下有政策
一切都緣起電腦。
兩年前。
「爸爸爸爸。」阿女要我抱住跟她玩。「好啦，爸爸抱啦！」
年半前。
「爸爸爸爸。」阿女自己開電腦。「哎呀，要熄埋插蘇至得！」
一年前。
「爸爸我要用電腦。」阿女自己襟著插蘇制。「哎呀，要限時至得！」
「丫丫丫丫。」阿仔要我抱住跟她玩。「好啦，爸爸抱啦！」
半年前。
「爸爸我要用電腦。」阿女玩到天昏地暗。「玩到長針指住個六字喇。」
「丫丫丫丫。」阿仔自己開電腦。「點呀！」
三個月前。
「我唔俾你用電腦！」阿女發曬脾氣。「邊度買倒時計呀，篤撐！」
「丫丫丫丫。」阿仔自己捐入台抵搵插蘇制。「唔准呀！出黎！」
一個月前。
「我好乖，個鐘響就比爸爸用。」阿女乖左。「嗯，好啦，送你一個貼紙喇！」
「哇哇哇呀。」阿仔拉開我，要自己玩。「好啦好啦，等陣！依家俾你！」
琴日。
「。。。。。」阿女偷笑。「係咪你襟停左個鐘！」
「哇哇哇呀。」阿仔拉開我，要自己玩。「真係要諗清楚係咪買多部腦。」
（阿米爸之《委屈》）
12 comments:
阿米 et al，
講開又講丫。
我同阿女阿仔之間呢個爭凳仔搶電腦事件，令我諗起近日我地個對話。
好記得好早前周圍有人話「後生仔第一個比人炒係因為佢地最無權！」
家陣我好想話，講呢番話既人，完全唔曉得點樣去理解人與人之間個關係，好荒謬。佢地提出呢番話既時候，係以咩做「理論基礎」？定只係胡亂推測？係咪上下，父女之間只有權力存在？利益呢？第三者呢？
回想轉頭，我同阿仔女之間個互動關係，就係我經常採用去睇上下互動關係既理論基礎。
（我黐左）
這互動，仲好玩過玩電腦啦，哈。
天倫樂的確是最好玩的遊戲。
我個女, 又係成日玩電腦, 每次限玩15分鐘, 以前仲可以守時, e+次次都話玩埋少少, 結果玩足半小時
hehe,個女同我咁高咁大了，依加唔會同我爭電腦玩了，我哋玩打交，好刺激！
你有兩個活寶應該好開心，就買多部電腦獎勵下自己喇。
鹿米：
哈哈，真的，知道阿女竟然曉得襟停左個鐘既時候，我反而樂不可支。
篤撐：
哎呀呀，我個女家陣都係咁呀，佢地依家都話玩埋呢段玩埋果部分就得，點算！？你諗住有咩好計？
皇兄：
好久不見，別來無恙！
哈，買電腦似係獎勵佢地多過獎勵我囉，你話係咪先～
冰冰：
嘩，你咁講真係嚇親我。萬一我阿仔大個唔玩電腦要同我玩打交咁點算？我老骨頭黎架咋。
呢個問題我好耐之前已經想過,我會比咗部desktop啲仔女用,自己就有足夠理由出部靚靚notebook ^_^"
哈哈，馬沙兄，醒喎。依家真係諗係咪買notebook。
...突然諗，唔知到時你阿細馬大個d，你係咪預左買多部destop呢？ =)
please check your blog. urgent msg 4 u.
ri
ce
haha XD
should i bring back the notebook to you?
唔洗喇，你公事緊要d。最多同佢地去公園玩catapult plane囉。
Post a Comment