Wednesday, November 17, 2010

工廠事小記

唔化

做左咁多年人,覺得自己仲未到化境。睇野都仍然唔係好透徹。三句五埋兩句就同老頂開拖,置家中老少於不顧,唉,點解我仲係咁唔生性?

點解你仲唔炒我?(泣不成聲)

薪酬調查

前排收到紙扎工廠話加薪幾多幾多.... (點呀,滿唔滿意呀?)嗯,滿意喇.... 老細,你想我點解啫。

我地班紙扎中高層雖然唔算香港地既基層勞動人口一部分,但唔少都隨時跌落綜援網(下?又係日本菜牙?廻轉壽司算啦。下?三千蚊剪個髮正唔正?咁包唔包洗頭呀?)。佢地份糧已經同薪酬調查脫鈎,完完全全脫鈎,因為佢地份花紅已經脫離「每月薪金」呢個傳統現實。

作為紙扎工人既我,繼續慨嘆(即係周圍呻),薪酬調查就算有五個巴仙,或者多通漲兩三個巴仙(噢畸噢畸,唔係兩三個,只係半個一個巴仙囉),老細一句(你雙糧咪算八個巴仙囉)就抹煞曬。今年開始,要睇化lu 。

生仔責任

有個客好奇問點解紙扎工人生咁多個(真係多?都似係。)。有冇覺得要社會其他人幫手養埋,查實對其他人好唔公平。(做乜講講下公事燒埋我家底呀)

頂,最弊佢係客,你點話點好啦(響你面前)。

呢度講呢度散丫,查實部分小朋友將來會係照顧你既醫生或者係護士,又或者係你響食店招呼你既服務生、修路既工人。(甚至幫你家屬整紙扎公仔,然後燒埋俾你果個)

除非你擔心班細路將來「全部」都會係花光你積蓄的騙子、庸醫、基金經理(or 政府),否則,今日既付出同將來既收割相比,要無細路既他人去分擔責任,真係一d 公平性都無嗎?唔通你比既丁屎咁多稅,真係無數?

響考慮「家陣」公平同埋他人責任既時候,「將來」既公平同照顧自己既責任又係邊個黎負呢?無仔女幫你燒衣,都要搵人幫你執骨假,斷估。

8 comments:

怒火 said...

>>點解我仲係咁唔生性?
肯定同"薪酬調查"有關啦, 你覺得份糧未夠你忍氣吞聲, 要靠開拖扯平囉.

>>你雙糧咪算八個巴仙囉
唉, 合約工, 連八個巴仙都無囉.

>>無仔女幫你燒衣,都要搵人幫你執骨假,斷估。
嗯, 我中意呢種態度呀.

C.M. said...

>>你覺得份糧未夠你忍氣吞聲

Hehe, 薪酬調查佔一小部分遮。以我份人咁抵唔到頸,就算多多受氣費我都會爆囉。

>>連八個巴仙都無囉

唉,名義上我地有果八個巴仙,之但呢八個巴仙早就響之前十二個月扣扣埋埋所得呢。

>>我中意呢種態度呀

咁呢個世界係圓傢嘛,係咪先。

Ebenezer said...

三千蚊剪個髮??包埋特別服務費,係唔係?

Terence Yun said...

無仔女幫你燒衣,都要搵人幫你執骨假,斷估。
妙句!!

三千蚊剪個髮?洗、剪、「吹」乎?

K said...

>>點解你仲唔炒我?

您老闆話: 炒您? 咪便宜o左您? 咁無人同我頂頸唔好玩囉!

>>無仔女幫你燒衣,都要搵人幫你執骨假

仲要搵個位呢?

>>三千蚊剪個髮

包括另類services(咁講, 您老婆會打您)。

還是您想寫三十蚊剪個髮?

C.M. said...

以便:

九成九要喇,都唔明點解d女人可以咁捨得。

鹿米:

吹漲就真!過個零月忙到抽筋都話要請假去恤髮,真係Bee一聲。

Karen:

嘩,你都幾絕喎。象徵式都加下人工挽留下丫。

>>仲要搵個位呢?

哈哈哈,呢個妙,不過查實可以慳返,ting封塵。

>>還是您想寫三十蚊剪個髮?

哈,醒,好有雍正王朝feel。

p.e.t.e.r. said...

>三千蚊剪個髮?洗、剪、「吹」乎?

唔喺掛,咪玩喇,「咁」都要咁貴?

>咁無人同我頂頸唔好玩囉!

咁様似佢唔「休」咗你多啲喎。

>都要搵人幫你執骨假

都唔駛㗎,你可以去啲醫學院將自己啲嘢捐晒出去,咁就乾手淨腳,咩都唔駛理。唔講唔知,之前睇個電視節目話黑市好有價㗎。所有嘢加加埋埋值成幾廿個(唔記得喺美金定港紙)。所以如果有窿路我會想賣Q咗佢囉,連位都慳番之餘重可以益下後人。(不過呢度又有個dilema:如果喺孝子賢孫就一定唔捨得先人咁做,如果喺忤逆仔嘅又唔值得你咁為佢)。

其實我哋嘅成份只不過喺星麈,食埋啲菜呀肉呀都喺從地度借啲原素嚟吸收。用完咯,其實咪應該還番比地球呢。做乜鬼要搵啲四張半同個甖裝住佢(break up個transfer flow)唔肯還番比地球recycle呢?

C.M. said...

>>「咁」都要咁貴?

查實原來有錢(or想發洩),乜都可以好la貴。

>>所有嘢加加埋埋值成幾廿個(唔記得喺美金定港紙)。

算少喇,d人唔稀罕。(都係你諗得徹底,抵你發既!)