Tuesday, March 13, 2012

我係一隻曱甴 (3)

阿嫲過左身,感觸良多。不過最憂心的階段已經過去,而且親友們都已經為此做了準備,所以不致太傷感。縈繞心中的,除了可惜,還是可惜。

曱甴要生存,就先要守住自己個心,尤其一個會守護他人既心。所以我應該唔係一隻好曱甴。

切雞飯

唔該切雞飯走翼。

雞翼皮多肉薄、雞胸有益、雞背夠滑、雞髀夠肉,32蚊一個飯,走翼乃必然之選。

行左十零分鐘返到公司,打開飯盒。切雞飯走翼變左切雞翼飯,幾乎氣上心頭。兩秒後諗,之前我應該搵切雞飯既著數太多,所以今次要捱下。

算啦,好又一餐,唔好又一餐。

選完又選

特首選舉峰迴路轉,惟曱甴無暇呐喊助威,管不了誰的生死,更管不了自己的生死。

不過,响我正式轉性寫周記之前(which 我唔會考慮),我好想聽下各位過客熟客稀客,有冇留意各大報响桃園小叙之前,佢地有冇比較明顯既立場,企邊便?

聽講明記幫阿梁,星記撐阿唐,方向唔知扶邊個。呢幾間咩立場我查實唔多在意,唯獨萍記睇得出係企阿梁呢邊,我就覺得奇怪。有冇人都佄覺得?我之所以奇怪,係萍記既立場,幾時變左選舉既站台人?你話同阿何拉票就話合情合理啫,同阿梁拉票喎,唔通佢係法治先鋒,民主鬥士?唔明唔明,有冇貴客指點迷津?

15 comments:

Terence Yun said...

蘋果開頭是打豬,現在開始拉狼。
這是蘋果策略。
將小圈子的怪現象顯現給讀者,小圈子成為一種不合理的選舉怪圈。
方向則明顯是暗撐狼明打豬。以打豬當中是以拉權霸開頭,然後拉下相同集團包括唐營。見佢可以搵到上海仔做獨訪,就知道佢好明題幫梁營來拉下唐營。

Ebenezer said...

會唔會大家都知撐豬再冇運行,落注梁營當賭下大細呢?

Terence Yun said...

為左利益而撐隻咁既奸狼而走去賭大細,可見傳媒係幾咁悲涼。

Terence Yun said...

願CM祖母安息

Anonymous said...

我去左大西北,連切雞飯都冇得食

the inner space said...

今晚失眠 。。。。。
我已經過渡到“切雞飯”要胸位,
E+有些餓意添最想有盒切雞飯吃。

C.M. said...

鹿米:

嗯,或者我get到少少~

雖然我唔認同萍記佢個表現係完全出自策略,(因為就算到左呢刻,佢吽阿梁既棍都唔係好到肉,而且對於所謂小圈子選舉既鞭策幾乎不值一提),但我都大致理解萍記既選擇,係社會道德,高於法制規限。呢個算係consistent既。

之又我最想考究既,係萍記呢個表現有幾影響市民既取向。

方向原來係咁,冇留意真係唔知。

另,謝。

C.M. said...

以便:

quote 番自己之前某處既comment:

梁最大既賣點係:Change, radical change, change at all cost

我承認我思想保守,對於radical change吳多接受,我接受亦非常支持gradual change。

唔敢講對change有咩研究,但其中一樣個人(比較)專長(or 專心)就係點樣lead/manage change。梁提出既change,唔係唔好,但正如一個人追求理想,係要有代價同埋考慮既。梁提出既change,只係民意,但無(比較)實際既可行方法同埋考慮其代價。

佢選舉主任蘿范椒芬當年推出既各樣教育改革,到依家既成效仲係成疑,如果唔係教師要靠自己既教育信念支持,果一系列既改革肯定崩潰。換著將激進改革叫一般市民去配合,沒有獨一而且強而有力既信念去支持,結果不難想象。

改革唔係唔好,Obama提出change,係令人眼前一亮,佢最大貢獻唔係醫療改革之類各項施政措施,我覺得,反而係打破美國人只有純白人總統既固有信念。佢change 好溫和,唔激進,但並無令美國價值向“不義”和“血”既方向惡化。佢既change好似唔見得change左乜,但查實,見得到既change,響一個泱泱大國,未必係好,反而如果響十年八年後先見得到分別,而非爭朝夕既話,呢個change(響呢個context)就已經叫係好。

你話我埋廣告又好,抽水又好,我個人在非商業運作中只見過唯一一種 radical change係好既,只係悔改,以及學習。

C.M. said...

米,

喂,咁你幾時得閑呀?我下星期或者得。


Space:

切雞食胸!正呀。

xiao zhu said...
This comment has been removed by the author.
xiao zhu said...

你透過 quote Obama 所演繹嘅,其實又會否只是另一種形式嘅、以便所講嘅賭大細呢?

C.M. said...

係。

港人不難同美國人一樣,希望求變,希望拆毀一d 野。我都想。

不過,只係想逐d 逐d 變,係有秩序既變。要係將賭大細之前,衡量風險。

冇人係真正無野可以輸,冇人敢担保唔輸打贏要,冇人敢話最緊要有人陪。

xiao zhu said...

好多人都以為、或者都希望梁會帶來大的改變...嘿嘿。

我還嫌他不夠奸呢。

C.M. said...

你遇到果個夠奸嘛?做到野嘛?

佢奸,係因為玩弄權術,而非心智有幾適合爾愚我詐既社會。

我奸,係因為我唔怕呢個爾愚我詐既社會。

你奸,因為你可以應付到呢個爾愚我詐既社會。

the inner space said...

在政治層面好容易由奸到姦!