得閑無事（先黎）溫下書
好耐無溫書，所以寫兩隻字作下狀，咁遮。
咁首先梗係要講下我心愛既船山先生講乜喇：
沒有一個敢問他你是誰
約21:1-19
FACE OFF的橋段, 二千年前的版本.
耶穌復活後, 在提比利亞海第三次向門徒顯現. 這一次, 他易了容. 門徒只憑他的言行舉止認出是他. 吃早點後, 這個易了容的耶穌問彼得你愛我比這些更深麼. 如此「入肉」的問題, 彼得回答的時候, 望著這副陌生的面孔, 究竟有多認定他真是耶穌?
無怪乎耶穌要再三問他.
* * *
彼得曾三次不認主, 對比這一趟耶穌三次問他你愛我嗎, 問得他都困了. 然後耶穌才鄭重告訴彼得, 日後終要殉道. 彼得怎樣回答, 我們不知道. 我們只知道, 耶穌最後對彼得說: 你跟隨我吧. 經課就結束了.
事緣呢度：約21:1-19，爭議性囉我覺得。
咁查實，我都再問過一位同事，佢既答法好爽快：「點解唔認得？咪因為耶穌變左樣囉。」
係咪咁簡單呀講真，況且，點解要/會變樣先...... 難道真係死左三日，世上千年？（啊，掉轉喎好似）。又，好多篇章都曾講到，耶穌復活之後好多人都唔認得佢。我就覺得唔係話變臉唔可能，不過其他可能性都仍然存在卦。
（至於彼得答非所問既反應好明顯喇，九成九就係唔想跟耶穌打一世工，所以咪側側膊扮唔識囉。）
******************
其次係獅子、狼和羊的故事。
故事本身並無特別，獅子有什麼特質，跟狼有什麼特質，其實完全沒有什麼可提之處，重點只是內文的留言者，引起我諗返以前寫落既「巴別塔」（係，未貼過）。
果史，全民都統一口徑，要起巴別塔，然後上帝玩野「在那裏變亂他們的口音、使他們的言語、彼此不通。」（我估口音、語言改變之後，跟手就輪到「價值觀」！）就咁，散曬，班人就自自然然唔再起巴別塔勒，即係話，上帝引入「衝突同埋競爭」！
正如果個（無乜特別既）故仔，都係一樣講引入「競爭」。競爭同衝突乃攣生兄弟，可以點spin？就要睇人咯。（啊，衰，又想扯去 leadership 同 power！）
******************
又查實，好多野，都唔應該係得一兩個睇法咁少既我覺得。又又查實，仲有野想寫，不過寫唔落手，咁囉。
15 comments:
假知全知全能嘅上帝知道今時今人世人都起唔到一個塔去太空，”在那裏變亂他們的口音、使他們的言語、彼此不通”有咩作用？
哈哈哈，可能就係唔想佢地sai時間做無謂野卦。
嗱!家陣喺咪玩嘢先？燒我果叠吖!哈哈，等我又嚟發吓噏瘋先。
>彼得怎樣回答, 我們不知道.
跟得佢咁多年，重可以点答遮?你估佢喺白龍王之流咩？"老師，可以点化解咁吖？"
佢老人家開到口講過嘅，佢自己都走唔甩/唔會避，咁唔通做o靚嘅要做縮頭烏龜咩？果次叫佢咪去送死都比佢話叫死開啲喇，所以當時就算幾咁唔願都唔會再出聲瘀多次囉。
>「點解唔認得？咪因為耶穌變左樣囉。」
就"唔認得"呢件事，其實我覺得冇乜橋妙遮。你有冇試過用塊鏡或者up side down咁去睇一樣你好熟悉嘅嘢吖？你會發覺嗰樣嘢明明應該好熟，不過感覺就非常陌生。又或者一個化咗粧嘅女仔，同一個極之好戲嘅演員。當一個人嘅氣質有好大嘅改變果陣，熟人都好容易會唔認得，再加上喺人都知佢死咗，日光日白，就算心裏面覺得似都會好自然咁否定喺佢。
如果硬喺要話變樣嘅，都可能只喺佢頭頂多咗個光圈/靚仔咗。即喺好喺童話故事入面啲乞衣變王子咁從衣衫爛縷落落泊泊嘅氣質變成身光頸靚高貴奪人所以啲人先會唔認得遮。
