Thursday, January 08, 2009

對錯之邏輯?

唉,呢排阿女成日都唔聽話,周不時逆我意,叫去東,就佢去西。就算講清講楚,畫埋押,都仲係.... 唉,總之下下都出人意表。

只有大人先會分對錯,植物唔會,動物唔會,BB唔會。係咪因為對錯既出現係伴隨住「目的」而成長?阿女越大,就有自己一套,呢一套其實就係咪就叫套 purpose?越有 purpose,係咪即係思考得越遠?

好似阿女咁,只係睇眼前,係咪就叫錯?對於我呢亭嚴父,佢就肯定係錯到極啦。但對於爺爺嫲嫲佢兩位,就輪到我錯到暈勒!

唔同 purpose,就有唔同既對錯觀念。

阿女佢刺激我咩?咪就係,對也好錯也好,用咩理據都好,用咩角度都好,用咩情況都好,自己判斷對錯既「目的」,先至係最重要。做人父母,連我自己都唔知自己一路所作究竟有何目的,我會覺得好醜。

淨係睇目的,好多人都應該學你咁,清醒一下自己個目的,因為,我都欣賞你個目的

伸延:論法律與我

7 comments:

篤篤篤撐 said...

小朋友既成長, 其實係獨立既開始。3-4歲開始唔聽話, 好正常丫...

小瓶子 said...

具体事情是什么?

Marshmallow said...

對與錯, 無非都係立場既問題, 就好似你會分左右上下輕重咁, 你睇既對, 可能係我睇既錯. 你以為係左, 我又可能覺得係右.

立場又會隨身高年齡同腦入面既灰色物質既多少而改變. 今日對阿女可能好重要既立場, 佢聽日又可能已經唔記得咗. 所以, relax啲啦!

又, 動物都有立場架, 你見過兩隻狗打交未? 唔覺得對方狗錯既, 又有乜好打? 係咪好似我地呢...

HollyCow said...

CM:乜你做老豆做得咁吃力咁架!見招坼招嘛,用童心去解決兒童問题吧!

余若虛 said...

CM兄,而家啲小朋友係好難教架,你都要落多幾擔心機落去喇!

小瓶子 said...

有D 细路, 你闹下佢或者打佢两下, 佢识得报警拉你架, 几恐怖吖.

C.M. said...

篤撐兄:
獨立由三四歲開始...哈哈,觀乎我兩隻野幾個月大已經開始自把自為啦。

小瓶子:
都係一般既對與錯遮。

綿綿:
>>立場又會隨身高年齡同腦入面既灰色物質既多少而改變

咦?原來身高都會影響...

不過又,若果意識到自己個立場會點樣影響到其他人,其實可以係一件幸事。

Holly:
唉,係啦。我真係成日緊張兮兮架...

若虛兄:
一件已經收買人命,依家仲兩件,所以就算依家好多野想寫都冇時間!(多謝你體恤我呀)

小瓶子:
我有時覺得呢個係咪父母自己攞黎呢?