Sunday, October 28, 2007

Cleopatra 的男人簡史

我叫 Cleopatra。

渣估怒火眼睛前排寫情史,鼓勵左我寫番篇男人簡史留念。

先講下我自己。

我,外表麻麻。個名仲成日比人話太長,發音有難度。雖然都叫 Cleopatra,但就肯定我唔係可以傾國傾城果隻。

做開 Boutique Sales,日日都會見到唔同既客人。不過可能黎我地Boutique既都係女人,所以識既男人,都係"有根有據",絕對唔隨便。

不過我呢班男人,唔係全部都係情人,有d,係知心;又有d,算一刻霧水;大部分,其實只係我呢個簡史既路人甲。

Achilles,係我個首任男友,當年大家無啦啦走埋一齊。雖然佢屋企人都好鍾意我,而且大家有過一段開心既日子,但路途曲折,分手收場。

Belisarius,與 A 相識,我地兩個曾經有過一刻火花,但因為 A 既出現而安樂告終。

Caesar,倉務部主任,年輕(當年)靚仔(依然)。因為果時同 C 經常出雙入對,所以被其他同事一致看好。不過後來 Cecilia 主動出擊,我嘛,醒水退出。

Donitz,補習班同學,曾經有段時間同佢單獨去街,有日係牡丹樓問我,可唔可以講清楚我地兩個既關係,佢話好迷茫。

Elliott,新來行政部同事,又一個年輕靚仔。阿 C 同 Cecilia 係一齊之後,各同事大跌眼鏡,替小妹不值。又因為我無機心,所以周不時同 E 去街。再次引來其他同事誤會。

Florentine,物流部新星,見到我就口花花。單身,有學識,又靚仔,好男人一個。

Gardner,來歷不明新同事。因為 G,我同 A ... 必須了斷。但佢經常生活於上流,同我呢種鹹魚青菜既女仔,根本唔夾。自從佢同另一位來歷不明既女仔一齊之後,我往後幾年都放唔入其他男仔。

Harvey,進修班同學。唔... 唔知點解,我對佢有一種莫名既好感,但佢就若即若離。

Iverson,新公司會計部精英。都係我衰,講野無分串。有晚捉我出黎,問我承唔承認我講過既野,死喇,我係講過,但不過成班人搞下氣氛遮...

Jenkins,我第二任男朋友,同事。曾經一齊落 disco 比警察查牌,見我地兩個無乜可疑,於是淨係的左我地兩個出場。原本故仔到此為止,但後來比人唱話我地兩個落D fing頭,然後咁咁咁咁咁...

Kesselring,又係同事(好悶)。大時大節,竟然約左成棚女仔飛起我。我足足萌左幾個月。個仁兄仲話唔知點解我啦啦啦咁耐。

Lafayette,銀行職員。又係我衰多口,講咩話無男仔吼遮!我唔係 X 剩蔗!

Massena,絲絲入扣,不過我知道,佢對我好,非因男女之間,而係我倆心靈相通。

監考官: 各位,時間到。Times up, pens down. )

......

監考官: 喂,好停喇,如果唔係就......

Cleopatra: 係幾年前,我已經同自己講過永遠唔再聽、唔再唱呢首歌... 不過,今日,我實在無能為力...

Love will abide, take things in stride... And I never drew one response from you... Wait for the day, you go away. Knowing that you warned me of the price I had to pay...

Linda Rondstadt - Long Long Time


監考官: 喂,好停喇...

23 comments:

xiao zhu said...

係唔係仲有13個黎緊?

Bungy-Zoe said...

我好鐘意故事入面d名@.@
因為好多都唔識讀呀~哈哈~~
下次應該係n開始,一共係唔係唔會有26個呀~~期待中~~

Anonymous said...

CM哥哥:

哇,你考我歷史呀...咁,我依d中三程度既實肥啦!

只認到Caesar同Cleopatra(我有個客叫依個名,笑到我)...sorry,我只睇過埃及妖后,又唔知果個Anttonio(?)姓乜,Gardner只諗到Happyness。

其他既,你得閒講下啦。

野蠻郡主 said...

哈哈哈!原來我最笨…我一開始就o晒咀,我仲以為我一直認錯cm係男仔,原來係女仔…我覺得唔對路…再望下佢既簡介啦!男喎!跟住再睇埋落佢.....邊有咁多個男朋友架!仲要順住字母落咁得意…先知…

怒火眼睛 said...

咁快time's up?? 咁剩番d 姐妹點出場呀!

Hana said...

"咁快time's up?? 咁剩番d 姐妹點出場呀!"x2
H 出咗好彩總有個S未出
拭目以待

said...

咁小狐狸係邊個

;)

C.M. said...

小珠:

乜仲有咩?嘩唔好卦。

C.M. said...

Zoe:

歡迎你呀!Cleopatra好鍾意有女仔黎探佢架!

哈哈~~ 查實Cleopatra 都話唔識讀呀。等我問問Z公子係咪Zoe先?

C.M. said...

香水妹妹:

查實好多個既歷史,你都應該接觸過。例如 Elliott 就同香港有關(Well,Cleopatra識得好少鬼)。

而G,I,J 就同美國有關(Err,因為佢地有美國口音,同埋成日落LKF)

而A,就著唔到高踭鞋,一定會拗柴。

C.M. said...

小郡主:

哦... 查實呢,係Cleopatra叫我代佢寫既。至於我嘛,都有好多男...男性朋友架。

C.M. said...

怒眼媽媽!

嘩,終於見到你啦(查實係我忙到死,無面見人)!阿老師話Pens down,我咪 down law,好聽話架我。

C.M. said...

兵妹:

查實呢個S,我都要問問Cleopatra。(查實你講一起,佢突然幾掛住S)

C.M. said...

阿易!

你呀,我仲未審你呀。識左你咁耐,仲明知故問?

Bungy-Zoe said...

C.M.哥哥
你未寫到Z喎...(我都未出場@.@")
你快d 寫埋佢啦~~

我好乖,有溫書
怒火媽媽有教goo自白,我有睇的
唔識讀~goo一下就有啦~

s-pig said...

死啦...我初初睇,淨係認得呀Lafayette係百.貨.公.司.咋.....

said...

小豬話因為我呢排訓得少所以慢左喎
嘻嘻

怒火眼睛 said...

哎呀點解燒埋我果疊, 我係"低調的怒火"喎, 襟燒d

C.M. said...

S豬妹:

乜原來Lafayette 係百貨公司黎架?多謝指點,多謝!

亦:

哼!

怒眼媽媽:

阿Cleopatra話多謝你喎。

火鶴 said...

我都post過呢首歌喎, 原來豺狼兄你都鍾意架? 唔通我同你真係...

C.M. said...

鶴兄:

乜你都post過呢首咩?!

我每次聽,都會受到刺激... (我同你真係... 不post不相識...)

K said...

咁,有無由N至Z呀???

完, 還是待續?

C.M. said...

Cleopatra話,應該完喇卦。