Thursday, July 17, 2008

ME (1) - Warm me up




雖然厚黑老師曾經跟小弟說過,人力資源管理(以下簡單點:人事管理)的核心價值在於 Motivation。

以厚黑老師經常要下屬跟著跑的性格,難怪 motivation 會成為他管理的重心。而我,比較喜歡面對普羅大眾,應付大小事故,所以會較側重 Managing Expectation。雖說側重,但不代表此為個人強項。

小弟最近被問及如何處理一件事故。

事緣靚女行家 Maggie 負責制定來月一次特別加薪的預算。

靚女行家瑪姬的公司因為業績不理想,上年年底的分紅強差人意。與此同時,某位一向深受一眾員工愛戴的部門主管,在分紅之後不久的某天即日離職,因此觸發了一波波的震蕩。傳言四起,有說老闆妒忌他受人擁戴,所以故意削減他的分紅;又有傳言指該主管因受愛戴有恃無恐,所以經常頂撞老闆,表面雖為自願離職,實際被老闆逼走。不少員工替該主管不值而紛紛辭工。

事件持續發展至六月初,老闆終於發現事態嚴重,認為要避免人員過分流失以及減低怨氣,於是指示瑪姬的上司,籌劃一份特別加薪的計劃書,希望六月底公佈,七月開始實行。

原先老闆希望給員工一個驚喜,不過,天要下雨,娘要嫁人,公司加薪的意向竟然被涉露了出去。原本此非大事,可是,這所機構似乎以造謠著稱,更言之鑿鑿指公司為補償上年度分紅之薄,於是今次來個大幅度加薪:輕則 8%,重則兩成;還有傳言指,這些加薪幅度乃天經地義,否則老闆不仁不義也,必消極怠工應之。老闆大驚,與某些關注事件的高層一同商討對策,認為殺一儆百已經錯失時機,高層們各自辟謠又不見成效,更反而火上加油。碰巧瑪姬的上司突然需病假入院,直接令公司成為多事者樂園。

瑪姬於是被指示按照公司之前的意思完成上司負責的計劃書,按照上年底表現評核結果,加薪3-6%。並劃一額外分紅 2K,並美名特別津貼。根據老闆與財務及高層等商議,此乃加薪上限,否則將令公司陷入困難。

平時素來與員工有講有笑的同事,都因這一連串事件與瑪姬疏遠。而瑪姬亦從各種渠道得知,這份方案,必定會引致不少員工反感。其中一個消息渠道指,原來之前那位深受愛戴的主管因為老闆的偏見和妒忌心把他轟走,此主管或會借今次事件挖走公司中的精英。

於是,瑪姬唯有四出求救。

28 comments:

哥斯拉 said...

在年中有3-6%加薪再加2k,已算是不錯。要求加8-20%,會不會食錯咗興奮劑?

Blogger70th Floor said...

我係瑪姬呢
就真係話之佢
間公司咁古怪
我做好本份之餘都應該諗下自己係咪仲留向到
做好本份=陳列所有options及其pros & cons
然後俾management decide

人心思變囉 expectation management就根本冇得做
多做仲多錯添

好明顯
衣間公司的問題就係
人治+透明度不足
個問題源頭係老闆
死症黎

C.M. said...

SOHO小龍兄:

歡迎呀!

因為類似事件不常有,為免瑪姬身份曝光,所以小弟需要刻意修改部分資料。不過,以性質而言,班人(唔只一兩個,而係一大班)既要求其實仲過分。

表面上似high過頭,但聽瑪姬講,似有預謀多d。

C.M. said...

危樓姐姐

若果你係瑪姬呢
你會有咩
Options
Pros

Cons

俾management 呢

係呀
Manage expectation 既最佳時機已經錯失喇
不過公司唔古怪
好多呢亭公司都暗藏殺機

補充
呢間公司
香港四五十人左右
大陸有廠
起哄果班大約十零人

Blogger70th Floor said...

