Tuesday, January 05, 2010

逆來順受

人生最逆來順受的過程,莫過於為人父母。管教關交,本來互不相干,卻因時間飛逝而遞進。孤陋寡聞如我,從未聽過為人父母者會嘗數算著人生有多少個十年。

孩時管,兒時教,童時關,少時交。

阿米擔心米女屋企地板太硬,豺狼則擔心狼女頸太硬。管歸管,教歸教,地硬要靠關懷,頸硬要靠交心。

凡友人同事問到管教幼兒意見,唯得兩句,莫標籤子女,莫有定見。可惜成年人靠標籤搵食嘛。否則人治部何憑一向無準的準則來叮你走?又何憑似準不準的準則來猜度你工作表現?更何憑早準備好的人證物證來治你的罪?

抗拒使用標籤絕對是父母在孩提年代的反叛情緒作祟。你來硬頸,何以要我給你緊緊擁抱?你來發脾氣,何以要我給你深情一吻?你火起踢到檯腳,何以要我來給你安慰消氣?嘿,還天天吵嚷,不要爸爸坐在身旁?

手中有carrots 又有cane,要老爸逆來順受給你 care,不知是前世的福還是今世的禍,要送你爸一個三樣都不要的女兒。

阿女,空間我固然給你,也不問你緣由,讓爸爸仔細察看,有否一個答案。

8 comments:

p.e.t.e.r. said...

"教不嚴,師之惰"呢個波,早就由禁止體罰果陣開始拋番比老豆喇。總之有理冇理一概都係父之過同父之惰。

之不過如果你打得佢金得濟,佢返學校報串既話,又會有社工或者警察搵上門喎...

C.M. said...

唉,真係得你先會同情我。體罰我點都保留架勒,就算虛張聲勢,做Deterrent都要!

你呢,有冇諗過會唔會體罰呢?

Anonymous said...

又同情呀,不過因為其實都無固定方法(要睇個別兒童的獨有"構造"),當你能由內至外又由外至內了解兒童腦部運作與身心行為的關係,便可治療。正常/有特別的小朋友亦然。不一定有病才治療,亦不會叫治療,因為這詞帶有成見。但又不是訓練。

體罰?不如問吓她會唔會罰你? (講吓笑)

Nic

C.M. said...

Nic,

I'm so grateful you give our good friend a hand. I wanna give you a kiss!

好彩連你都同情我(好似仲有雲妹子)嘖,唔洗我顧影自憐... 嗚嗚。

(常言道親子三大板斧:carrot, cane and care, 但我有第四個c: crucifixion)

C.M. said...

Ha,講番,佢真係會覺得罰爸爸(甚至媽媽),係理所當然。

佢既視界,唔係我逆來順受果種,而係你我同等(甚至可以dominate 我),諗番起其實幾有趣。

p.e.t.e.r. said...

冇人會反對係教育制度上循循善誘係一件好事,之不過否定同廢除體罰絕對係矯枉過正既做法。係教育上既一大錯誤。

當然,如果小朋友係又乖又聰明既話,你想罰佢都冇藉口亦用唔上。不過試問邊個小朋友唔會唔聽話呀?否定體罰既阻嚇作用無異於廢除社會上既司法制度。

日後當賊仔個膽大左,佢唔會再怕當權者所訂立既制度,佢只會以挑戰制度做為證明自己既途徑。到時先黎punish已經太遲,因為punishment已經成為negative reinforcement,佢只會不斷嘗試去挑戰以outsmart制度為佢既positive reinforcement。

咁你話我會唔會體罰呀?

crucifixion?死諫乎?咁即係晒冷遮!呢D野只可以用一次架咋播 :p

Pro 13:24

C.M. said...

...係教育上既一大錯誤。 x2

如果要補充,就係:...係整全教育上既一大錯誤。

查實早預計你會體罰架勒,不過想你講出口,等我有機會自我感覺良好遮。=p

死諫就梗係唔係喇。而係人大左(/越黎越大),就要自己追尋。做老豆,頂多只係比佢睇到最後一個c,可以係點樣咁遮。(查實你應該明既,桀桀)

Anonymous said...

C.M.,
自己人對自己人系難好多… Nic