否則，如果真喺"完全"變樣的話，邏輯上講唔通。就算佢話比人聽佢喺都唔會有人信佢。反而會好似有人鬼上身咁比人測試佢會唔會知道一啲只有佢同果11隻馬騮(有一隻瓜咗)私低下講過嘅嘢，就算果11馬騮終於肯信，都重要說服/證明比其他果一千幾百個信众....。所以變樣嘅講法只喺一個比較方便嘅解釋，但完全唔合邏輯。
至於口音，我諗該喺幾幫人起到咁上下爭做塔主所以大打出手結果功敗垂成。不過咁又同口音冇乜関係。另一個可能喺佢哋起果陣冇統一嘅度量衡(講法一樣不過實質唔同)所以起起吓冧咗。否則就算啲人痴晒利根都冇理由起唔成。
咁p.e.t.e.r. 大個仔啦嘛，燒兩下唔死得既（有半條人命嘛？）
＞＞就算幾咁唔願都唔會再出聲瘀多次囉
琴晚我諗左好耐，若果有日佢老人家問我同樣問題三次，我會點呢又... （諗咁耐，梗係諗點樣ju jue佢啦）
＞＞都可能只喺佢頭頂多咗個光圈/靚仔咗。
琴晚都有咁諗過，所以佢叫抹大拉的馬利亞唔好掂佢。咁當然，我都唔認為係咁喇。
＞＞其實我覺得冇乜橋妙遮。
＞＞變樣嘅講法只喺一個比較方便嘅解釋，但完全唔合邏輯。
你都覺得係咧。不過我有三個諗法：
一，呢個「變臉」解釋，係咪普遍性呢（church-wide）？不過呢個考慮都唔係我最著重，或者有神學方面既解釋（which I would likely be in doubt）。
二，邏輯... 其實牽涉「信心」矛盾。如果話耶穌原來可以咁樣變臉，咁佢復活後出現左既，就未必係耶穌本人，可能只係佢既替身。既然係替身，咁真身就未必已經復活。
三，係你剛剛提醒左我既。門徒點樣確認果個係耶穌，唔係靠樣；逮捕耶穌的士兵點樣確認，都唔係看圖索驥，或憑身上記號；掃羅變身保羅，都唔認得佢個樣。之但佢個樣，依然有跡可尋。
**************
＞＞我諗該喺幾幫人起到咁上下爭做塔主所以大打出手結果功敗垂成。
咁同口音、語言（然之後價值觀）既解釋，咪不謀而合囉。OK，如果用另一個角度睇，唔係神要佢地功敗垂成，而係佢賜比佢地「私心」，賜比佢地「個人主義」。
>ju jue
?
>普遍性呢（church-wide）？
??
>不過呢個考慮都唔係我最著重，或者有神學方面既解釋（which I would likely be in doubt）。
definitely NOT. 其實大老細絕少interfere已定嘅自然規律。否則，佢金口一開話大家都上天堂就唔駛落嚟搞咁多嘢咁煩喇。所以，就算有"神蹟"都只不過喺當時(今時)嘅人未夠水平明白遮。
>就未必係耶穌本人，可能只係佢既替身...
咁講法有啲gnostic feel喎。邏輯其實同「信心」一啲矛盾都冇。我會prefer佢一喺假死狀態，一喺佢照例activate咗一啲不為人知嘅自然規律("所謂神蹟")。
講番点解冇矛盾，近年有科學家將10災同期附近嘅火山活動連上。並有條理地解釋包括点過"紅"海。如果屬實，咁摩西嘅"信心"只喺存在於佢夠唔夠膽喺果啲"時間"(各災發生前)叉輪廚阿法老。佢嘅信心同啲所謂嘅神蹟會唔會發生喺冇因果関係㗎。
其實我相信好多"信徒"都誤解信心呢樣嘢亦過份誇大"神蹟"。更忽視咗愛心，被好多外在嘅規條框框定形。既冇盡心，亦有盡性更冇盡意(腦)，完全忽視common sense所以搞到神憎鬼厭。
>門徒點樣確認果個係耶穌，唔係靠樣；
逮捕耶穌的士兵點樣確認，都唔係看圖索驥，或憑身上記號；掃羅變身保羅，都唔認得佢個樣。
人從來都唔喺淨喺靠樣認人㗎喇;個25仔咀佢吖嘛，唔記得喇？掃羅喺明師迦瑪列嘅門生，應該成日同啲想佢死嘅律師一齊，認得佢應該唔出奇。
＞＞ju jue
拒絕（putonghua嘛）。
＞＞church-wide ...