炒晒/激走班人佢

廠?
出口?銷美?
市道轉差
炒晒/激走起哄果班
一舉數得

不過公司的管理真係要提升

話時話
我知呢亭公司好多
但唔代表唔古怪
比方說穿戴果間公司
人工係她計而唔係HR(她公司應該有HR的因為她寫見工時第一關是HR)計我就覺得好古怪啦
咁好多人覺得呢D野冇相干既...
但我就會覺得非常古怪兼唔合理
你諗下向一般公司人工係敏感info
越少人知越好
咁人工HR一定知因為佢負責安排簽約
咁點解要將出糧個task俾另外一個人做
俾多個人知呢?

maggie個case
其實做咩特別加薪呢?
個problem好似係"不少員工替該主管不值而紛紛辭工"
不過姐義氣還義氣
所謂既紛紛辭工
係咪俾對家高薪挖人呀?
如果係
咁人工點可以加少少就留到人呢?

所以
除左講金
仲要老闆放下身段講下心先得

C.M. said...

危樓姐姐

站在瑪姬個朋友角度(文法?)
I share very similar thoughts with you

Option 1: 友得佢。等佢地唔滿意自己走

不過,瑪姬話,d高層擔心行內聲譽受影響。

Option 2: 主動處理班人佢(即係你最頂個idea)

瑪姬話條數好襟計,老闆應該唔會咁做。雖然瑪姬佢都擔心唔咁做會唔會比佢地有機會繼續“搗亂”。

雖然我冇問到瑪姬咁清楚班人係咪義氣行頭,但我個諗法同你差唔多,都係覺得可能已經有人高薪挖角。所以呢,到左呢個地步,單單用瑪姬角度睇,就唔夠勒,正如你話齋,老闆要出馬,甚至放下身段。提高透明度,就係以後ME既教訓勒(更重要係,老闆,以後唔該反應快少少)。

留唔留到人係一件事,但老闆之後點,瑪姬應該可以做d建議。雖然成件事似乎好多陰謀,不過瑪姬個語氣,其實係buy個老闆多d。

特別加薪呢方面呢
唔係講笑
我好多行家
除左特別大既機構
都有
驚“人才”流失卦

穿戴間公司呢... (夠鐘,再講)

英倫肥龍 said...

唔好意思,未講答案就先問番轉頭.

其實,整個個程係一個人定一班人搞出黎架?

又瑪姬要求救咩先?要順利推行計劃書建議?定以留人成效為目標,定仲有其他呢?

Anonymous said...

睇見就忟嘞,成日都留咁多 unknown,揾人笨!

Blogger70th Floor said...

拿拿拿
有一種老闆呢
日理萬機

就成日以為公司偶有人事問題偶有派系之爭小事矣
所以唔想理
好啦
到有人坐大開始家吠不寧
先突然出招

看在其他同事眼內
一定唔會覺得老闆英明
只會覺得老闆後知後明

衣種老闆
需要學習既係
破窗效應

C.M. said...

肥龍兄:

>>整個過程係一個人定一班人搞出黎架?

發起人嘛,木宰羊。呢方面無從證實。

>>瑪姬要求救咩先?

Oops,鎖你,原來冇講清楚。

一,究竟衰乜,可唔可以反守為攻/轉危為機?
二,點睇件事,例如覺得係邊個搞鬼,之後應該點做(等等等)。

三,加薪條數點計,應該/可以用咩準則
四,炒人條數點計,
五,炒邊個,定係唔應該炒,炒要注意d咩
六,比咩(或應唔應該比)意見老闆
七,幾時出黎食飯呻下

C.M. said...

續龍兄:

鎖你,之前第六點既老闆=上司 & 老闆

小黃蓉:

咁真係好多unknown丫嘛。你應該比我清楚格。*_^ (你終於知道我點解話唔幫你nie)

危樓姐姐:

>>破窗效應

哦,原來係咁用既。多謝曬。

>>穿戴間公司

其實我唔係想講穿戴間公司,而係想講「一般公司人工係敏感info」。

但又其實唔洗講,只係想「問」點解「一般公司人工係敏感info」?而zz間公司又唔係?

