
返到屋企阿女都瞓咗冇得撩女仔esp自己個女。淩晨一點先收工有公款搭的士直達屋企都幾喺！
預計將來既日子都會係咁其實捱到八點才飯食，
之後的工作嘅效率體力眼力注意力行動力遞減！
保重身體!
我先幾年都有一年重新持得好盡,結果身體之後差咗。
曱甴有咩唔好？生命力極强，走位靈活，搵食精靈。預祝你成為一隻唔會被人捉\踩到的曱甴。
臨老試嘢？我唔區架！你都唔駛卸！
鹿，
唔知你有冇我一樣諗法，自己鋪頭有時真係一個避風港。
嗜悲，
好在你冇開口中啫，剛剛十點收工，冇得用公款搭的士。蝕晒俾公司。家陣為保健康，唯有日日(目及)女捕補下眼咋。
以便，
佄你好返d 未？我副偈應該瓜得咯。又，唔知點解我成日都唔能够响你度留言，話咩乜乜error 喎。點搞？
冰，
多謝晒！成你貴言！不過曱甴呢種惶惶不得終日既生活，唔死都一身潺。
校長，
果然曉得蠱惑+激勵人心吓！我兩樣都受，唔客氣嘞！
Post a Comment