Errr，唔係要解釋化，只係「擔憂」遮。因為連我同事都係咁諗，咁我咪覺得會唔會教會「中人」大多一樣認為佢係「變臉」呢？
嘩，我突然呢個post 覺得收穫好豐富。
＞＞其實大老細絕少interfere已定嘅自然規律。
ｘ２
＞＞邏輯其實同「信心」一啲矛盾都冇。
查實我「矛盾」既意思係，如果「有信心」，係「唔會」用「變臉」去理解「信徒唔認得」呢個「集體現象」遮。（即係同你講既「唔合邏輯」都係指向同一種理解）
＞＞認樣...
我記得。只係我gam粗咁諗，當時耶穌已經千千萬萬人見過，甚至拉佢既時候應該隨時一眼可以認出（風頭躉喎），誰不知點相方法唔係手指指，而係通過一種非常親密既舉動。我存疑，耶穌個樣係咪真係咁難認呢？
掃羅，係，仲係得意門生丫嘛。之但，我認為佢應該未親眼見過耶穌，亦未接觸過佢，囉。
Re: 神蹟
我（始終）認為最大既神跡，就係悔改。
>putonghua
冇晒啲平上去入，真喺你肚入面條蟲先知喺乜囉。
>同一種理解
真喺你肚入面條蟲先知喺乜囉。
>只係「擔憂」遮
唔需要擔憂吖。絕大部份嘅人可能聽都未聽過果個故仔，聽過嘅亦多數左耳入右耳出聽完就算。好少數會認真咁分析。會分析嘅一喺唔信，一喺好信。會因為呢個件事由信變唔信嘅就算有都喺極少數。
>真係咁難認呢？
佢啲死對頭就話化咗灰都認得佢遮。果啲打手鬼識佢咩。果陣時又冇新聞睇。啲死對頭坤個25仔話dup佢兩鍋之嘛(如果個25仔一開始就想佢大佬死，咁後尾都唔會咁內咎喇)，個25仔諗住点吓相又有錢收，又可以逼佢啲粉絲造反(就算佢真喺唔肯上位都可以嚟招黃袍加身逼佢上馬)，一個唔該革命成功仲可以封侯封爵，一石N鳥。咁既然重想有戲唱，自不然就會用啲神不知鬼不覺嘅方法等啲自己友唔知喺佢喇。(好理所當然遮)
25仔
見你呢排咁少post，幫吓你喇。又叉開話題講吓個25仔吖。佢喺就喺衰貪錢同埋發夢革命成功會飛飛黃騰達。不過我相信佢冇諗過佢大佬會學岳飛咁束手就擒慷慨就義。如果佢早知道後果喺會咩上呢個千古罪名，嘿嘿，真喺搵鬼去做果個25仔咯(佢收尾都喺度頸吖/另一個講法喺仆街死)。
雖然佢自以為擺咗佢大佬上枱，誰不知喺佢原來喺自己擺咗自己上枱。無他，就喺因為佢衰貪心囉。有啲人話其實25仔喺比大老細老点咗佢去做醜人，咁對佢好唔公平。其實枱戲根本冇定到話佢一定就喺個醜人。如果佢平時有聽書，就知道佢大佬講果套喺以柔制剛嘅太極而唔喺硬橋硬馬嘅金鐘罩鐵布衫喇。
況且兩軍對壘，間諜呢家嘢就實唔少得㗎喇。就算佢冇蠢到自己送上門，對方都會搵357個間諜混入嚟收集情報等有機會就煮佢大佬一鑊金㗎喇。所以，醜人唔一定喺佢做嘅。喺佢以為推佢大佬出去同人正面沖突會得漁人之利，誰不知大老細場戲咁啱爭個醜人，佢就咁盲中中中咗埋去喇。如果真喺要怪，都只有怪佢平時唔聽書，淨喺掛住啲錢同埋發夢喇。否則大佬果晚去飲都指明話佢喺25仔喇，佢都重咁沙pok照樣去馬？如果只喺為果幾個錢，正常人應該已經劣晒喇，重敢出去？要做25仔可以搵過第日遮，洗乜果頭比人督爆喺25仔果頭重出去咁搏先？
呢啲擺人上枱/督背脊嘅辦公室政治，我哋個個或多或少都會被捲入/被逼出咁做過(嗱，開正你果飯喇又講權力鬥爭)。有啲嘢(不論喺講過/做過抑或冇講/冇做)都會有啲後果。由其喺改朝換代嘅時候，呢啲咁嘅離間計/反間計/計中計更加喺層出不窮。之不過對人嚟講，是非對錯多數都喺以成王敗寇去衡量。而無間道呢就不論成敗都差不多一定會被人唾罵㗎喇，睇吓喺邊個陣營鬧得多啲咁解㗎遮。