唉,都係講下我既睇法,唔該比d意見我丫(我個頭好實呀)。

***********

邊d公司個payroll唔係中央集權處理既呢?

以「實際需要」角度睇,呢d公司/部門人工幾乎每個月/日都變既,例如Sales, piece-rated workers, project-based staff等等。

以「公司文化」角度睇,呢d公司可以係,政府部門、有Master Pay Scale system 或全人類人工一清二楚的公司、HR好懶、老闆好放心、計糧方法超複雜既公司。

以「我以為HR」角度睇,單單payroll calculation 係一種非常low value既工作。員工的Payroll必須要link with 其他相關functions先可以 add value to 中央集權式處理,例如individual/group performance, cost efficiency等。

單單以 security 或fairness(視乎公司文化)並不足以構成人工必須由HR計算的原因。

Blogger70th Floor said...
This comment has been removed by the author.
C.M. said...

危樓姐姐:

(嘩!嘩嘩!嘩嘩嘩!血淋淋呀!)

...向絕大部份的機構
...仍然是敏感資料
好同意丫


人工當然可以係敏感資料喇
因為可以唔咁敏感
傢嘛

不過呢
照你之前話人工唔係HR計
要記得
唔係淨係HR先至口密架

點樣令到人無咁敏感
甚至因為人工差異影響情緒

我唔識

但舉個例
大陸工廠計件工人
人工好多都係line長計架
全部人反而因為有得比較
所以會有競爭
敏唔敏感
視乎需要遮
有d公司個焦點在於
比同事之間互相妒忌底下
可能
利大於弊


何況
尤其公共機構
人工越透明
或者真係必須架

你話呢

咁血淋淋
卑鄙同學呢個星期六日
完全無心機


係咁遮

Blogger70th Floor said...

咁我都同意廠同公營機構係唔同既

嘿!

d人成日話工作要熬長
resume 咪太jumpy
我就係個例外

啫當你覺得自己underpaid
就要出聲
上司/僱主反應唔積極或者唔即刻做野
走囉咩事呀

職場上你想要的一切
係全靠自己爭取

當年葉劉果句護髮論我見工時傾人工都會用架

各位
在職場上為自己想要的待遇努力爭取
咁先可以無怨地坦然工作每一天

C.M. said...

...

即係話
如果我唔能夠捍衛我份人工
我又點能夠捍衛公司利益
諸如此類?

各位
在職場上為公司想要的表現努力爭取
咁先可以無怨地坦然工作每一天

哥斯拉 said...

我以前工作過的集團,因其中一間公司的代理產品權失去,sales連阿頭一齊跳槽到競爭對手的公司,走前仲帶走客戶資料,然後破壞電腦資料。老實說,想走的始終會走。

有些公司會分段出bonus給一些想留,又做到嘢的員工,免得他們被動搖。攪事那批無bonus,即係叫他們自己走。如果再有人攪事,就將帶頭的那一兩個抄掉,其餘入房照肺。甜言蜜語留下要留的人,要抄要走的請定人。
(純屬個人吹水,不要太認真。老細及HR manager一般早已有計劃,不會聽得入耳)

Anonymous said...

C.M. 兄呢句好正〝如果我唔能夠捍衛我份人工,我又點能夠捍衛公司利益〞。

正正係貪污瀆職既源頭,所以政府機構要高薪養廉,照犯如儀者就應該罪加一等。

望返自己工作既公司,有冇貪污呢我就唔敢講,不過瀆職失職就大有人在,所以我都唔知點解自己要咁盡責去捍衛公司既利益,捍衛到公司既利益,公司又唔會分返 D 利益俾我既,捍衛唔到公司既利益,又唔會有人質疑我既工作,所以我都係唔會去捍衛公司既利益,因為上面既人係瀆職失職既情況下仍然能維持一定程度既既得利益,我做下面既又何必咁在意去捍衛公司既利益呢?

C.M. said...

