Monday, May 02, 2011

如果你一個人響超級市場困住左....

剛才問阿女咁既問題,結果當然係喊到飛起喇。

不過呢個早就預左咯。而且呢個問題都 plan 左好耐,點樣 deliver,點樣應對,目的係希望扭轉一個會令小朋友喊都飛起既問題,可以成為佢地克服內心恐懼既一個小訓練。

16 comments:

無名 said...

嗯!你個囡都好好玩bor

seikomatic said...

唔明典解會喊,食住雪糕睇雜志,最貴既每樣試一啖。等阿爸番泥找數,好忙典得閑喊,PS 阿爸唔好咁快番泥。。

005 said...

請恕我狠毒, 我還是覺得讓她體會一下勝過千言萬語.

C.M. said...

Anon-B:

人前醒目獨立,人後脆弱倚賴... 都係尋常小孩一個咁囉。

晶晶:

唔明牙?生個生番你就知咯。就算唔知,試下自己(或朋友)大地震大海嘯會唔會叫聲:媽!救命呀!

咪知道囉。

005:

唏,你估我唔想咩,如估係李+x開返間比佢,甚至開電視台搞真人show添。

005 said...

同樣道理, 以前家長趕細路出門口, D 細路會死守門口.
家陣家長唔咁趕細路出門口, 驚搵佢唔返.
查實上代人一路聽住佢喊聲, 都會驚佢走左佢, 所以聽唔到喊聲就會出門口望下, 係我細個好心地唔離家出走嚇人之麻(查實係驚死).

可派出阿女唔識之間諜(兄台之友)跟蹤, 自己狠心撇甩.

又, 驚險的你+妹小時候在內地被賣甩之旅, 應該對你記憶猶新. 對你自己會否有些心理障礙?

C.M. said...

咁又係,果陣應該走鬼左,等佢地搵餐死... (不過可能我驚返到俾人打餐死喎)

試過啦,不過你知香港地唔多場地適合歷險,唔係車多就嚇到人幫我報警,睇時機啦。

果次被賣甩之旅有咩後遺症我唔知喎,淨係記得個港人經理問係咪阿爸阿媽唔要你地,同埋請我地飲可樂食生果盤嘖。(呃,提起咁多年黎都無同大大老闆講多謝佢地添!!罪過罪過)

005 said...

歷險, 就是去經歷何謂險, 在周全保障下亦不去試險, 最終成為一舊溫室裡的蕃薯.

朋友的兒子, 同你個女差唔多年紀, 已經懂得決擇該原地等還是走返轉頭. 前幾日我同佢兩個去jumpin gym, 佢可以賴低個仔大半個鐘各有各玩. 一方面我覺得"好叻仔wor", 一方面覺得"有無攪錯唔使睇住個仔架咩".

結論係, 佢點都要試, 睇下遲定早. 我唔想佢好似我撞到既一個中學生咁, 去到地鐵站"渣住張港鐵路線圖"問我點樣搭車去柴灣, 兩分鐘後都仲企晌原地.

IQ, EQ.

AQ.

C.M. said...

去jumpin gym? 試過喇,上次去山上酒樓等你地既時候,咪放生佢地囉。兩條友睬都唔睬我地呀,就算失蹤埋都無反應。

咁講,呢個情況隨時係佢地樂極忘形遮,唔係test佢地有咩特質既理想場地囉。唉,總之好多野我地都係做到老學到老,咪埋眼探索咁囉,係咪先。

C.M. said...

丫,唔知你記唔記得,上次Dada唔覺意響中央圖書館走失左五分鐘(定十分鐘?),佢一路都無喊,直到見到阿媽,先至拆天。

p.e.t.e.r. said...

喊?佢幾大喇?
嗯...如果佢喺玩具反斗城又會唔會喊呢?

A如果佢真喺驚嘅話,我會咁諗:
1.我記得以前讀developmental psychology of children嘅時候話小朋友嘅智商同啲貓貓狗狗差不多。
2.同啲成日見慣人同車嘅鋪頭貓比較,啲成日比人困住喺屋企嘅貓喺會好怕去到陌生環境同見陌生人 。
3.所以如果你日日都同佢出街去超級市場見慣見熟嘅話,可能佢就唔會喊到飛起喇啩。

我仲記得四歲左右,屋企人已經比我自己一個落樓下戲院睇戲(嗰間戲院喺我嘅遊樂場咁濟,日日都去嘆吓冷氣先安樂)。

B 如果佢見到阿媽先喊比你哋睇,我又會咁諗:
1.喺咪你哋已經比佢train到佢一喊就即刻收到attention呢?
2 如果喺,咁喺咪應該negative condition咗佢呢個action呢?
3.如果唔喺,咁佢見到阿媽先喊喺要convey啲咩message呢?

無名 said...

人是非常有趣的「動物」^_^

C.M. said...

p.e.t.e.r.:

果陣四歲。喺玩具反斗城梗係唔會啦,我估。

1. Errr... 咁借問情商又係咪差唔多呢?

2. 嗯... 我信係。

3. 之但佢已經聯想到:得番佢一個喎。

你係doy,況且樓下個戲院仲係自己屋企人開既,梗係唔驚喇!(又係我估)

B. nonetheless above, 呢set 問題問得唔錯喎,有啟發性,果然係大名鼎鼎既peter仔o下。

1. (又點呀... 又咩事呀...)

2. (扯,有咩好喊!自己去玩啦!)

3. 咪就係要chur我地個attention囉


Anon-B:

哈哈,係呀。仲係非常有趣既「寵物」! =p

p.e.t.e.r. said...

>係自己屋企人開

喺街坊開嘅。我第一、二套毛片就喺喺嗰度睇嫁喇。如果喺屋企人開,邊有可能比四歲嘅塞豆窿睇毛片呀?

C.M. said...

或者就係因為街坊好心,怕你遲熟呀

你果使睇既係... 碧麗珠的情人,定係查督撐夫人的情人?

p.e.t.e.r. said...

所以家吓熟到爛晒囉。
話記得就擺明坤你喇。
我又唔喺嗰啲咩神童。
我淨喺記得一套喺講車震嘅西片,另一套喺講黑社會尋仇嘅港產片加插啲甜嘢。
嗰套港產嘢啲劇情幾得架,唔會好似依家啲咁搞笑。喺喎,嗰套嘅嘢你睇咗未呀?

C.M. said...

熟曬... 見字生義... 係咪講個“人”呀?

果套野,唉,今日都要響office,你話有冇機會?嗚嗚嗚...