所以大佬教落，唔好埋堆，做好自己本份就好喇。雖然唔埋堆真喺會少咗好多著數，或者甚至有時會寸歩難行，不過呢啲唯利是圖而結合嘅関係，多數冇乜好結果。唔喺今日你出賣人，就喺第日你比人出賣。而且大佬話大老細知道邊個喺人，邊個喺鬼，所以咪做埋啲陰質嘢。
（哈哈，最尾果段似足你風格，笑鬼死我。）
＞＞真喺你肚入面條蟲先知喺乜囉。
扯，曲線話我表達能力差之嘛．．．
＞＞會因為呢個件事由信變唔信嘅就算有都喺極少數。
咁又未諗到「由信變唔信」咁遠，只係「擔憂」信心係「過分」建基於「超自然奇跡」咁遮。（拿，括住左果幾個字，即係要喺我肚入面條蟲先知喺乜囉）
＞＞真係咁難認呢？
＞＞25仔
咁你又講得幾合理既。不過，咁詳盡，好似呢亭權力鬥爭，開正你果飯喇多過我喎。 :p
丫又，真係好多謝你，幫我補習... 真係好耐無人同我補習咯。
OK, counter argument：
超自然奇跡也不是沒有的（水變酒，五餅二魚，瞎子開明等），這些超乎人能理解的奇跡，與變臉，其實也可以是同樣層次：非人所能理解，包括不能理解當中的「意義」。
（神經反射：但所謂變臉，在各篇幅中不像被見證人視作「神跡」喎）
**********
船山仍堅持其見，不過我還是不明，需要多點時間。
**********
Re: 神跡
耶穌講過，佢既神跡係：人所拆毀既聖殿，佢會於三日內重建。
唔知有無理解錯：Anyway
(1) 當某日你見到街邊一個老阿伯暈左，你扶起佢仲野比佢食，跟住佢講系觀音現老人相，因為你慈悲可以完你一個願望。咁你會唔會話：車，呃鬼食豆腐咩，你又唔系女人，又無著古裝....結果系你自已miss左個千載無兩既機會。
信觀音系信佢既慈悲，所以咩樣無緊要，無觀音都可以有慈悲，觀音千萬變。
但雖然信耶穌唔應該區泥耶穌個形象，而系體驗佢對人既愛，不過有愛唔可以無耶穌，因為耶教既愛系主同耶穌受與既，無耶穌同主就唔會有呢種愛...
見佛殺佛好似大不敬，但佛祖除左唔會罰你之外，仲會話呢d先系佛法本性。上帝除左人殺唔到，講佢都唔得。佛教同耶教就有呢種分別。
(2) 如果狼有理智，知道食晒d羊會餓死，咁可以會叫d羊自已選個領袖，跟住依時貢獻，如果隻領袖唔聽話，就趙左佢以警效由。
某個程度上羊(或者部份羊)領袖羊都可以掙取到自主。
>最尾果段似足你風格
吓？我有咩風格吖？我唔知嘅？
>曲線話我表達能力差之嘛
嘿嘿，我有咁諗吖。不過，小狐狸當年可能就喺差果句我愛你所以....嘻嘻
>即係要喺我肚入面條蟲先知喺乜囉）
喺㗎。
>真係好耐無人同我補習咯
大家brain storm遮。客氣客氣。
>超自然奇跡也不是沒有
都喺啲未為人知嘅規律遮。
>不過我還是不明
裝過吓，不過唔喺好follow你哋個point喺邊...(我理解能力差掛)...;)
我去咗船山度喇。你自己去睇喇。;)
晶晶：
唔同人有唔同理解，哦畸喎。
(1) 其實上帝會點懲罰人，或者因咩事幹一定會懲罰人，我真係唔知。淨係大約感受到佢點愛人。
(2) 你講得啱，而且整個故事可以有好多「如果」，亦係令我覺得「故事本身並無特別既原因（相反都可以話個故事好多想象空間）。
p.e.t.e.r. ：
＞＞我有咩風格吖？
咪古古惑惑果種囉。當局者迷。
＞＞小狐狸當年可能就喺差果句我X你所以....
頂，你無可能知得咁清楚！！！
＞＞客氣客氣。
真心話。再多謝。
＞＞都喺啲未為人知嘅規律遮。
可以再討論。
＞＞不過唔喺好follow你哋個point喺邊...
我地兩個玩緊黐手，唔見咩？
Post a Comment