Soho小龍兄:

你之前果間公司個補鑊方法都好正路。我覺得一般公司(或HR)都採用呢個方法,至少唔洗點咩鑊。(原因係公司以「想走的始終會走」打定「底」,點worst都唔洗上身)

咦,係呢?既然個sales帶埋公司資料走,仲破壞電腦資料,咁公司有冇報警呢?

C.M. said...

皇兄:

其實果句係出自危樓姐姐架,我下次一定會照辦煮碗!

你講得啱,高薪(或許)可以養廉,但唔可以避免瀆職...

萬一個interviewer問返我比高人工我得,但點確保我可以比返咁多公司...

咁我應該點答? -_-

Blogger70th Floor said...

delete左我之前個comment
一黎唔想留下我人工多少的鐵證
二黎

productivity 呀我想講


>比高人工我得,但點確保我可以比返咁多公司
咁你既“高“人工
要係向market range裡面囉
咁你咪可以同佢吹一論水點解你係行業top tier

同埋
未有人咁問我
通常hr會叉論住我既係:
拿,高人工,年底花紅就無咁好架啦
你知啦,我地計一個package架嗎
你年底見其他同事攞好好既bonus,我驚你唔開心喎

同同埋
呢個人工唔係問題
不過你經驗差d喎`(高音)


如過我 expected salary out of the line
對方一定開門見山

英倫肥龍 said...

潛咗水,依家先返黎...(事實上我又真係去咗游水,好多人呀~)

你呢個情況又令我諗起「狗跌事件」添.

>>整個過程係一個人定一班人搞出黎架?

發起人嘛,木宰羊。呢方面無從證實。

>>>想知由幾多人搞出黎,可以評估一下搞唔好個風險(講唔掂數/最壞情況).而且可以既話或者可以傾下睇下有咩問題(如果對方肯講的話).求財求氣都好,應該有得傾.而且我覺得「不少員工替該主管不值而紛紛辭工」既理由未必充分兼係事實既全部,反而因為「上年年底的分紅強差人意」既可能性可能仲大.

而且可能因為該主管離職而引發既後遺工作(如權責唔清楚,誰發師號令,及工作流程等)及真空情況更應該留心.

一,究竟衰乜,可唔可以反守為攻/轉危為機?
>>>衰在之前收唔到風,到事情發生到一個情況先介入啦.

而且瑪姬始終都係隔一層(對整件事及同老闆關係上),所以要老闆信佢既意見同提議,可能仲要一段時間.

不過,既然瑪姬上司因為突然需病假入院而瑪姬臨時上馬,瑪姬可能做就係嘗試抽身唔好放自己入件事中(咁會變成個人能力問題上),而盡可能所以第三者身份獨立分析睇件事可能會比較有利.

二,點睇件事,例如覺得係邊個搞鬼,之後應該點做(等等等)。

>>>咁呢層就要睇瑪姬喺公司既人事脈絡啦~或者佢可以搵公司內一啲德高望重或較受員工歡迎既主管或同事幫手.

三,加薪條數點計,應該/可以用咩準則

>>>正如上面有人提過,分段出花紅俾一啲想留低又做到嘢既員工.而且咁樣比較穩陣,兼可以把呢個短期問題轉成中期方案,可以爭取時間.

既然係造謠,加幅又點(可能)會跟得足呢.不過如果我係瑪姬,我傾向會先同各部門老細/主管先商量真實方案及實質計算方法.

如果有需要既話,甚至自行引爆另外既方案(如造謠者所講輕則 8%,重則兩成)並唔存在.咁可以避免會再有第二,第三既方案出現.更表明,由此渠道發放既消息先至係準確.

洽詢後,最後先會公告天下.

四,炒人條數點計,

>>> 照足合約程序啩...其實得唔得架?

五,炒邊個,定係唔應該炒,炒要注意d咩

>>> 有嚴重錯失既,當然啦要炒,又要睇邊位係opinion leader.不過就一定要快,即刻要走.

跟大隊既,如果想留低又做到嘢既員工,最多口頭警告啦.不過就要重申如果知道再有相同情況發生,到時當然要升級.

