Saturday, May 28, 2011

一個李嘉誠

香港有一個成功既李嘉誠,同時亦有999999個失敗既李嘉誠。

正如遺傳工程學有個懸念,問如果希特拉可以被複製,咁呢個/呢幾廿個新希特拉會唔會同樣可以令世界發生第n次大戰?

一Q樣遮。

我讀生物出身,受「環境支配論」(if not evolutionism)影響好深。

一隻雀仔唔會因為自己幾把炮所以就曉飛,環境可唔可以令佢飛得起佔好大比重。有毛有翼先要睇父母有冇餵飽佢,又要睇下有冇偶然食錯野瓜鬼左或者病到五顔六色,跟住又驚會唔會鵲巢鳩佔俾人狸貓換太子..... 再對比下自己努力同付出成唔成正比,最後先得出一個點樣既李嘉誠。

做個「努力過」既李嘉誠都唔係好失禮遮,唔洗下下要做個「成功左」既李嘉誠先代表有呢種DNA下化。Well,遺傳工程學如是說。


(重感冒+肚痛+腳痛中,家陣再逼自己死去瞓)

19 comments:

石先生 said...

好,說得好。
努力重要,環境也重要。

詩白爾 said...

人地大學係讀文科,邊識呢D錢銀以外的知識呢?

調番轉,唐狗可唔可以做李嘉試?梗係唔得啦,唐狗只係人類養黎看門口吠下。又,邊有人將隻狗當傭人用,要佢打理家頭細務?

鹿米館 said...

重感冒+肚痛+腳痛中既未來李嘉誠

無名 said...

CM,
I thought you are Geog人 or BioChem人 tim...

你講這些真正確。Cloned LKS 只是有相同potential 的 brain cells. By having same potential, I refer to physiological properties of his neurones only. 未有相同能力.

:)

C.M. said...

石Sir:

做role model其實要天時地利人和,所以呢,我唔係咁鍾意用“人”黎做benchmarking。

Zeabor:

哈,其實我係到今日先知道究竟邊個liu起呢個李嘉誠話題。人各有志,我唔係佢目標聽眾囉。

鹿米大哥:

咪玩小弟喇... 雖則我八十歲果史都有可能有佢十五歲既成就... 又如果我未賣咸鴨蛋既話

Anon-B:

哎呀,總之同Bio有關喇(例如人體水質線條學或油性曲線美學之類)。

就算有同樣數目既neurones,都未必有同樣結構既synaptic connections... I wonder?

無名 said...
This comment has been removed by the author.
無名 said...

Ha ha, you know what I mean bor, really fun to talk to you.

可以互動交流...真好!

p.e.t.e.r. said...

唐狗?乜唔喺要嚟劏咗做香肉架咩?

好明顯你喺個冇黐過膠花嘅你+x,所以你只可以感冒+肚痛+腳痛

p.e.t.e.r. said...

肚痛... 你成個敗痾樣出晒嚟喇

C.M. said...

Anon-B:

彼此彼此,幸會幸會 :)

p.e.t.e.r.:

>>你成個敗痾樣出晒嚟喇

雖然呢個gag幾爛,但都笑到我肚痛! >_<

我冇黐過膠花遮,但我黐過孖根應該算同一條起跑線丫

Anonymous said...

我天生正能量多左D,唐唐的一番訓話,
我視之為善意提醒,佢果句說話,
我意會是年青人要多作反省,重點係要反省。
你的內容,亦寫得好好哦,成功要靠環境因素。
我學了野,多謝你。

C.M. said...

正能量好丫!

我意會佢果句說話係:年輕人要有目標。

或者我一來已經早有目標(又查實仲係烏sir sir),二來病到懞查查,所以對於佢既提醒,我只有一個字:哦。

又,唔洗咁客氣,如果講evolutionism (if not,環境支配論),我會話,響一個環境要成功,最緊要係了解環境同自己既局限,了解自己同環境之間既關係,適應環境。

又又,社會並非“單一環境”。

Desertfox said...

祝早日康复

C.M. said...

沙狐,你的問候正及時雨,多謝。

(家陣咳到吐血咁滯...)

Perennial_Loser said...

"若要人似x, 除非兩個x"...某位馬臉高官講嗰句同其他人講類似嘅嘢, 聽咗10億9700萬次之後, 都無咩反應咯.

又: 某部分人成日 take 班細路 to task, 質人做咩唔創業唔 innovate...即係呢, 某幾個食生果嘅 IT 人啦. 呢班人都係 blog 界名人, 有無睇下你呢篇開頭嗰句呢, 又?
XD

關於咳: 保重之餘, 搵人 check 下都要 - 話唔埋係跌咗啲乜入肺, or whatsoever (ref: House 第七季某集個案)...

seikomatic said...

小連唐唐自已都唔想做李+X,就叫人做,俺打算做美帝總統,完祖國一統宇宙既大計,為中華民族發熱發光。

Ebenezer said...

我睇你篇野時都作緊病,唔知係唔係俾你傳染呢?

C.M. said...

(唉,咁既年紀一病,好耐都唔好)

P_L:

好耐無見!講開創業,小弟膽粗粗都創過,雖然未竟全功,但都覺得創業唔係個個人適合。而要有適合既條件,除左性格能力呢d內在野,仲好睇外界有冇鼓勵/推動/打擊。果頭叫人創業,就唔該唔好下下話人無腦唔長進囉。(別無所指)而我呢,都似李嘉誠架,不過可能係四歲大既佢囉,未學行先學走囉。

(陰功,食左葯咳得無咁犀利,但眼瞓到死...希望唔會有幸要見House啦)

C.M. said...

晶晶:

咁我打算做英王,可以不問世事又可以腰纏萬貫,爽!

以便:

九成係我睇完你堆恐怖經歷果晚發噩夢之後就搞成咁!