六,比咩(或應唔應該比)意見老闆

>>>叫老闆要諗定plan B,而且儘快決定後著.而且可以既話,問老闆可唔可以親自出面去向員工講新方案,如果員工有問題或意見,可以直接對話及溝通.始終公司大事嘛.

七,幾時出黎食飯呻下

>>>我冇所謂,幾時都ok,你應該好忙呀.

K said...

Sorry!我遲了加入討論之列(原因係用了上星期五晚和今天去分析和寫整件事)。

Motivation無疑係一般管理人於人力資源上的重心, 不論係平常的公務甚至係講緊公司生死存亡的決定。

Managing Expectation...嗯, 印象中並不是每位管理人有的特質; 反之, 臨場執生和隨機應變者卻比比皆是。

講番您行家Maggie的事, 您可以話係一宗公司危機事件, 但其實整件事, 沒有當初的伏線亦不會有今天的危機。

先講Maggie間公司的上年業績不理想, 導致年底的分紅強差人意; 其實公司業績若然不是太差(差的意思係可能令公司出現財政危機), 乃係正常之事; 但因此而減少加薪幅度和花紅等員工福利, 令員工擔心工作不保和士氣低落(例如公司因此而凍薪、裁員和減少開支等), 若然公司當時可以即時釋除員工心中的疑慮, 其實係可以減少好事之徒藉著是次機會在內部散播對公司不利的謠言。

至於那位深受一眾員工愛戴的部門主管,在分紅之後不久的某天即日離職, 可以話係巧合或者係故意(箇中原因只有案中主角自己知, 最後”疑似”的原因係老闆的偏見和妒忌心把他轟走,此主管或會借今次事件挖走公司中的精英云云); 既然大家不是案中主角, 實不宜胡亂猜度之餘, 其實要認清自己是否純為那些謠言和而離開公司, 還是有甚麼原因(例如找到份好工, 但趁這個「亂」而早走早著); 若然未搞清甚麼原因而跟大隊離開, 顯然是不智之舉; 職場上實在太多「義氣仔女」, 不值得為一件事而押去自己的工作和事業前途。

跟著就Maggie的上司為此而籌劃一份特別加薪的計劃書, 卻不幸(或者係有心人故意)地「竟然被洩(按:您寫了”涉”字, 請更正)露了出去」(按: 我覺得這件事唔會無緣無故地發生, 所以個人認為最好刪去「竟然」兩個字), 然後被造謠者(按:您寫了”著”字, 請更正)利用這點周圍煽風點火, 加上籌劃人----Maggie的上司入院(係咪受到壓力而暫時避避風頭?還是真的有病?不得而知, 但事有巧合); 亦間接造成Maggie要背著這隻黑鑊去執行這件事(根據公司之前的意思完成上司負責的計劃書,按照上年底表現評核結果,加薪3-6%。並劃一額外分紅 2K,並美名特別津貼也) 但卻令她在同事層面變得不討好。

公司高層似乎嚴重低估了有人會洩露如此內部的機密文件(尤其係每位員工的人工和加幅, 不論係私營定公營機構都係一個重要機密; 但由於公營機構的開支是涉及公帑, 需要向市民和立法局議員等交代, 所以亦至少要公開有關職位的起薪及頂薪點、增幅和工作性質等資料), 亦顯示到有員工找到這個管治漏洞, 事先張揚兼加鹽加醋之餘, 並通知埋那位前度部門主管, 可以趁機挖走公司中的精英, 造成公司人才真空。

不容易解決, 可以點做呢?

1. 管理層要站出來向全體員工交代和公開整件事: 事情愈不透明, 只會令更多好事之徒把它愈描愈黑。

2. 件事始終都要解決, 這個計劃(稱為Plan A)曝光兼被利用了, 管理層要補鑊, 就要儘快做個Plan B 或 C(重新籌劃一至兩份特別加薪的計劃書); 當中要有各部門經理, 人事部經理和管理層參與之餘, 亦有必要執行「集體負責制」----即係話管理層一日未管理層正式「拍板」通過及通知員工之前, 上述人等不得向任何員工披露詳情(包括簽署同意書作實), 否則公司將會立即解僱。

3. Maggie做好自己的份內事, 雖則這件事是她未必能夠控制範圍之內; 即使她真的支持不了而自動請辭, 亦盡了自己的能力完成任務(但另一方面, 若然情況更糟和處理不當, 公司為了「平息民憤」, 可能會因此而把Maggie變成代罪羔羊); 個人認為, 執行的人不只是Maggie, 而是整個公司管理層和部門主管。

4. 至於那班員工, 問題係他們大多有離心傾向, 若然他們接受公司之新的薪酬方案, 之前的事可既往不咎; 但若然不接受的話, 雖然可以讓他們自願地根據勞工條例和僱員合約進行離職手續, 但絕不可以帶埋公司資料走和仲破壞公司財物及其電腦資料, 否則應立即報警; 若然打算離職後一段時間「翻閹」, 可免則免, 寧願以市價請個新人填位。

5. 可以的話, 其實係「斬草除根」, 即係揪出誰是洩露那份未經正式核實的加薪的計劃書的現職員工, 然後以「行為不當, 損害公司利益」為理由解僱, 問題係誰人敢揪出來嗎?

6. 無錯, 高薪係可以養廉(所以公務員之所以人工高, 係避免他們貪污), 但應按個別員工的表現和工作技能等各方面調整薪酬, 甚至是否給予花紅(我不主張為挽留員工而單純地一律加人工); 最重要的係員工希望係想要薪高糧準、有升職機會、工作有挑戰還是有好的工作環境等, 並非所有事情要用金錢去解決。

至於七十姐姐及其他朋友的一些看法, 容後再談。

Anonymous said...

好似七十姐姐咁講丫,我相信你叫得我黎 In,你都應該有睇過下我份 resume 卦,你唔係得閒成咁連個 expected salary out 左你自己個 range 都仲叫我黎 in 卦?

我最近一次俾人叉輪廚我叫既價既理由係因為佢地既 Bonus 比我而家公司好,咁所以我應該可以平薪咁過去佢度都仲有著數喎‧‧‧我個心當堂哈哈哈‧‧‧

唔知點解,C.M. 講既呢件事我覺得好有〝暗花〞feel。

其實我一 D HR 既知識都冇架,只不過又想向你地學下野,兼且搭下咀啫,有乜講錯請莫見怪。

Blogger70th Floor said...

暗花...

好驚呀
我自投羅網
救命呀救命呀

C.M. said...

>>拿,高人工,年底花紅就無咁好架啦
>>你知啦,我地計一個package架嗎

比著我呢,就會咁答:

Package?乜你地(HR)當bonus只係pay for responsibility 而唔係pay for EXTRA(高八度) performance架?

>>你年底見其他同事攞好好既bonus,我驚你唔開心喎

比著我,可能會咁答:

下?乜你地個個同事d bonus都公開架?

>>呢個人工唔係問題
>>不過你經驗差d喎`(高音)

心諗:頂,既然唔係問題,咁又關叉咩經驗呢?

口講:Errr.... 請問你地係Ad入面果d我個經驗係唔及既呢?

C.M. said...

龍兄:蝦,厲害!

Karen:嗯,詳盡!

皇兄:

>>俾人叉輪廚我叫既價既理由係因為佢地既 Bonus 比我而家公司好,咁所以我應該可以平薪咁過去佢度都仲有著數喎‧‧‧

拿,佢既然對你咁有興趣,你就更加唔洗“卸”佢添喇!洗同佢客氣?!(係咪先!)

姐姐: Errrr.... 下次我會醒水。

(尤其龍兄,Karen...下集續談)

seikomatic said...

dilbert 抄呢個架?

http://despair.com/complaints.html

—於放風話公司唔惦要裁員,不過又高調登報請人。

一來故弄玄虛,二泥要走既自然會走,三泥擾亂視聽,侍機捉鱉。

C.M. said...

嘿,Dilbert邊度黎我鬼知咩。我淨係知道我抄Dilbert遮。

嘩,你果幾招,等我抄低佢先!